Nyuuth 15:3 - JAM DE NHIALIC 2011

³ Ku kitkï din ë Mothe lïm ë Nhialic, ku din ë Nyɔŋamääl, luelkï, an: “Yïn Bɛ̈nydït Nhialic Awärjäŋ, luɔidu adït ee kɔc tɔ gäi! Yïn Melik de Juöör kuɛɛrku apiɛthkï ku yek yith!

Nyuuth 15:3 Iomraidhean Croise

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

1 Lëk 6:49

Aron ke kuatde ayek miɔ̈c de wal ŋïr gam, ku yek miɔ̈c ye nyop ëbɛ̈n gam ë yïk nɔm. Ku ee kek cï gäm luɔi de kake läm tëɣeric aläl, ku bïk kɔc ke Yithriɛl teem gup cït man ë kë cï wɛ̈ɛ̈t ë Mothe, awun de Bɛ̈nydït.

2 Lëk 24:6

ago Jeɣoyada cɔɔl, bɛ̈ny tueŋ de bäny ke kake Nhialic, ku lëk en an, “Eeŋö kën yïn Lebai yɔ̈ɔ̈k bïk wëu juaar tëde kɔc ke Juda, ku kɔc ke Jeruthalem, yen akutnɔm de Yithriɛl, cït man ë kë cï Mothe awun de Bɛ̈nydït lueel, në biäk ë luɔi de paany ë Bɛ̈nydït?”

Neɣe 9:14

Acï ke wɛ̈ɛ̈t bïk kenïïm aa tak në akööl ë thabath ɣeric bïk tɔ piath, ku në kueer ë lïmduön Mothe acï ke gäm lööŋku.

Jop 36:24

Yen aye piɔɔny anande në kë ye looi, ka yïn ayadäŋ abä dhil piɔɔny.

Jop 5:9

Yen Raan ee ka gɛ̈iyë ke looi, ka cïï duëërë lëu në yöŋë yic, ku kapiɛth gɛ̈iyë ke cuku ke duëër lëu në kuɛ̈n.

Diɛt 100:5

Bɛ̈nydït apiɛth, ku nhiëërdɛn agɔk ee tɔ̈u athɛɛr, ku piɔ̈ndɛn adöt ee tɔ̈u ke rɛm ëbɛ̈n.

Diɛt 105:5

Yak kagɛ̈iyë cï ke looi tak, göök, ku löŋ cï lueel,

Diɛt 111:2

Bɛ̈nydït ee kake gäi juëc looi! Kɔc kedhie kɔc cï piɔ̈ɔ̈th miɛt ë keek, ayek them bïk keek ŋic.

Diɛt 111:7

Ku luɔi de Yen ciin alɔ gɔk ku ee yic, ku lööŋke ëbɛ̈n ayek yith.

Diɛt 139:14

Yïn bä leec në biäk bï ë kɔc aa riɔ̈ɔ̈c ë Yïn, ka ye looi kedhie ayek göök ku kake gäi. Aŋiɛc ke ëbɛ̈n në yapiɔ̈u.

Diɛt 145:17

Bɛ̈nydït apiɛthpiɔ̈u në ka ye looi yiic ëbɛ̈n, ee piɔ̈u kok ë ka looi keek kedhie.

Diɛt 145:6

Kɔc abïk aa jam ë biäk de kadït cï looi, ku abïk dïtdu luɛɛl.

Diɛt 18:30

Kuɛɛr ke Nhialicë acïk dikëdik! Ku jamde alɔ gɔk! Bɛ̈nydït ee kön de kɔc gam en.

Diɛt 78:12

Të wään woi ë kuarken Nhialic ke loi kake gäi në riaaŋ de Dhowan yic piny de Rip.

Diɛt 92:5

Bɛ̈nydït, luɔidu adït, ku täŋdu athuth yic!

Diɛt 99:4

Yïn Melik ril, yïn nhiaar yic, yïn cï ciɛɛŋ piɛth looi ë Yithriɛl, yïn cï yic kekë piathëpiɔ̈u luöi Jakop.

Yith 33:22

Tɔŋdɛn biökkï në abëël wïïrken yiic acïnkï thaarden, acïn raan bï jam ë gɛ̈ɛ̈r luɛɛl! Wo bï kajuëc ke rem de tɔŋ de ater tɛ̈k röt, ku abïk juëc aläl ayï ŋɔl abïï tɛ̈k. Bɛ̈nydït guöp yen abï aa meliŋda, abï we mac ë Yen ku gël wook.

Yith 45:21

Bäk bɛ̈ɛ̈ikï göönydun në luk nɔm, takï kɔc bï kɔ̈ɔ̈c në week ye röt kɔn luɔp. Eeŋa cï kë bï tuöl wadäŋ kɔn caar ɣɔn thɛɛr? Ë cie Yɛn, Yɛn Bɛ̈nydït, Nhialic ee kɔcke kony? Acïn yanh däŋ.

Danyel 6:20

Na wën cï en ɣet ee të wën nu ë Danyel ke cöt në riɔ̈ɔ̈c ku jiɛthëpiɔ̈u an, Danyel, lïm de Nhialic pïïr! Cï Nhialic ye luööi ë yïpiɔ̈u ëbɛ̈n yï lëu në kuny ë kɔ̈ɔ̈r thook?

Danyel 9:11

Kɔc ke Yithriɛl kedhie acïk lööŋku dhoŋ kɔ̈u, ku reeckï këduön cï lueel piŋ. Wok cï wäc ë yïnɔm, ago wok yiɛ̈n acien ke gutguut wään cï gɔ̈ɔ̈r ë lööŋ ke lïmdu Mothe yic.

Ɣodh 14:9

Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

Maika 7:20

Yïn bï piɔ̈nduön adöt nyuöth Jakop, ku nyuöthë Abraɣam nhiëërduön agɔk, cït man wään cï Yïn gutguut lɛ̈k kuarkuɔ ɣɔn thɛɛr.

Dhep 3:5

Ku Bɛ̈nydït atɔ̈u ë pänydït yic, ku abï këpiɛth looi ke cie kërac. Ee yicde nyuöth kɔcke aköölnyïïn ke cïn kööl töŋ lööny nɔm piny, ku kɔc ee karɛc looi ëtɛ̈ɛ̈n, ayek ŋoot ke ke loi awɛ̈ɛ̈c ku cïkï gup ee riɔ̈ɔ̈c.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Nyöŋ 31:30

Ago Mothe dit kiit ke piŋ amatnɔm de kɔc ke Yithriɛl kedhie, gɔl në dit nɔm alee guut në dit thar ciëën.

Nyöŋ 32:3

Yɛn bï rin ke Bɛ̈nydït aa cɔɔl, pianykï luɔidït ë Nhialicda.

Nyöŋ 34:5

Ago Mothe awun de Bɛ̈nydït thou ëtɛ̈ɛ̈n piny de Mowap, cït man cï Bɛ̈nydït ë lueel an bï thou.

1 Tim 1:17

Ku ënɔɔnë, Melik tɔ̈u aɣet athɛɛr ya, ke cïï dhiap, ku cïï duëërë tïŋ, Yen Nhialic de nɔm pɛl etök, ë riëëu ku dhuëëŋ ë ke ye tɔ̈u në Yen aɣet wadäŋ thɛɛr. Amiin.

Ɣeberuu 3:5

Ku Mothe aaye raan adöt në luɔi de dhiën ë Nhialic nɔm tëde kɔcke kedhie. Ku ye keek guiëër ka bï lueel rial wadäŋ.

Jocua 22:5

Lak cök ë dɔ̈t wek lööŋ ɣɔn gëm ë Mothe awun de Bɛ̈nydït week ë gɔk. Lööŋ ɣɔn lëk week an, ‘Yak Bɛ̈nydït Nhialicdun nhiaar, ku yak lööŋke döt, ku yak luööi në wepiɔ̈ɔ̈th ëbɛ̈n ë cieŋ.’

Nyuuth 1:8

Acïï Bɛ̈nydït Nhialic, Raan nu, ku aa nu, ku abï bɛ̈n, Raan ee käŋ lëu ëbɛ̈n lueel an, “Yɛn aye tueŋ ku ya ciëën, göl ë käŋ ku thök ë käŋ.”

Nyuuth 11:17

ku luelkï, an, “Thieithieei, yïn Nhialic Bɛ̈nydït, Bɛ̈ny ë käŋ lëu kedhie, Bɛ̈ny ë nu, ku anu, luɔi cï yïn riɛldu nööm, ku ceŋ piny!

Nyuuth 14:3

Ku kitkï din cït kë ë piɛc cak ë thöönydït nɔm, ku läi kaŋuan nïïm, ku röördït nïïm: ku acïn raan duëër dinë yök, ee agum kabɔt ku thiërŋuan ku ŋuan de kɔc kapäc, kɔc cï wɛ̈ɛ̈r bei ë piny nɔm.

Nyuuth 14:8

Na wën, ke tunynhial däŋ löök bɛ̈n, bï ku lueel, an, “Acï wïïk! Acï wïïk, yen Babilon pänydïït dïïtë, luɔi cï en juöör tɔ dëk ëbɛ̈n në mɔ̈n ë agɔ̈th agönh ë bïïyë bɛɛlde!”

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”

Nyuuth 19:16

Ku acath ke rin cï gɔ̈ɔ̈r ë lupɔde kɔ̈u ku gäär ë yeɣäm an, “MELIK NU Ë MELIIK NÏÏM, KU BƐ̈NYDÏÏT NU Ë BÄNYDÏT NÏÏM.”

Nyuuth 19:2

Lööŋkɛn cï guiir ayek yith ku piɛthkï ëgɔk, luɔi cï en löŋ de gök de akɔɔrröör guɔ guiir atuc, akɔɔrröör wään cï piny riɔ̈ɔ̈k ë bɛɛlde, ago riɛm de lïïmke guöör ëliŋliŋ ë yen.”

Nyuuth 4:8

Ku läike kaŋuan adekï kɔ̈ɔ̈th wuök kadhetem kedhie, ku acïk thiäŋ ë nyïïn biäk biic ku keyiic thïn, ku acïkï ee lɔ̈ŋ aköl ayï wakɔ̈u, ayek lueel, an, “Aɣeric, Aɣeric, Aɣeric, yen Bɛ̈nydït Nhialic Awärjäŋ, Bɛ̈nydït ë nu, ku nu, ku bï bɛ̈n.”