Nyuuth 17:11 - JAM DE NHIALIC 2011

¹¹ Ku lɛ̈n rɛɛcë ë nu, ku cïï nu, yen aye bɛ̈tden, ku ye töŋ de dhorou yiic, ku alɔ määr ëtaiwei.

Nyuuth 17:11 Iomraidhean Croise

Nyuuth 13:10

Raan ë kɔc peec tɔŋ, ka bï peec tɔŋ aya: ku raan ë kɔc nɔ̈k ë abätäu ke bï dhil nɔ̈k ë abätäu aya. Ruöt ee kɔc ɣerpiɔ̈ɔ̈th kepiɔ̈ɔ̈th ruut kï, ku gäm ee kek gam kï.”

Nyuuth 13:12

Ku ciɛth ke riɛl ë lɛ̈n rɛɛc tueŋë e yenɔm, riɛl ëbɛ̈n, go piny nɔm kekë kɔc rɛ̈ɛ̈r thïn tɔ lam lɛ̈n rɛɛc tueŋ, lɛ̈n wään cï tëtök dem tëtöŋ ë yupë yen abï thöök.

Nyuuth 13:3

Ku yɛn ë nɔm tök ënïïm yiic tïŋ acït kë cï yup abï thöök, na wën, ke be dem yen të wën cï yup abï thöök: arëk abï piny nɔm gäi ëbɛ̈n ë lɛ̈n rɛɛcë:

Nyuuth 17:8

Lɛ̈n rɛɛc wën cï tïŋ aa nu, ku aliu, ku akɔɔr bɛ̈n bei ë adhum cïï thar tiëcic, le määr ëtaiwei. Ku kɔc rɛ̈ɛ̈r ë piny nɔm abïk gäi, kɔc kënë rinken gɔ̈ɔ̈r ë awerek de pïïric ɣɔn thɛɛr ciɛkë piny thar, të woi kek lɛ̈n rac, lɛ̈n ë nu, ku aliu, ku abï nu.