Nyuuth 14:2 - JAM DE NHIALIC 2011

² Guɔ kɔc piŋ röt, röt bɔ̈ nhial, acït man ë awuööu de piëëu, ku cït awuööu ë määr dïït ë deŋ: ku piɛŋ din ë kɔc ŋic thoom gut, agutkï thoomken:

Nyuuth 14:2 Iomraidhean Croise

2 Tham 6:5

Ku Debid ku baai de Yithriɛl ëbɛ̈n aake cɔ̈ŋ ke ke ket diɛt piɔɔny kek Bɛ̈nydït në riɛlden ëbɛ̈n. Aake gut thom, ku aruöör, ku kothkï kɛŋ, löör, ku yek löth gut.

2 Lëk 20:28

Na wën cïk cop ë pänydïtic, gokï baar yic Luaŋdït ku ketkï diɛt ë thom ku kothkï kɛŋ.

Diɛt 147:7

Kɛ̈tkï Bɛ̈nydït diɛt ke thieithieei, guötkï diɛt ke thom Nhialicda.

Diɛt 149:3

Lɛckï rinke në cɔ̈ŋ, guötkï lɔ̈r, ku thom lɛɛc wek En.

Diɛt 33:2

Lɛckï Bɛ̈nydït në thom, kɛ̈tkï diɛt ë thom de yic wïïn.

Diɛt 43:4

Aguɔ jɔ lɔ tëde yïïŋ de Nhialic, në miɛtëpiɔ̈u ku dhuëëŋ de piɔ̈ndï. Yïn bä leec në diɛt ke thom, Yïn Nhialicdï, Nhialicdï.

Diɛt 57:8

Jɔt rɔt piɔ̈ndï, jɔt rɔt! Jɔt rɔt thomdï wekë aruöördï! Yɛn bï akɔ̈l pɔ̈ɔ̈c.

Diɛt 92:3

në gun de thom ku kɛŋ, ku kuöth de aruöör.

Diɛt 93:4

Bɛ̈nydït tɔ̈u nhial yen aril, adït awär arɔ̈ɔ̈l de abäpdit, ku aril awär apiöŋ de wɛ̈ɛ̈r.

Diɛt 98:5

Lɛckï Bɛ̈nydït! Kɛ̈tkï diɛt në thom!

Bɛ̈n 19:16

Na ɣɔn amiäk, në kööl ye akööl diäk, ke deŋ ë ye rel ku wil deŋ, ku tiëc gökdïït ë luät në kuur nɔm, ku piŋ röl de kaaŋ cï lɔ gaŋgaŋ. Go riɔ̈ɔ̈c kɔc nu në pɛɛny yiic lath kedhie.

Bɛ̈n 20:18

Na wën, aa piŋ kɔc rel ë deŋ, ku piŋkï kaaŋ akoth, ku tïŋkï wil ë deŋ, ku tïŋkï kuur ke tol, acïï riɔ̈ɔ̈c ke bɛ̈n lath, gokï kɔ̈ɔ̈c tëmec.

Yith 17:13

Juöör abïkï cït man ë kuëër riŋ arëët, ku acï Nhialic ke rɛ̈l yiic, gokï röt miɛɛt ciëën, acï ke kuaath cï tɔɔr nu ë kur yiic, ku cïtkï wal riŋ ë kɔɔric.

Edhekiɛl 43:2

ku ëtɛ̈ɛ̈n guɔ ɣɛɛr dhuëëŋ de Nhialic de Yithriɛl tïŋ ke bɔ̈ në biäk të lɔ aköl amiäk. Awuööu de bɛ̈nde acït pïïu juëc, ku jɔ piny riau në dhuëëŋde.

Dhek 9:14

Ku ëtɛ̈ɛ̈n, Bɛ̈nydït abï tuöl në kɔcke nïïm, abï wiɛth ke moc cït man ë wil de deŋ. Bɛ̈nydït Awärjäŋ abï kaaŋ kooth, abï jäl në amaŋic të lɔ wöuwic.

1 Kor 13:1

Na ya cak jam wokë liëp ke kɔc ayï tuucnhial, ku ciën nhiëër, ke yɛn cï ciët maläŋ kök, ku ciët alogör cï tɔɔŋ.

Nyuuth 1:10

Yɛn aa cath wo Wëidït ëkööl ë Bɛ̈nydït, na wën, ke ya piŋ röldïït cït röl ë kaaŋ ë yakɔ̈u ciëën,

Nyuuth 1:15

ku cït cök maläŋ cï lɔ bilbil, cït maläŋ cï lëëŋ ë manydïtic, abï lɔ wai: ku cït röl awuööu de piëëu.

Nyuuth 11:12

Na wën, ke ke jɔ röl dïït bɔ̈ nhial piŋ, röl lueel en, an, “Bäkï nhial eenë!” Gokï lɔ paannhial ë luätic, ke ke woi kɔc de kek ater.

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 15:2

Na wën, ke ya tïŋ wɛ̈ɛ̈rdït ke cït acidhanh cï liääp kekë mac, ku tiëŋ kɔc wën cï lɛ̈n rac tiaam, ku tiamkï këcïcuëëc kë cït guöp en, ku gäärde, ku kuën ë rinke, ke ke kääc ë wɛ̈ɛ̈rdït cït acidhath nɔm, ke ke muk thoom ke Nhialic.

Nyuuth 18:22

Ku acïn din ee kɔc thoom gut, ku din ee kiit, ku luɔɔu ee kɔc ee kɛŋ thiikë kooth, ku din ee kɔc ee kɛŋdït kooth, acïn dindɛn bïï bɛ aa piŋ ë yïyic ëtaitai, ku acïn atën bï bɛ yök ë yïyic ëtaitai, nɔn ee yen atën ë luɔiyou, ayï dhiën ë kuur ee guär, acïï bï bɛ aa piŋ ë yïyic ëtaitai:

Nyuuth 5:8

Na wën, aacï awerek nööm, ke läi kaŋuan ku röördït kathiërrou ku ŋuan ke ke cuɛt röt piny ë Nyɔŋamääl nɔm, ke ke muk thoom raan ëbɛ̈n, ku mukkï guöl ë adhääp de yiic wal ŋïr ee nyop agokï tumëtum, kek aye lɔ̈ŋ ee kɔc ɣerpiɔ̈ɔ̈th Nhialic lɔ̈ŋ.

Nyuuth 6:1

Na wën, ke ya tïŋ Nyɔŋamääl të wën kuek en adöŋ tök bei ë adɔ̈k yiic kadhorou, ku ja lɛ̈n tök ë läi yiic kaŋuan piŋ ke lueel në röl cït määrëdeŋ, an, “Bä tïŋ!”

Nyuuth 8:7

Go tunynhial tueŋ kaaŋde kooth, na wën ke kɔɔi de deŋ bɔ̈, kekë mɛ̈c cï liääp ë riɛm, ku cuɛtë keek ë piny nɔm: go baŋ töŋ de piny nɔm lɔ kuith piny ë nyop, baŋ töŋ wën ee kek diäk, ayï baŋ töŋ de tiim, ku lɔ wɛ̈ɛ̈l tɔ̈c kuith piny ë nyop ëbɛ̈n.