Nyuuth 16:11 - JAM DE NHIALIC 2011

¹¹ ku yek Nhialic de paannhial läät në baŋ de rɛm reemëke gup ku në baŋ de tëtööken, ku reeckï kepiɔ̈ɔ̈th puk ë luɔidɛn rac.

Nyuuth 16:11 Iomraidhean Croise

2 Lëk 28:22

Na wën aa cï awɛ̈ɛ̈c ke melik Aɣadh juëc, go Bɛ̈nydït luöi kërɛɛc kënë kɔn looi anande.

2 Lëk 36:23

“Ku jam ë lueel Thairuth kï, melik de Perthia an: Bɛ̈nydït, Nhialic de paannhial, acï ya looi ke ya ye bɛ̈ny de piny nɔm ëbɛ̈n, ku acï yɛn gäm luɔi bän ɣönde tɔ yïk në Jeruthalem ë Juda. Ënɔɔnë, week wedhie wek kɔc ke Nhialic, lakkï ëtɛ̈ɛ̈n, ku Bɛ̈nydït Nhialicdun abï tɔ̈u ke week.”

Edhr 1:2

“Thairuth Melik de Perthia acï lueel an, Bɛ̈nydït, Nhialic de paannhial, acï ya gäm ciɛɛŋ de wuöt ke piny nɔm ëbɛ̈n, ku acï yɛn gäm luɔi bän ɣönde tɔ yïk në Jeruthalem ë Juda.

Edhr 6:10

Agokï dɛ të bïï kek miɔ̈c ye Nhialic de paannhial tɔ mit piɔ̈u gam, ku lɛ̈ŋkï në pial de guöp de Melik kekë wɛ̈ɛ̈tke.

Edhr 7:12

“Ee yɛn Ateradath, Melik nu ë Meliik nïïm, awerekë yen agäär Edhera, bɛ̈ny de kake Nhialic ku ye raan cï wëët në lööŋ ke Nhialic de paannhial, we cä thiëëc.

Edhr 7:21

“Ku ënɔɔnë ee yɛn Melik Ateradath, yɛn cï löŋ tääu piny në biäk de kɔc ee wëu muk kedhie kɔc tɔ̈u në wuöt ke wɛ̈ɛ̈r ë Yuparat lɔŋ tui, bïk këriëëc kɔɔr ë Edhera bɛ̈ny de kake Nhialic ku ye raan cï wëët ë lööŋ ke Nhialic de paannhial, abï dhil luöi yen apiɛth,

Edhr 7:23

Këriëëc cïï Nhialic de paannhial lueel ëbɛ̈n, ka bï dhil looi apiɛth në biäk de Luaŋdït de Nhialic de paannhial, ka agönhde cï bï tɔ̈u në bääny de Melik yeth kekë mïthke.

Neɣe 1:4

Na wën aa la ee kakë piŋ, guɔ nyuc piny ku dhiaau. Ja nïn lɛɛr ke ya dhiau ku rɛɛc cäm ke ya läŋ Nhialic de paannhial, luɛɛl an,

Neɣe 2:4

Go a thiëëc an, “Ku eeŋö duɛ̈ɛ̈rë kɔɔr?” Guɔ Nhialic de paannhial lɔ̈ŋ,

Diɛt 136:26

Gämkï lɛc Nhialic de paannhial, nhiëërdɛn agɔk atɔ̈u athɛɛr.

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Jona 1:9

Go Jona bɛ̈ɛ̈r an, “Yɛn ee raan ë Ɣeberuu, ku Nhialic de paannhial Aciëŋ ë cak wɛ̈ɛ̈r ku tëril Yen aya lam. Gokï riɔ̈ɔ̈c aläl.

2Tim 3:13

Ku kɔc racpiɔ̈ɔ̈th ku kɔc ee käŋ töör, racden abï lɔ ke ŋuak rɔt, abïk kɔc aa math, ku mɛthë keek aya.

Nyuuth 11:13

Ku ë thaar manë guöp ke piny nieŋ rɔt arëët, go pänydït biäk tök wïïk biäk wën thiëër kek, ku näk aguum kadhorou de kɔc në nieŋ cï piny rɔt niɛŋ: na wën, ke kɔc cï döŋ ke ke riɔ̈c, agokï Nhialic de paannhial leec nɔm.

Nyuuth 16:2

Go tunynhial tueŋ lɔ, le ku luuŋ gulde piny, go të rɛɛc tök aläldït tïc ë kɔc gup, kɔc de gup gäär ë lɛ̈n rac, ku yek këcïcuëëc cït guöp en lam.

Nyuuth 16:21

Ku lööny kɔi dït piny nhial löönykï ë kɔc nïïm, thiek de kɔi tök akït kekë cuaal bɔ̈ɔ̈ric: go kɔc Nhialic aa läät në baŋ de riääk de kɔi, riääk riëëk en piny adït aläldïïtë.

Nyuuth 16:9

Go kɔc nyop ë tuöc dït: ku yek rin ke Nhialic läät Raan de riɛl ë ka ye piny riɔ̈ɔ̈kë nïïm, ku reeckï kepiɔ̈ɔ̈th puk piɔnykï.

Nyuuth 2:21

Ku acä gäm akööl, an, bï yepiɔ̈u yiɛ̈n puk ë kɔ̈ɔ̈r ee yen röör kɔɔr, ku reec e piɔ̈u puk.