Nyuuth 16:15 - JAM DE NHIALIC 2011

¹⁵ “Piɛŋkï! Ya kï, bɔ̈yë cït cuɛ̈ɛ̈r. Thieithieei raan ee yïn, ku ye lupɔɔke tiit, ke cïï bï aa cath ke cïn kɔ̈u lupɔ, bï kɔc ayärde tïŋ!”

Nyuuth 16:15 Iomraidhean Croise

Bɛ̈n 32:25

Go Mothe tïŋ luɔi cïï Aron kɔc tɔ päl kueer, ku yɔ̈ɔ̈rkï röt në kɔc ke ater nïïm.

Yith 47:3

Kɔc abïk yï woi ke yï rɛ̈ɛ̈r në yïkɔ̈u, abïk yï tïŋ ke yï cï kuɔɔr piny ku cï yäär. Yɛn bï guur ku acïn raan bï ya pëën.”

Edhekiɛl 16:37

Në biäk de ee kënë yɛn bï määthkuön thɛɛr kedhie määt yiic, ka nhiaar keek ku ka man keek. Abä keek bɛ̈ɛ̈i në yïlɔ̈ɔ̈m, abïk yïn gɛɛu cil, ku yɛn bï lupɔɔ yɔ̈ɔ̈t bei në yïkɔ̈u ku ja ke tɔ woi yïn ke yï cï kɔ̈u lupɔ.

Ɣodh 2:3

Na le ye cuök päl, abä yɔ̈ɔ̈t kɔ̈u bei në lupɔɔ, ka abï cath në yekɔ̈u cït man ɣɔn dhiëëthë yen. Abä tɔ cït jɔ̈ɔ̈r cïn yic pïïu, ku ta nɛ̈k ë rou.

Ɣabakuk 2:15

Amawoou në week, wek kɔc cï wuöt thiääk në week kuɔɔr piny ku takï keek yäär, ku jakï keek tɔ cath ë käŋkäŋ cï ka cï wiɛɛt.

Math 25:13

Yen tiɛɛt wek röt, wek kuc akööl ayï thaar bï Wën ë Raan bɛ̈n.

Math 26:41

Yiɛ̈nkï ku läŋkï, ke we cïï bï lɔ ë thëmic, wëi aye lɔ thïn ëyic, ku ye guöp en akɔ̈c.”

Mak 14:38

Go lëk keek an, “Yiɛ̈nkï, ku läŋkï, ke we cïï bï lɔ ë thëmic: wei ee lɔ thïn ëyic, ku guöp yen kɔ̈c.”

Luk 21:36

Yen aa wek röt tiit, ku yak cool ë lɔ̈ŋ ë aköölnyïïn kedhie, ke bï we tɔ ye kɔc ee röŋ në luɔi bä wek poth ë ka bï bɛ̈në kedhie, aguɔkï kɔ̈ɔ̈c ë Wën ë Raan nɔm.”

Luɔi 20:31

Yɛn tiɛɛt wek röt, ku takkï wenïïm nɔn kɛ̈n ɛn wëët pɔ̈l wëët aa yɛn week wɛ̈ɛ̈t wedhie ë run kadiäk, wɛ̈ɛ̈rwakɔ̈u ku aköl, ke ya ye dhiau ë pïïu ke yɛn nyin.

2 Kor 5:3

ku të ye wok lupɔ cieŋ në yic, ke wo cïï bï yök ë wo cïn kɔ̈ɔ̈th lupɔɔ.

1 Theth 5:4

Ku week, mïthëkɔckuɔ, wek cïï nu ë cuɔlic, bï ee köölë we math cït man ë cuɛ̈ɛ̈r:

1 Theth 5:6

Yen du wok ee niin cït man ë kɔc kɔ̈k, yok yïn ku piɛthku nïïm.

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.

2 Pet 3:10

Ku kööl ë Bɛ̈nydït abï bɛ̈n cït man ë cuɛ̈ɛ̈r, Në ee köölë tënhial abï nyaai në awuööu dït, ku lɛ̈ɛ̈ŋ kanhial në tuöc de manydït, ku piny abï nyop kekë ka cï looi thïn abï lɔ kuith piny.

Nyuuth 22:7

Ya kï, bɔ̈yë ënɔɔnë. Thieithieei raan ë wël cï guiir döt wël ke awerekë yic.

Nyuuth 3:11

Ya kï, dap bɛ̈në: ye kë cath ke yïn cök ë muk yïn en, ke bï ciën raan bï gölduön ë dhuëëŋ nööm.

Nyuuth 3:18

Yen alɛ̈k ɛn e yïn, ɣɔc adhäm cï mac tɔ lɔ wai tëde yɛn, ke yï bï bäny, ku ɣɔc lupɔɔ ɣer, ke yï bï kɔ̈u dɛ lupɔ, go ayäär ë ciën cïn yïn kɔ̈u lupɔ cuö tiëc: ku jɔ yïnyin tɔc ë wɛ̈ɛ̈l ë nyin, ke yï bï daai.