Nyuuth 18:15 - JAM DE NHIALIC 2011

¹⁵ Ku ajalɛɛp wään ee kakë ɣaac, kɔc wään cï tɔ kueth ë wëu, abïk kɔ̈ɔ̈c tëmec në riɔ̈ɔ̈c bï kek riɔ̈ɔ̈c ë lɛ̈ŋ bï e leeŋ wëi, ke ke dhiau ku biëkkï keyöth, an:

Nyuuth 18:15 Iomraidhean Croise

Edhekiɛl 27:31

Acïk kenïïm muut në këdu ku tɛ̈ɛ̈ukï lupɔɔ ke cual në kekɔ̈ɔ̈th. Acïk piɔ̈ɔ̈th jiɛth arëët të dhiɛɛu kek.

Dhek 11:5

Aye kɔc cï keek ɣɔɔc ke nɔ̈k, ku cïn këtuc ye luöi keek. Ku kɔc ee keek ɣaac ayek lueel an, ‘Thieithieei Bɛ̈nydït, yɛn ë kuɛth.’ Ayï tïnden guöpde acïï piɔ̈u ee kok ë keek.

Mak 11:17

Go ke wɛ̈ɛ̈t, yöök keek an, “Kënë gɔ̈ɔ̈r an, ‘Ɣöndï abï aa cɔl ɣön ye juöör lɔ̈ŋ thïn ëbɛ̈n?’ Ku week, acäk tɔ ye ruŋ ë kɔc ee käŋ rum!”

Luɔi 16:19

Na wën, aacï bänyke e tïŋ nɔn cï aŋäthdɛn ë wëu jäl, ke ke dɔm Paulo ku Thila, ku thelkï keek ë thuukic ë bäny nïïm bäny ee löŋ guiir.

Nyuuth 18:12

kakɛn ë adhääp, ku ateek, ku kɔi lɛ̈k tuc ë ɣööcden, ku kɔi cɔl margariti, ku lupɔ piɛth lɔ mot, ku lupɔ thiith amujuŋ, ku lupɔ cɔl ariir, ku lupɔ thith, ku tiim kith ë ŋiëërdenic, ku ka ye looi ë lëny akɔ̈ɔ̈n ëbɛ̈n, ku ka ye looi ë tiim lɛ̈k tuc ë ɣööcden ëbɛ̈n, ku maläŋ, ku wëëth, ku gomgooi,

Nyuuth 18:13

ku wɛ̈ɛ̈l cɔl kinamon, ku mer, ku wal ŋïr, ku miök tum, ku libano, ku mɔ̈u, ku miök, ku agamɔ lɔ mot, ku agamɔ kënë guöör, ku ɣɔ̈k, ku thök, ku jöŋgöör, ku abëël, ku lïïm, ku wëi ke kɔc.

Nyuuth 18:14

Ku kamit cï luɔk kak ee yïn ke ŋɔ̈ŋ acï ke jɔt tëde yïn, ayï kamit cuai ku ka läk acï ke jɔt tëde yïn kedhie, ku acïï ke bï bɛ yök anandu.

Nyuuth 18:19

Agokï abuui dɛɛny ë kenïïm, kiiukï, ku dhiaukï, ku biëkkï keyöth, luelkï, an, “Amawoou! Madinoou, gök de pänydït oou! Pänydïït cï kɔc tɔ kueth ë wëu thïn kedhie, kɔc de abëëlkɛn ee cath ë wɛ̈ɛ̈ric, në juëc juëc ë wëuke! Ee thaar tök tei en aa tɔ ye kuany nyin oou!”

Nyuuth 18:3

Ë luɔi cï juöör ëbɛ̈n dek në mɔ̈ndɛn ë agɔ̈th, agönh ë bïïyë bɛɛlde, ku meliik ke piny nɔm aake ye lɔ në yen, ku ajalɛɛp ke piny nɔm aake cï kuɛth ë wëu në juëc de kakɛn mit ee kɔɔr.”