Nyuuth 13:14 - JAM DE NHIALIC 2011

¹⁴ Ku ye kɔc rɛ̈ɛ̈r ë piny nɔm math në baŋ de göök gɛ̈iyë cï gäm en bï ke looi ë lɛ̈n rac nɔm, ee kɔc rɛ̈ɛ̈r ë piny nɔm yɔ̈ɔ̈k, an, bïk këdäŋ cuëëc kë cït guöp lɛ̈n rɛɛc wään cï yiëk tëtök në abätäu, ku acï pïïr.

Nyuuth 13:14 Iomraidhean Croise

2 Mel 20:7

Go Yithaya kɔc rɛ̈ɛ̈r ë melik yɔ̈ɔ̈k bïk kuïn de mïth ke ŋaap cï nyop bɛ̈ɛ̈i, ku tɛ̈ɛ̈ukï në pïïu cï piɔ̈ɔ̈r yiic ke bï guöp pial. Gokï looi aya, go guöp pial.

2 Mel 22:20

Në biäk de ee kënë tïŋ yï bä mat we kuarkun, në raŋdu yic në mät, ku nyïïnku, acïkï kërɛɛc bä tuööc ëbɛ̈n ee tënë bï tïŋ.” Go kɔc ee thoŋë yiɛ̈n melik Jothia.

2 Lëk 18:21

Go wëi pɔ̈k nɔm en, an, ‘Yɛn bï lɔ bä tït ke Aɣap tɔ lɔ tör lueth.’ Go ë Bɛ̈nydït lueel an, ‘Lɔɔr mathë Aɣap. Yïn bï tiam.”’

Jop 12:16

Ade nɔm riɛl ku pɛlënɔm, Raan cï math ku raan ee kɔc math anukï në Yecin.

Bɛ̈n 7:11

Go melik röör pelnïïm cɔɔl, ku cɔɔl tït. Agokï kë cït kë cïï Aron looi looi ayadäŋ në tïïtden.

Yith 44:20

Ee kɔc gäm täŋ ee raan cït kë cam ŋeth. Täŋdɛn ë dhɔ̈ɔ̈n ee ye thɛl të wär kaam duëërë yen kony. Acïï bï gäm rɔt nɔn ye yanh muk në yeciin nɔn cïï yen ee yath taitai.

Edhekiɛl 14:9

“Na cï tiët math, abïï lop bɛ̈ɛ̈r në tör, ee biäk cän yen math yɛn Bɛ̈nydït. Abä nyaai në kɔc ke Yithriɛl yiic.

Edhekiɛl 16:17

Yïn cï atek ku kuɛɛt ke adhɛ̈p wään cä gäm yïn, nööm ku looi yïn ka cït gup röör ku jɔ niin we keek.

Edhekiɛl 8:10

Guɔ lɔ thïn ku tiëŋ. Pɛ̈ɛ̈ny acïk kɔ̈ɔ̈th thiäŋ, në giɛɛt de karɛc ku lɔ kɔ̈k de acuɔl: ku jɔ aa yiëth kɔ̈k ye baai de Yithriɛl ke lam.

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

2 Theth 2:4

Raan ee rɔt yiëk ater në ka cï tɔ ye Nhialic ku läm ëbɛ̈n, ayï ka riëëuwë, ku tɔ rɔt dït ë keek, ago rëër ë luaŋdïït ë Nhialic ke ye rɔt tɔ ye Nhialic guöp.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 13:1

Na wën, ke ya kääc ë liɛɛt nɔm ë wɛ̈ɛ̈r yɔu: guɔ lɛ̈n rac tïŋ ke bɔ̈ bei ë wɛ̈ɛ̈ric, acath ke nïïm kadhorou, ku tuŋ kathiëër, ku nu dhor kathiëër ë tuŋke kɔ̈ɔ̈th, ku cï rin ke lɛ̈t rac gɔ̈ɔ̈r ë nïïmke kɔ̈ɔ̈th.

Nyuuth 13:15

Ku gëmë riɛl bï këcïcuëëc kë cït guöp lɛ̈n rac yiëkic wëi abï jam, ku tɔ kɔc näk ëbɛ̈n kɔc reec këcïcuëëc kë cït guöp lɛ̈n rac lam.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 14:11

ku tol ë lɛ̈ŋ ee ke leeŋ wëi ee lɔ nhial aɣet athɛɛr ya, ku acïn lɔ̈ŋ ee kek lɔ̈ŋ aköl ku wakɔ̈u, kek kɔc ee lɛ̈n rac lam ku lɛmkï këcïcuëëc ke cït guöp en, ayï raan ëbɛ̈n raan gam gäär bï e gäär guöp rinke.”

Nyuuth 14:9

Na wën, ke tunynhial däŋ tuny ee kek diäk löök lɔ ë kecök, ku lueel ë röl dït, an, “Na de raan ë lɛ̈n rac lam, ku lɛm këcïcuëëc kë cït guöp en, ku gɛm gäär bï e gɔ̈ɔ̈r nyin tueŋ, ayï yeciin,

Nyuuth 15:2

Na wën, ke ya tïŋ wɛ̈ɛ̈rdït ke cït acidhanh cï liääp kekë mac, ku tiëŋ kɔc wën cï lɛ̈n rac tiaam, ku tiamkï këcïcuëëc kë cït guöp en, ku gäärde, ku kuën ë rinke, ke ke kääc ë wɛ̈ɛ̈rdït cït acidhath nɔm, ke ke muk thoom ke Nhialic.

Nyuuth 16:13

Na wën, ke ya tïŋ atïptïïp col kadiäk, cït gup aguek, ke ke bɔ̈ bei ë ŋuäl thok, ku lɛ̈n rac thok, ku tiët alueeth thok:

Nyuuth 16:2

Go tunynhial tueŋ lɔ, le ku luuŋ gulde piny, go të rɛɛc tök aläldït tïc ë kɔc gup, kɔc de gup gäär ë lɛ̈n rac, ku yek këcïcuëëc cït guöp en lam.

Nyuuth 18:23

ku ɣɛɛr ë manyëalath acïï piny bï bɛ aa riaau ë yïyic ëtaitai, ayï röl ë monythiëk kekë nyan thiak acïï bï bɛ aa piŋ ë yïyic ëtaitai: ajalɛɛpku aake ye bänydït ke piny nɔm, ku ë adhuɛ̈ɛ̈thdu en aaye juöör math ëbɛ̈n!”

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.

Nyuuth 20:10

Ku cuɛtë jɔŋdït rac ee keek math ë baaric baar ë mac ku thulpur, të nu lɛ̈n rac kekë tiët alueeth thïn, ku abï ke leeŋ wëi aköl ku wakɔ̈u aɣet athɛɛr ya.

Nyuuth 3:10

Luɔi cï yïn jamdï muk jam de ruöt cän apiɔ̈u ruut, ke yïn bä muk aya në thaar ë thëm, thaar bï dap bɛ̈n ë piny nɔm ëbɛ̈n, bï kɔc tɔ̈u ë piny nɔm bɛ̈n them kedhie.