Nyuuth 16:6 - JAM DE NHIALIC 2011

⁶ Luɔi ee kek riɛm de kɔc ɣeriic ku tït luööŋ wei, ku cï ke gäm riɛm dekkï: yen arɔ̈ŋ ke keek!

Nyuuth 16:6 Iomraidhean Croise

2 Mel 24:4

ku në biäk de rim de kɔc cï ke nɔ̈k ëbɛ̈n ke cïn kë cïk wööc. Bɛ̈nydït acïï Manatha bï pɔ̈l në biäk de ee kënë.

Bɛ̈n 21:24

ku nyin ee nɔm nyin, ku lëc ee nɔm lëc, ku ciin ee nɔm ciin, ku cök ee nɔm cök,

Bɛ̈n 7:17

Ku ënɔɔnë bɛ̈ny, acïï Bɛ̈nydït lueel an, “Yïn bä luöi kë bï yï tɔ ŋic Ɛn nɔn Yan Bɛ̈nydït. Yɛn bï pïïu Kiir yupic në thieec, ka pïïu abïk röt puk aye riɛm.

Yith 49:26

Yɛn bï kɔc yɔŋ week tɔ näk röt kapäc, abïk miɔ̈l në riɛmden kapäc cï ka cï dek ë mɔ̈u. Ëtɛ̈ɛ̈n abïï ë kɔc jɔ ŋic ëbɛ̈n nɔn ee Yɛn Bɛ̈nydït Awärjäŋ, raan wën luɛ̈k we biic, ku tɔ we lääu nïïm. Abïk ŋic nɔn ee Yɛn Nhialic riil de Yithriɛl.”

Jeremia 2:30

Yïn cä luöi këtuc, ku acïn këpiɛɛth cï looi, yïn kën Yɛn pɔ̈l bä yï jɔ̈ɔ̈ny. Yïn cï tïtku nɔ̈k në abätäu, cï köör cï wäth.

Jeremia 26:11

Go bäny ke kake Nhialic ku tït jɔ lɛ̈k bäny ku kɔc an, “Raanë arɔ̈ŋ bïï kuöm thuɔɔu, ë biäk cï yen kërac luɛɛl ë päänydïïtda guöp. Acäk piŋ në weyïth.”

Jeremia 26:16

Go bäny ku kɔc lɛ̈k bäny ke kake Nhialic ku tït an, “Mony aa jam ke wook në rin ke Bɛ̈nydït Nhialicda, acïï duɛ̈ɛ̈rë nɔ̈k.”

Dhiëëu 4:13

Ku kënë ë rɔt looi, në biäk cïï tït ke Jeruthalem kërac looi, ku bäny de kake Nhialic adekï gup gääk de thon de kɔc cïn kë cïk wööc.

Edhekiɛl 32:6

Yɛn bï riɛmdu wäl wei aɣet abïï kur thiɔ̈ɔ̈ŋ nïïm ku thiɔ̈ɔ̈ŋ nyïïn yiic.

Math 7:2

Jäny aa we kɔc jɔ̈ɔ̈ny, yen abï wek aa jɔ̈ɔ̈ny aya, ku thëm aa wek käŋ them, yen, abï week aa them aya.

Luk 12:48

Ku raan cï këde piɔ̈n ë bɛ̈ny kuc, ku cï käŋ looi ka röŋ ë luɔi bï ye dui, yen abï dui ë wɛt lik. Raan ëbɛ̈n raan cï yiɛ̈n kajuëc, abï thiëc kajuëc, ku raan cï kɔc kuɛ̈i kajuëc, en abïk thiëc kajuëc wär kɔc kɔ̈k.

Ɣeberuu 10:29

Në täŋdunic, duëër aa këtuc dïït cït ŋö, yen kuöm bï röŋ ke raan bï Wën ë Nhialic dhɔɔt guöp? Në reec reec yen En, ku kɛ̈c në yecök, ku ee riɛm de löŋ cï piɛc mac bï yen tɔ piɛthpiɔ̈u tɔ cïn naamde, ku ye Wëidït ɣer ke dhuëëŋdepiɔ̈u läät ë lɛ̈ɛ̈t rac.

Nyuuth 11:18

Ku juöör acïk gɔ̈th, ku jɔ agönhdu bɛ̈n, ku bɔ̈ kööl bï löŋ de kɔc cï thou guiir. Kööl bï yïn tït lïïmku gäm ariöpden, ayï kɔc ɣerpiɔ̈ɔ̈th, ayï kɔc riëëu rinku, kɔc kor ku röördït. Ku kööl bï yïn kɔc riɔ̈ɔ̈k kɔc ee piny riɔ̈ɔ̈k nɔm!”

Nyuuth 13:10

Raan ë kɔc peec tɔŋ, ka bï peec tɔŋ aya: ku raan ë kɔc nɔ̈k ë abätäu ke bï dhil nɔ̈k ë abätäu aya. Ruöt ee kɔc ɣerpiɔ̈ɔ̈th kepiɔ̈ɔ̈th ruut kï, ku gäm ee kek gam kï.”

Nyuuth 13:15

Ku gëmë riɛl bï këcïcuëëc kë cït guöp lɛ̈n rac yiëkic wëi abï jam, ku tɔ kɔc näk ëbɛ̈n kɔc reec këcïcuëëc kë cït guöp lɛ̈n rac lam.

Nyuuth 18:20

Jakï piɔ̈ɔ̈th miɛt ë yen, yïn paannhial, ku wek kɔc ɣerpiɔ̈ɔ̈th, ku wek tuuc, ku wek tït, luɔi cï Nhialic we guöör në guiëër cï en löŋde guiir atuc!

Nyuuth 18:24

Ku riɛm de tït kekë kɔc ɣerpiɔ̈ɔ̈th acï yök ë yeyic, kekë riɛm de kɔc ɣɔn cï nɔ̈k ë piny nɔm kedhie.

Nyuuth 19:2

Lööŋkɛn cï guiir ayek yith ku piɛthkï ëgɔk, luɔi cï en löŋ de gök de akɔɔrröör guɔ guiir atuc, akɔɔrröör wään cï piny riɔ̈ɔ̈k ë bɛɛlde, ago riɛm de lïïmke guöör ëliŋliŋ ë yen.”