Nyuuth 14:3 - JAM DE NHIALIC 2011

³ Ku kitkï din cït kë ë piɛc cak ë thöönydït nɔm, ku läi kaŋuan nïïm, ku röördït nïïm: ku acïn raan duëër dinë yök, ee agum kabɔt ku thiërŋuan ku ŋuan de kɔc kapäc, kɔc cï wɛ̈ɛ̈r bei ë piny nɔm.

Nyuuth 14:3 Iomraidhean Croise

Diɛt 144:9

Nhialic, yïn bä kɛ̈t din ë piɛcë cak, ku kɛ̈t Yïn dit në thom ku aruöör.

Diɛt 149:1

Lɛckï Bɛ̈nydït! Kɛ̈të Bɛ̈nydït din ë piɛcë cak, pianykï në amatnɔm de kɔckɛn adööt yiic!

Diɛt 25:14

Bɛ̈nydït ee määth kekë kɔc ee ye riëëu guöp ku kek aye ke nyuöth mände.

Diɛt 33:3

Kɛ̈tkï din ë piacë cak, guötkï thom në tëët, ku miɛtëpiɔ̈u!

Diɛt 40:3

Ku yïk a thok din ë piɛcë cak, din lɛɛc ɛn Nhialicda. Kɔc juëc abïk ee kënë tïŋ ku lamkï Nhialic. Ku ëtɛ̈ɛ̈n abïk Bɛ̈nydït jɔ ŋɔ̈ɔ̈th.

Diɛt 96:1

Kɛ̈tkï Bɛ̈nydït, din cï piac cak! Kɛ̈tkï dit Bɛ̈nydït, wek kɔc ke pinynɔm ëbɛ̈n!

Diɛt 98:1

Kɛ̈tkï Bɛ̈nydït din ë piac cak, në biäk cïï Yen kake gäi looi! Në riɛlde ku në köŋdɛn ɣeric acï Yen tɔ tiëm.

Yith 42:10

Kɛ̈të Bɛ̈nydït din piac cak, kɛ̈tkï lɛcde, wek pinynɔm ëbɛ̈n! Lɛckï wek kɔc ee cath në wïïr, lɛckï wek ka cï cak në abäpdit yic! Kɛ̈tkï wek piiny mec, ku kɔc ëbɛ̈n rɛ̈ɛ̈r ëtɛ̈ɛ̈n!

1 Kor 1:18

Ku guiëër ë wël ke tim cï rïïu nɔm ee këɣɔ̈ric tëde kɔc bï määr, ku ye riɛldït ë Nhialic tëde wook wok kɔc kony wëi.

1 Kor 2:14

Ku raan ë yepiɔ̈u tuöm ka ke piny acïï ka ke Wëi ke Nhialic ee dɔm, aye keek tɔ ye kaɣäär yiic, ku acïï keek duëër ŋic, luɔi ye ke yök yiic në Wëi.

Nyuuth 14:1

Na wën, ke ya jɔt anyin, ku jɔ Nyɔŋamääl tuöl ke kääc ë kuurdït Dhiɔn nɔm, ku kääc kɔc në yen ëtök agum kabɔt ku thiërŋuan ku ŋuan, ke ke cath në rinke, ku rin ke Wun, ke ke cï gɔ̈ɔ̈r ë kenyïïn tueŋ.

Nyuuth 15:3

Ku kitkï din ë Mothe lïm ë Nhialic, ku din ë Nyɔŋamääl, luelkï, an: “Yïn Bɛ̈nydït Nhialic Awärjäŋ, luɔidu adït ee kɔc tɔ gäi! Yïn Melik de Juöör kuɛɛrku apiɛthkï ku yek yith!

Nyuuth 2:17

Raan de yïc, ke piŋ ke lëkë Wëidït ɣööt ke Nhialic. Raan ee tiam, abä päl cäm ë mana cï thiaan, ku abä miɔɔc në kɔi ɣer, kɔɔi cïï rin ë piɛc cak gɔ̈ɔ̈r ë yekɔ̈u, rin cïn raan ŋic keek, ee raan cï gäm en etök.

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,

Nyuuth 7:4

Ku yɛn ë kuën ë kɔc cï gɔ̈ɔ̈r ë katim piŋ, agum kabɔt ku thiërŋuan ku ŋuan, kɔc cï gɔ̈ɔ̈r ë katim ë dhiëën ke mïth ke Yithriɛl yiic kedhie.