Nyuuth 13:8 - JAM DE NHIALIC 2011

⁸ Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 13:8 Iomraidhean Croise

Cäk 22:7

Ago Yithaak wun cɔɔl an, “Wää.” Go wun gam, ku lueel an, “Yakï mɛnhdï.” Go Yithaak en luɔp an, “Yïn de nɔm mac, ku tiim, ku na nyɔɔŋ lɔ nɔ̈k nu ënou?”

Diɛt 69:28

Tɔ rinken cuthë bei në awerek de pïïric, tɔ ke nyiɛɛiyë rin në kuën de kɔc piɛthpiɔ̈ɔ̈th yiic.

Bɛ̈n 32:32

Pälë ke kërɛɛcden Bɛ̈nydït, na cïï ke bï päl awänyden, ke yï bïï ɛn rin bei në awerekduön cï kɔcku gäär rin thïn.”

Yith 4:3

Raan ëbɛ̈n raan cï nyääŋ Dhiɔn, ku cï döŋ Jeruthalem, kɔc cï Nhialic tɔ döŋ ke ke pïïr, abï ke aa cɔɔl an, “Kɔc ɣeriic.

Danyel 12:1

Go tunynhial ceŋ lupɔɔ ɣer lueel an, “Në aköölkë yiic, Maikɔl, tunynhial dït, raan ee kɔc ke Yithriɛl tiit, abï tïc. Ku abï dɛ akööl ke nuan, nuan dïït kën rɔt kɔn looi ɣɔn ciɛk ë juöör ke piny nɔm aɣët cï ee köölë. Të cï ë köölë bɛ̈n, kɔc ke jurdun kedhie kɔc cïï ë rinken gɔ̈ɔ̈r në awerek de Nhialic yic, abïï keek kony wëi.

Math 25:34

Na ëlë, ke Melik abï kɔc nu ë baŋ cuënyde yɔ̈ɔ̈k an, “Bäkï, wek kɔc cï thieei ë wäär, bäk lakkï ciɛɛŋ cï guiëk week të ɣɔn ciɛkë piny,

Luk 10:20

Ku duökï piɔ̈ɔ̈th mit në ee cöökë an, ye jɔɔk rac këdun gam, aŋuän luɔi bä wek piɔ̈ɔ̈th miɛt në gäär cï rinkun gɔ̈ɔ̈r paannhial.”

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Epethiei 1:4

Acït man cï en wo lɔc në Kërthoyic ɣɔn thɛɛr aŋoot piny ke kënë cak, në nhiëër nhiɛɛr en wook. Në luɔi bï wok piɔ̈ɔ̈th ɣɛɛr ku cïn kë bï wo gɔ̈k ë yenɔm.

Pilipoi 4:3

Ku yïn, yïn raan luui wok ëtök, raan yic, yïn läŋ aya an, bäk diëërke kony, aake ye luui në yɛn ëtök në wëlpiɛth yiic, kekë Keleme aya, ku kɔc kɔ̈k ë ye wok ke luui ëtök, kɔc cïï rinken gɔ̈ɔ̈r ë awerek de pïïric.

Tito 1:2

në aŋäth de pïïr athɛɛr, pïïr cï Nhialic Raan cïï lueth duëër töör kɔn lueel an, bï gäm kɔc, ɣɔn ŋootë piny ke kënë cak:

Nyuuth 12:15

Go ŋuäl pïïu ŋɔ̈k bei ë yethok ë tik cök cït man ë amool, an, tɔ tik jɔtë wei ë amool.

Nyuuth 13:12

Ku ciɛth ke riɛl ë lɛ̈n rɛɛc tueŋë e yenɔm, riɛl ëbɛ̈n, go piny nɔm kekë kɔc rɛ̈ɛ̈r thïn tɔ lam lɛ̈n rɛɛc tueŋ, lɛ̈n wään cï tëtök dem tëtöŋ ë yupë yen abï thöök.

Nyuuth 17:8

Lɛ̈n rɛɛc wën cï tïŋ aa nu, ku aliu, ku akɔɔr bɛ̈n bei ë adhum cïï thar tiëcic, le määr ëtaiwei. Ku kɔc rɛ̈ɛ̈r ë piny nɔm abïk gäi, kɔc kënë rinken gɔ̈ɔ̈r ë awerek de pïïric ɣɔn thɛɛr ciɛkë piny thar, të woi kek lɛ̈n rac, lɛ̈n ë nu, ku aliu, ku abï nu.

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.

Nyuuth 3:10

Luɔi cï yïn jamdï muk jam de ruöt cän apiɔ̈u ruut, ke yïn bä muk aya në thaar ë thëm, thaar bï dap bɛ̈n ë piny nɔm ëbɛ̈n, bï kɔc tɔ̈u ë piny nɔm bɛ̈n them kedhie.

Nyuuth 3:20

Ya kï, kääc ɣöt thokë, ke ya tɔŋ ɣöt thok: tëde en raan piŋ a röl ku liep ɣöt thok, ke yɛn bï bɛ̈n ɣöt tëde yen, ku buk aa cam ëtök, yɛn wokë yen.

Nyuuth 3:5

Raan ee tiam ka bï yiëk kɔ̈u lupɔɔ ɣer aya, ku rinke acä ke bï cuöth bei ë awerek de pïïric, ku rinke abä ke gam ë Wäär nɔm, ku tuuckɛnnhial nïïm.

Nyuuth 5:12

ku luelkï ë röl dït, an, “Nyɔŋamääl en arɔ̈ŋ ke luɔi bï en riɛldït yök, ku yök juëcdekäŋ, ku pɛlënɔm, ku riɛl, ku riëëu, ku dhuëëŋ, ku athiɛɛi!”

Nyuuth 5:13

Ku këriëëc cï cak ëbɛ̈n, ayï ka nu paannhial, ayï ka nu ë piny nɔm, ayï ka nu ë piny thar, ayï ka nu ë wɛ̈ɛ̈ric, ku ka nu ë keyiic kedhie, acä ke piŋ, ke luelkï an: “Athiɛɛi, ku riëëu, ku dhuëëŋ, ku riɛldït, ë ke tɔ̈u në Raan rɛ̈ɛ̈r e thöönydït nɔm, ku në Nyɔŋamääl, aɣet wadäŋ thɛɛr ya.”

Nyuuth 6:1

Na wën, ke ya tïŋ Nyɔŋamääl të wën kuek en adöŋ tök bei ë adɔ̈k yiic kadhorou, ku ja lɛ̈n tök ë läi yiic kaŋuan piŋ ke lueel në röl cït määrëdeŋ, an, “Bä tïŋ!”