Nyuuth 14:10 - JAM DE NHIALIC 2011

¹⁰ ka yenguöp abï dek ë mɔ̈n ë agönh ë Nhialic, mɔ̈n cï dhiim ë abïny ë agönhdɛn cï tïc, ke cïn kë cï liääp ke ye, ku abï leeŋ wëi në mac ku thulpur ë tuucnhial ɣeriic nïïm, ku Nyɔŋamääl nɔm:

Nyuuth 14:10 Iomraidhean Croise

Cäk 19:24

Ago Bɛ̈nydït many de thulpuur dap guɔ wäl Thɔdom kekë Gomoora ëthiäu.

Jop 18:15

Ɣönde alöökë löökic në kɔc kɔ̈k, ke cï kɔn toolic në mac.

Jop 21:20

Në ke tïŋ riäŋden në nyïïnken, ku yökkï thok yen agönh Nhialic Awärjäŋ.

Diɛt 11:6

Ago kɔc rac tuöc lɔ̈k de many de cool, ku tuc keek thulpur dɛ̈p, ku lui keek këtuc në yom de kupiör.

Diɛt 37:34

Ye Bɛ̈nydït ŋɔ̈ɔ̈th, ku ye lööŋke riëëu, abï yïn biɔɔl në piny, ka yïn bï kɔc ee karɛc looi tïŋ acopë wei.

Diɛt 52:6

Kënë abïï kɔc piɛthpiɔ̈ɔ̈th tïŋ ku riɔ̈ckï, ku abïk yïn dɔl guöp luelkï an,

Diɛt 60:3

Yïn cï kɔcku tɔ nuan aläldïïtë, wok ee tuëk cït kɔc cï miɔ̈l ë mɔ̈u.

Diɛt 73:10

në biäk de ee kënë kɔc ke Nhialic ayek röt puk ku leckï keek, ku yek kɔɔr bïk këdɛn yek lueel gam.

Diɛt 75:8

Bɛ̈nydït amuk cup në Yeciin, acï thiäŋ kekë mɔ̈n ril de agönhde. Aye wäl wei, ku dek ë kɔc ee karɛc looi kedhie, ayek dek ëbɛ̈n abïk liil yic.

Diɛt 91:8

Yïn bï jɔ daai ë yïnyin, në luɔi ye kɔc ee karɛc looi luöi këtuc.

Yith 29:9

Mɔ̈mkï nïïm ku gäikï! Caarkï ke we cïï bï bɛ daai! Wiɛɛtkï ke cïn mɔ̈n cäk dek! Yak tuëk ke we kën mɔ̈u tuc dek!

Yith 30:33

Ɣɔn thɛɛr ade të cï kiëët bï gök de mac dëp thïn bï melik de Athiriya nyop. Athuth ku alääuwic, ku acï thɔ̈ɔ̈ŋ në wal ku tiim juëc. Bɛ̈nydït abï wëi në nyïïn ke mac bï ye ɣaak.

Yith 34:9

Kiɛɛr ke Edom abïk röt puk ke ke ye anyam col, ku piny abï dëp ë many de thulpur. Ku baai ëbɛ̈n abï dëp cït anyam col.

Yith 51:17

Jeruthalem jɔ pääc! Jɔt rɔt ku kääcë! Yïn cï dek në abïny de këtuc kë cï Bɛ̈nydït gäm yïn bä dek në agönhde, guɔ ë thölic ëbɛ̈n go yï tɔ cath ke yï tuëk.

Jeremia 25:27

Na wën, go ë Bɛ̈nydït lɛ̈k ɛn an, “lɛ̈kë kɔc an, acä lueel Yɛn Bɛ̈nydït de rɛm, Nhialic de Yithriɛl, ayɔ̈ɔ̈k keek bïk dek arëk abïk wiɛɛt ku ŋökkï, agut të bïï kek wïïk ku cïkkï röt be jɔt, në biäk de tɔŋ yiɛ̈n keek.

Jeremia 49:12

“Na cï kɔc cïï duëërë luöi këtuc, na cï keek guɔ luöi këtuc, yak tak ë wenïïm nɔn duɛ̈ɛ̈r wek ban ke we cïï luiyë këtuc? Ei, we bïï dhil luöi këtuc!

Jeremia 51:57

Yɛn bï bänyken ku röörkɛn pelnïïm tɔ wiɛɛt, ku bäny ke baai, ku rem ë tɔŋ. Abïk lɔ niin ku cïkkï be pääc taitai. Acä lueel Yɛn melik, Ee Yɛn Bɛ̈nydït de rɛm.

Dhiëëu 4:21

Dalkï kɔc ke Edom ku Udh, miɛtëpiɔ̈u të lëu wek en ënɔɔnë. Riääkdun abɔ̈ ayadäŋ, yïn bï tuëk aya ke yï cïn kɔ̈u lupɔ në ayäär.

Edhekiɛl 20:48

Abïk tïŋ kedhie, nɔn yɛn Bɛ̈nydït Awärjäŋ yɛn aa ker mac, ku acïn raan bï yen kɔn lëu në liiu.”

Edhekiɛl 38:22

Abä ke luöi këtuc në juäi ku kuëër de riɛm. Rel de deŋ ku deŋ kɔɔi, kedhie në mac ku thulpur, abïk röt wäl në yenɔm kekë remdɛn ë tɔŋ, ku rɛm ke tɔŋ ke juöör kɔ̈k tɔ̈u në biäkde.

Ɣabakuk 2:16

Agönh ë Bɛ̈nydït abɔ̈ të nu wek gupkun ka bäk yök aya, ka we bï ciët ka cï wiɛɛt ku kɔc abïk we bɛ aa dɔl gup. Ku luɔi duëër kek we dhuëëŋ gup ke abïk we bɛ biɔɔn gup ka we bï yäär.

Math 20:22

Go bɛ̈ɛ̈r an, “Wek kuc ke liɛpkï. Duɛ̈ɛ̈rkï dek lëu ë bïny bän dek ë ye, ku duɛ̈ɛ̈rkï baptith lëu baptinh bï a baptith?” Gokï bɛ̈ɛ̈r an, “Aduëërku lëu.”

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Math 26:39

Go rɔt cuɔt tueŋ ëmääth, ku gut enɔm piny, ku lɛ̈ŋ an, “Yïn wäär, na lëu rɔt, tɔ bïnyë waan ɛn! Ku acie këde piɔ̈ndï, ee këde piɔ̈ndu.”

Mak 8:38

Ku raan ëbɛ̈n raan ë yäär ë këdï ku në wëlkï ë remë yic rem ë diëër lei kɔɔr, ku ye rem ë kërac dap looi, ke Wën ë Raan abï yäär ë këde aya, Të nu yen në dhuëëŋ de Wun kekë tuucnhial ɣeriic.”

Mak 9:44

të cïï thiënde ee thou, ku cïï mac ë nɔ̈k anande.

Luɔi 10:22

Gokï lueel an, “Korunelio, bɛ̈ny ë rem de tɔŋ, raan piɛthpiɔ̈u, ku ye Nhialic riëëu, ku ye raan piɛth rin ë jur ë Judai yic ëbɛ̈n. Go tunynhial ɣeric a yöök an, bï yï tuöc kɔc an, bä lɔ ɣönde, ke bï wël piŋ tëde yïn.”

Nyöŋ 29:23

Duum abïk aa riaaŋ cie luɔk, piny cï thiäŋ ke thulpur ku amilɔ, acïn kë bïï com thïn, ayï wal acïkï bï ciɛl ëtɛ̈ɛ̈n, pinydun abï ciët pɛ̈ɛ̈nydït ke Thɔdom, ku Gomoora, ku Adma, ku Dheboyim, wään cïï Bɛ̈nydït ke riɔ̈ɔ̈k ɣɔn cï yen gɔ̈th aläl,

2 Theth 1:7

ku luɔi bï en week cuööt në lɔ̈ŋ bä wek lɔ̈ŋ në wook ëtök, wek kɔc ee luöi këtuc, kööl bï Bɛ̈nydït Yecu rɔt nyuɔɔth, të bï en paannhial kekë tuuckɛn ril bɔ̈ nhial,

Juda 1:7

Cït man ë Thɔdom ku Gɔmoora, ayï pɛ̈ɛ̈nydït ë nu ë ke këc, të cï kek röt aa gäm luɔi de dhööm, cït man ë tuucnhialkë, ku yek gup lei kɔɔr, ke ke jɔ tääu ë kɔc nïïm abï aa kë ye kɔc bɛ̈ɛ̈i nïïm, në yöŋ cï kek këtucden yök mɛɛc many tɔ̈u athɛɛr.

Nyuuth 15:7

Go lɛ̈n tök ë läi kaŋuan yiic go tuuc kadhorou gäm guöl ë adhääp kadhorou guöl cï thiäŋ ë agönh ë Nhialic, Raan pïïr aɣet athɛɛr ya.

Nyuuth 16:19

Go pänydït e yic tek ë diäk, ku wiëëk pɛ̈ɛ̈nydït ke juöör: go Nhialic Babilon dït tak ë yenɔm, bï gäm bïny de yic mɔ̈n ë tuöc ë agönhdɛn dït.

Nyuuth 18:3

Ë luɔi cï juöör ëbɛ̈n dek në mɔ̈ndɛn ë agɔ̈th, agönh ë bïïyë bɛɛlde, ku meliik ke piny nɔm aake ye lɔ në yen, ku ajalɛɛp ke piny nɔm aake cï kuɛth ë wëu në juëc de kakɛn mit ee kɔɔr.”

Nyuuth 18:6

Luöikï kë cït kë wään bï luöi week, luöikï kë cït këde luɔide ku ŋuakkï nyin raanrou. Bïnydɛn wään cï thiɔ̈ɔ̈ŋ tɔ dɛkkï, jakï thiɔ̈ɔ̈ŋ raanrou takï dek.

Nyuuth 19:15

Ku bɔ̈ abätäu moth bei ë yethok, bï en juöör kip: ku abï ke jɔ cieŋ ë thieny wëëth: go kën ee mïth ke enap dhiim thïn duöm piny, aye mɔ̈u, mɔ̈n ë tuöc de agönhdïït ë Nhialic Awärjäŋ.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 20:10

Ku cuɛtë jɔŋdït rac ee keek math ë baaric baar ë mac ku thulpur, të nu lɛ̈n rac kekë tiët alueeth thïn, ku abï ke leeŋ wëi aköl ku wakɔ̈u aɣet athɛɛr ya.

Nyuuth 20:14

Ku cuɛtë thuɔɔu ku paan ë thuɔɔu ë baar ë macic. Thon ee kek rou kï ee kënë.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”