Nyuuth 13:16 - JAM DE NHIALIC 2011

¹⁶ Ku tɔ kɔc gäär gup kedhie, kɔc kor ku röördït, kɔc cï bäny ku kɔc kuanynyïïn, kɔc lääu nïïm ku lïïm, nɔn gɛ̈ɛ̈rë cin cuëëcken ku nɔn gɛ̈ɛ̈rë kenyïïn tueŋ,

Nyuuth 13:16 Iomraidhean Croise

2 Lëk 15:13

Raan ëbɛ̈n, raan koor ayï raan dït, moc ku nɔn ee tik, raan cïï Nhialic bï aa lam abï dhil nɔ̈k.

Jop 34:19

Yen acïï rɔt ee mät bäny ku nɔn nhiɛɛr kɔc kueth, ku mäl kɔc kuanynyïïn, Yen aa cak raan ëbɛ̈n.

Diɛt 115:13

Ku abï kɔc kedhie thieei kɔc ee Yen riëëu guöp, röördït ku mïth akït.

Diɛt 49:2

röördït ku kɔc kor ëbɛ̈n kɔc kueth ku kɔc kuanynyïïn kedhie.

Bɛ̈n 13:9

Yen abï week jɔ aa täk nïïm. Ka bï ciët kë duööt ë wecin, ku cït kë cï tääu në wenyïïn tueŋ. Abï week aa täk nïïm ë cieŋ, në baŋ bä wek lööŋ ke Bɛ̈nydït aa luɛɛl aköölnyïïn, në luɔi cï Bɛ̈nydït we bɛ̈ɛ̈i bei Rip në riɛl dïïtde.

Edhekiɛl 9:4

“Lɔ caathë pänydït ë Jeruthalem yic ëbɛ̈n, ku ye raan cï yök ke nuan, ku jiɛth piɔ̈u në biäk de karɛc ku kanhiany ye kɔc keek looi ë pänydïtic, ye jak nɔm në kït.”

Dhek 13:6

Na lop ë raan en an, “Ka ee tëtöök ke ŋö nu në yïguöpë?’ Abï puk nɔm an, ‘Ee tëtöök ë loi röt ɣön ë määthkï.’

Luɔi 26:22

Nhialic yen aa kony a tei, aguɔ tɔ̈u aɣët cï ee köölë, ke ya ye cool ë guïïr kɔc, kɔc kor ayï röördït, ku acïn kɔ̈k aa lɛ̈k keek, ee kak ë lueel tït tei, ayï Mothe an, bïk tïc:

1 Kor 12:13

Wook wodhie, wo cï baptith ë guöp tökic në Wëidït töŋë, nɔn ee wok Judai, ku nɔn ee wok Girikii, nɔn ee wok lïïm, ku nɔn ee wok kɔc ee cath ë këde yenhden, ku wo cï tɔ dëk në Wëidït töŋë wodhie.

Galatai 3:28

Judai ayï Girikii aliu ee tënë, ayï lïm ayï raan ë cath ë këde yenhde aliukï ayï moc ayï tik aliukï aya: week wedhie wek ee tök në Kërtho Yecu yic.

Galatai 6:17

Gɔl ee köölë, në cïn raan ë ya jut: yɛn cath wo piär ke Bɛ̈nydït Yecu cï gɔ̈ɔ̈r ë yaguöp.

Epethiei 6:8

Në ŋïny ŋiɛc wek cöökë an, të de en këpiɛth ee raan looi, ke yen abï yök tëde Bɛ̈nydït, nɔn ee yen lïm, ku nɔn ee yen raan lääu nɔm.

Nyöŋ 11:18

Yak ee lööŋkë tak ku mɔ̈kkï keek. Duöötkï keek në we kök ku yak keek cieŋ në wenïïm tueŋ ke bï week aa täk nïïm.

Nyöŋ 6:8

Duöötkï keek në we kök ku cieŋkï keek në wenïïm tueŋ ke ke bï we aa täk nïïm.

Kolothai 3:11

Ku tɛ̈ɛ̈n acïn Girikii nu ku cïn Judai, ku cïn aŋuɛl nu ku cïn raan cie aŋuɛl, ayï Jur rɛɛc ë ciɛɛŋde, ayï Thekuka, ayï lïm, ayï raan lääu nɔm, abï ciën këdäŋ, ku Kërtho yen aye këriëëc ëbɛ̈n, ku nu ë käŋ yiic kedhie.

2Tim 3:8

Ku acït man ɣɔn lueelë Jane ku Jambere lueel kek ater në Mothe, yen acït luɛl ee kɔckë ater lueel në yic aya, ee kɔc cï nïïm riääk ëtaiwei, ku cï ke tɔ cïn naamden në këde gäm.

Nyuuth 11:18

Ku juöör acïk gɔ̈th, ku jɔ agönhdu bɛ̈n, ku bɔ̈ kööl bï löŋ de kɔc cï thou guiir. Kööl bï yïn tït lïïmku gäm ariöpden, ayï kɔc ɣerpiɔ̈ɔ̈th, ayï kɔc riëëu rinku, kɔc kor ku röördït. Ku kööl bï yïn kɔc riɔ̈ɔ̈k kɔc ee piny riɔ̈ɔ̈k nɔm!”

Nyuuth 15:2

Na wën, ke ya tïŋ wɛ̈ɛ̈rdït ke cït acidhanh cï liääp kekë mac, ku tiëŋ kɔc wën cï lɛ̈n rac tiaam, ku tiamkï këcïcuëëc kë cït guöp en, ku gäärde, ku kuën ë rinke, ke ke kääc ë wɛ̈ɛ̈rdït cït acidhath nɔm, ke ke muk thoom ke Nhialic.

Nyuuth 19:18

bäk rïŋ ke meliik bɛ̈n cuet, ku cuɛtkï rïŋ ke bäny ke rɛm, ku rïŋ ke jööt ril, ku rïŋ ke joŋgöör ku kɔc rɛ̈ɛ̈r ë kekɔ̈ɔ̈th, ku rïŋ ke kɔc kedhie, kɔc lääu nïïm ku lïïm, ayï kɔc kor ayï röördït.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 19:5

Ku bɔ̈ röl ë raan bei ë thöönydïtic, lueel, an, “Lɛckï Nhialicda, wek lïïmke kedhie, wek kɔc ee ye riëëu, kɔc kor ayï röördït!”

Nyuuth 20:12

Guɔ kɔc cï thou tïŋ, kɔc kor ayï röördït, ke ke kääc ë Nhialic nɔm, na wën, ke awereek ë ke pet yiic: ku pet awerek däŋic, awerek de pïïr: go löŋ de kɔc cï thou guiir në ka cï gɔ̈ɔ̈r ë awereek yiic në këde luɔidɛn cïk looi.

Nyuuth 20:4

Na wën, ke ya tïŋ thöny, ku kɔc arëërkï ë kenïïm, ku acï ke gäm guiëër bï kek löŋ aa guiir: ku tiëŋ wëi ke kɔc wään cï kiëp nïïm wei në baŋ ee kek cäätɔɔ ke Yecu ku në baŋ de jam de Nhialic, ku kɔc ee lɛ̈n rac rɛɛc lam, ku reeckï këcïcuëëc ke cït guöp en lam, ku reeckï gäärde gam ë kenïïm tueŋ, ayï kecin, ku acïk bɛ pïïr ku yek piny cieŋ në Kërtho ëtök ë agum de run.

Nyuuth 6:15

Go meliik ke piny nɔm, ku bänydït, ku kɔc juëcëkäŋ, ku bänydït ke rem, ku kɔc ril, ku lïm ëbɛ̈n ayï raan lääunɔm ëbɛ̈n, agokï thiaan ë kɔ̈k yiic ku kur ke kuurdït yiic.

Nyuuth 7:3

lueel, an, “Duökï piny riäk, ayï wɛ̈ɛ̈r, ayï tiim, të ŋoot wok ë wo kën lïïm ke Nhialicda gɔ̈ɔ̈r nyïïn tueŋ në katim.”