Nyuuth 13:3 - JAM DE NHIALIC 2011

³ Ku yɛn ë nɔm tök ënïïm yiic tïŋ acït kë cï yup abï thöök, na wën, ke be dem yen të wën cï yup abï thöök: arëk abï piny nɔm gäi ëbɛ̈n ë lɛ̈n rɛɛcë:

Nyuuth 13:3 Iomraidhean Croise

Edhekiɛl 30:24

Ku ëtɛ̈ɛ̈n Yɛn bï kök ke melik de Babilonia tɔ ril ku tääu abätäudï në yecin. Ku yɛn bï kök ke melik de Rip dhuööŋ, ka bï teer ku thou në kɔc ke aterde nïïm.

Luk 2:1

Na ɣɔn ë aköölkë, ke liëm ë Kaithar Augutho lɔ an, bï rin ke kɔc gɔ̈ɔ̈r kedhie ë piny nɔm ëbɛ̈n.

Jɔn 12:19

Go Parithai röt yɔ̈ɔ̈k kapäc an, “Kɛ̈nkï tïŋ ënɔɔnë, nɔn cï en kë luɛlkï? Wɔikï, piny ëbɛ̈n acï lɔ ë yecök!”

Luɔi 8:13

Go Thimon guöp gam ayadäŋ: na wën, aacï baptith, ke ye cool ë rɛ̈ɛ̈r kekë Pilip, ku gɛ̈i, wën cï en göök cï looi tïŋ ayï kake gäi.

Nyuuth 13:12

Ku ciɛth ke riɛl ë lɛ̈n rɛɛc tueŋë e yenɔm, riɛl ëbɛ̈n, go piny nɔm kekë kɔc rɛ̈ɛ̈r thïn tɔ lam lɛ̈n rɛɛc tueŋ, lɛ̈n wään cï tëtök dem tëtöŋ ë yupë yen abï thöök.

Nyuuth 13:14

Ku ye kɔc rɛ̈ɛ̈r ë piny nɔm math në baŋ de göök gɛ̈iyë cï gäm en bï ke looi ë lɛ̈n rac nɔm, ee kɔc rɛ̈ɛ̈r ë piny nɔm yɔ̈ɔ̈k, an, bïk këdäŋ cuëëc kë cït guöp lɛ̈n rɛɛc wään cï yiëk tëtök në abätäu, ku acï pïïr.

Nyuuth 17:10

ku yek meliik kadhorou aya: dhïc acïk wïïk, ku tök anu, ku däŋ aŋoot wei, na miäk cï bɛ̈n, ka bï dhil tɔ̈u tëthiinakäŋ.

Nyuuth 17:11

Ku lɛ̈n rɛɛcë ë nu, ku cïï nu, yen aye bɛ̈tden, ku ye töŋ de dhorou yiic, ku alɔ määr ëtaiwei.

Nyuuth 17:13

Meliikkë löŋden akït, ku yek lɛ̈n rac yiɛ̈n riɛlden ku bɛ̈ɛ̈nyden.

Nyuuth 17:17

Ee luɔi cï Nhialic löŋ tääu ë kepiɔ̈ɔ̈th, bïk këde piɔ̈nde looi, ke löŋden bï kït, agokï ciɛɛŋden gäm lɛ̈n rac, a thöökë wël ke Nhialic ë luɔi.

Nyuuth 17:6

Guɔ tik tïŋ acï wit ë dëŋ ee yen riɛm de kɔc ɣerpiɔ̈ɔ̈th dek, ku riɛm de cäätɔɔ ke Yecu. Na wën, acä ye tïŋ, ke ya gäi ë gäi dït.

Nyuuth 17:8

Lɛ̈n rɛɛc wën cï tïŋ aa nu, ku aliu, ku akɔɔr bɛ̈n bei ë adhum cïï thar tiëcic, le määr ëtaiwei. Ku kɔc rɛ̈ɛ̈r ë piny nɔm abïk gäi, kɔc kënë rinken gɔ̈ɔ̈r ë awerek de pïïric ɣɔn thɛɛr ciɛkë piny thar, të woi kek lɛ̈n rac, lɛ̈n ë nu, ku aliu, ku abï nu.