Nyuuth 16:1 - JAM DE NHIALIC 2011

¹ Guɔ röl dïït ë raan piŋ, röl bɔ̈ bei luɛɛk, ayöök tuucnhial kadhorou, an, “Jälkï, lak luööŋkï ka nu ë guöl yiic ë piny nɔm, guöl ke agönh tuc ë Nhialic.

Nyuuth 16:1 Iomraidhean Croise

Diɛt 79:6

Pɔ̈kë agönhdu juöör ku ciɛɛŋ cïï Yïn ee lam, kɔc wën cïï Yïn ee lɔ̈ŋ.

Jeremia 10:25

Pɔ̈kë agönhdu juöör cïï Yïn ee lam, ku kɔc ee yïn rɛɛc. Acïk kɔcku nɔ̈k, acïk wook riɔ̈ɔ̈k taitai, ku nyiëëŋkï pinyda piny ke cï riääk.

Edhekiɛl 10:2

Go Bɛ̈nydït raan ceŋ lupɔ linɔn yɔ̈ɔ̈k an, “Lɔɔr në kɛm ke cök ke abëël, nu ë cerubiim thäär, ku thiäŋ yïciin në cool dɛ̈p. Ku wɛɛrë cool piny në pänydït nɔm.” Guɔ woi ke lɔ.

Edhekiɛl 22:31

Ka yɛn bï agönhdï tɔ lööny në ke kɔ̈ɔ̈th, ku abä ke riɔ̈ɔ̈k cï mac në biäk de ka cïk looi.” Bɛ̈nydït Awärjäŋ yen aa jam.

Dhep 3:8

Aye Bɛ̈nydït lueel an, “Kääckï, tiɛtkï kööl bän rɔt jɔt, ke Ya ye cäätɔ gɔɔny juöör, acä dhel ë Yapiɔ̈u luɔi bän juöör ku lɔ ciɛɛŋ ke pinynɔm määtic, ke ke bä tɔ yök tuöc ë thok de agönhdï. Pinynɔm ëbɛ̈n abï riɔ̈ɔ̈k në many de agönhdï.

Nyuuth 11:19

Na wën, ke luaŋdïït ë Nhialic liep paannhial, go Athänduŋ de löŋ cï mac tïŋ luɛɛk, ku tul wilëdeŋ, ku kɔc röt, ku määrëdeŋ, ku nieŋ cï piny rɔt niɛŋ, ku gök de kɔɔi ë deŋ.

Nyuuth 14:15

Na wën, ke tunynhial däŋ bɔ̈ bei ë luaŋdïtic, ke cɔl raan wën rɛ̈ɛ̈r ë luät nɔm, cɔɔl ë röl dït an, “Bɛ̈ɛ̈iyë menyjeldu bei, ku tem: kööl ë tëm kï, cï bɛ̈në, dom de piny nɔm ë guɔ luɔk ka cï riɛl!”

Nyuuth 14:18

Ku jɔ tunynhial däŋ bɛ̈n bei të nu yïïŋ de läm, tuny cath ke riɛl bï en mac cieŋ: bï ku cɔɔl tunynhial muk menyjel moth, cɔɔl ë röl dït, lueel, an, “Tääuwë menyjelduön moth thïn, ku ŋuithë mïth ke enap de piny nɔm ka lɔ juanyany, mïthke acïk thök ë luɔk!”

Nyuuth 15:1

Na wën, ke ya tïŋ gök däŋ paannhial, gök dïït ë kɔc tɔ gäi aläl, tuucnhial kadhorou tuuc cath ë ka ye piny riɔ̈ɔ̈k kadhorou ka bɔ̈ ciëën, luɔi cï agönh tuc ë Nhialic guɔ thök ë keyiic.

Nyuuth 16:17

Ku luuŋ dhoronden gulde ë yomic, ku bɔ̈ röl dït bei luɛɛk, luaŋ de paannhial, bï bei ë thöönydïtic, röl luel en, an, “Ë jɔ thök!”

1 Tham 15:18

Ku tooc yïn bä luɔɔide lɔ looi, lueel, an, lɔ näk kɔc rackë, riɔ̈ɔ̈k kɔc ke Amalek taitai, luöiyë keek tɔŋ, agut të bï yïn keek nɔ̈k kedhie.

1 Tham 15:3

Lɔ ku makë kɔc ke Amalek, ku riäk këriëëcdɛn cath ke keek liŋliŋ. Cïn kë nyääŋë piny, näk röör ku diäär, ayï mïthdït ayï mïthkor, ayï ɣɔ̈k, ayï thök ayï thɔ̈rɔ̈ɔ̈l ku mul.”