Nyuuth 15:4 - JAM DE NHIALIC 2011

⁴ Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”

Nyuuth 15:4 Iomraidhean Croise

Diɛt 105:7

Bɛ̈nydït Yen aye Nhialicda, lööŋke kedhie ayek kake pinynɔm.

Diɛt 111:9

Bɛ̈nydït acï kɔcke gäm nɔm lääu, ku tɛ̈ɛ̈u löŋdɛn cï mac piny aɣet athɛɛr. Yen Aɣeric ku Awärjäŋ!

Diɛt 22:23

Lɛckï Bɛ̈nydït wek awuut ke Bɛ̈nydït! Riëëukï guöp wedhie wek kuat de Jakop! Yak lam wek kɔc ke Yithriɛl wedhie.

Diɛt 22:27

Kɔc ke piny thar ëbɛ̈n abïk kenïïm tak ku bekï röt puɔ̈k Bɛ̈nydït. Juöör kedhie abïk Bɛ̈nydït bɛ lam.

Diɛt 22:3

Ku ee Yïn anu në thööc nɔm ke Yï ye raan töŋ ɣeric, Raan töŋ ye kɔc ke Yithriɛl piɔɔny.

Diɛt 86:9

Juöör cï keek cak kedhie, abïk kenïïm bɛ̈n guöt piny në Yïnɔm, abïk dïtdu aa piɔɔny.

Diɛt 89:7

Nhialic ye ë riɔ̈ɔ̈c në amat ë tuucnhial ɣeriic yic, ayek kɔ̈ɔ̈c në Yïnɔm kedhie ke ke lɛthë keek.

Diɛt 97:8

Kɔc tɔ̈u Dhiɔn amitkï piɔ̈ɔ̈th, ku duet ke Juda acïk piɔ̈ɔ̈th lɔyum, në biäk de guiëër ë löŋdu Bɛ̈nydït.

Diɛt 99:5

Pianykï Bɛ̈nydït Nhialinyda, lämkï ë thööcde nɔm! Yen Aɣeric!

Diɛt 99:9

Pianykï Bɛ̈nydït Nhialinyda, ku yak lam në kuurdɛn ɣeric nɔm! Bɛ̈nydït Nhialinyda aɣeric.

Yith 24:15

ku kɔc nu të lɔ aköl amiäk abïk piɔɔny. Kɔc rɛ̈ɛ̈r në wɛ̈ɛ̈r yɔu abïk Bɛ̈nydït, Nhialic de Yithriɛl piɔɔny.

Yith 25:3

Kɔc ke juöör ril abïk Yï piɔɔny, Yïn bïï ë riɔ̈ɔ̈c në pɛ̈ɛ̈nydït ke juöör ee kɔc kuur.

Yith 26:9

Yïn ya kɔɔr ë Yapiɔ̈u ëbɛ̈n wakɔ̈u, të ye Yïn löŋ de piny guiir kekë kɔc nu thïn, abïk wëët kedhie në piathëpiɔ̈u.

Yith 45:23

Gutguutdiën cä lueel në piathëpiɔ̈u, ku acïï bï waar. Yɛn cï gutguut lueel në täudï ëbɛ̈n: Raan ëbɛ̈n abï bɛ̈n ku tuk yemiɔl ë yanɔm ku kuëëŋ nɔn bï yen A riëëu.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 6:3

Aake ye röt cɔɔl an, “Aɣeric Aɣeric, aɣeric! Bɛ̈nydït de rɛm aɣeric! Dhuëëŋde ë piny thiɔ̈ɔ̈ŋ nɔm.”

Yith 60:5

Wek bï ee kënë tïŋ ku wek bï thiäŋ në miɛtëpiɔ̈u, wek bïï ke lath, në miɛt cä wek piɔ̈ɔ̈th miɛt. Kajuëc ke juöör abïï ke yiɛ̈n week, Kajuëcken abïk bɛ̈n në wɛ̈ɛ̈r lɔŋ tui.

Jeremia 10:7

Eeŋa cïï yïn duëër riëëu, yïn ee melik de juöör ëbɛ̈n? Yïn rɔ̈ŋ we riëëu. Acïn raan cït Yïn, në kɔc pelnïïm ke juöör ëbɛ̈n, ku nɔn ee meliikken yiic ëbɛ̈n.

Jeremia 16:19

Bɛ̈nydït ee Yïn ee Raan ee ya gël ku gämë yɛn riɛl, Yïn cï kuɔny në akööl ke nuan, juöör abïk aa bɛ̈n tëde de Yïn ë piny thar ku luelkï an, “Kuarkuɔ aake de nïïm yiëth alueth, ayek yiëth cïn naamden.

Jeremia 5:22

Ee Yɛn ee Bɛ̈nydït, eeŋö cä wek ee riɔ̈ɔ̈c ë Yɛn? Eeŋö cïï ë week ee lath ë yanɔm? Yɛn cï liɛɛt tɔ yë aken de wɛ̈ɛ̈r, aken kääc tëde cïï duëërë teem kɔ̈u. Wɛ̈ɛ̈r aduëër amaŋ looi, ku acïï duëër lɔ ë baŋtui, apiöök aduëër rɔt looi, ku acïï duëër dhoŋ kɔ̈u.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Ɣabakuk 1:12

Bɛ̈nydït Yïn ee Nhialicda, tɔ̈u aɣet athɛɛr. Yïn ee Raan Ɣeric e wo gël, Yïn cï Babilon lɔc ku tɔ ke ril bïk wo luöi këtuc.

Dhek 14:16

Ëtɛ̈ɛ̈n juöör cï dɔ̈ŋ ke ke pïïr ëbɛ̈n, në juöör wään cï Jeruthalem mak, abïk aa lɔ ëtɛ̈ɛ̈n ë run nyïïn ëbɛ̈n bïk Bɛ̈nydït de rɛm lɔ lam ke ee Melik, ku abïk dhuëëŋ de kɛ̈ɛ̈t lɔ looi.

Dhek 2:11

Ku ëtɛ̈ɛ̈n, juöör juëc ëbɛ̈n abïk bɛ̈n tëde Bɛ̈nydït, ku tɔkï röt ee kɔckï ku Yɛn bï bɛ̈n rëër në weyiic, ka abäk jɔ ŋic ëgɔk nɔn cï Bɛ̈nydït de rɛm yɛn tuöc week ë yic.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Romai 15:9

ku luɔi bï Juöör Nhialic aa lɛc nɔm ayadäŋ në baŋ de kok cï en piɔ̈u kok ke keek, acït man cï gɔ̈ɔ̈r e an, “Yen abä yɛn këdu gam ë Juöör yiic, Ku piaany rinku.”

1 Pet 1:16

Luɔi cï e gɔ̈ɔ̈r an, “Yak yiic ɣɛɛr në luɔi ɣɛɛr ɛn yic.”

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 14:7

ku lueel ë röl dït, an, “Riëëukï Nhialic, ku lɛckï nɔm: thaar bï en löŋ guiir kï, cï bɛ̈në: jakï Raan lam Raan ë cak nhial ku ciɛk piny ku wɛ̈ɛ̈r ku awɛɛŋ ke piëëu!”

Nyuuth 16:5

Guɔ tunynhial de pïïu piŋ a lueel, an, “Yïn piɛthpiɔ̈u, yïn Raan nu, ku yïn Raan ë nu, Raan ɣeric, në guiëër cï yïn löŋ guiir alë!

Nyuuth 16:7

Guɔ yïïŋ de läm piŋ röl, ke lueel, an, “Yeka, yïn Bɛ̈nydït Nhialic Awärjäŋ, lööŋkuön cï guiir ayek yith ku cï ke tiiŋ yiic ëgɔk!”

Nyuuth 19:2

Lööŋkɛn cï guiir ayek yith ku piɛthkï ëgɔk, luɔi cï en löŋ de gök de akɔɔrröör guɔ guiir atuc, akɔɔrröör wään cï piny riɔ̈ɔ̈k ë bɛɛlde, ago riɛm de lïïmke guöör ëliŋliŋ ë yen.”

Nyuuth 19:8

Ku acï gäm piöth bï en rɔt piɔ̈th ë lupɔ piɛth lɔ mot, lupɔ ɣer ëpak ku le riauriau.” (Lupɔ piɛth lɔ mot en aye luɔi piɛth ee kɔc ɣerpiɔ̈ɔ̈th looi.)

Nyuuth 3:7

Ku gäär tunynhial de ɣön ë Nhialic nu Piladelpia alë: Kakë aluel raan ɣeric keek, raan yic, raan cath ke mukthäär ë Debid, raan ee ɣöt tueer, ku cïn raan bï e thiöök, ku ye ɣöt thiöök, ku cïn raan bï e tueer:

Nyuuth 4:8

Ku läike kaŋuan adekï kɔ̈ɔ̈th wuök kadhetem kedhie, ku acïk thiäŋ ë nyïïn biäk biic ku keyiic thïn, ku acïkï ee lɔ̈ŋ aköl ayï wakɔ̈u, ayek lueel, an, “Aɣeric, Aɣeric, Aɣeric, yen Bɛ̈nydït Nhialic Awärjäŋ, Bɛ̈nydït ë nu, ku nu, ku bï bɛ̈n.”

Nyuuth 6:10

Agokï cööt ë röl dït luelkï, an, “Ee nɛn, yïn Bɛ̈nydït, ɣeric ku ye yic, en bï yïn löŋ guiir, ku bä riɛmda guöör ë kɔc rɛ̈ɛ̈r ë piny nɔm në biäk cï kek wo nɔ̈k?”

1 Tham 2:2

“Acïn raan ɣeric cït Bɛ̈nydït, acïn raan töŋ duëër kït kekë Yïn, acïn kony nu cït Nhialicda,