Nyuuth 13:12 - JAM DE NHIALIC 2011

¹² Ku ciɛth ke riɛl ë lɛ̈n rɛɛc tueŋë e yenɔm, riɛl ëbɛ̈n, go piny nɔm kekë kɔc rɛ̈ɛ̈r thïn tɔ lam lɛ̈n rɛɛc tueŋ, lɛ̈n wään cï tëtök dem tëtöŋ ë yupë yen abï thöök.

Nyuuth 13:12 Iomraidhean Croise

2 Theth 2:4

Raan ee rɔt yiëk ater në ka cï tɔ ye Nhialic ku läm ëbɛ̈n, ayï ka riëëuwë, ku tɔ rɔt dït ë keek, ago rëër ë luaŋdïït ë Nhialic ke ye rɔt tɔ ye Nhialic guöp.

Nyuuth 13:2

Ku lɛ̈n rɛɛc wën cä tïŋ acït guöp kuac, ku cït cök lɛ̈ndïït rɛɛc cɔl köörayuääl, ku cït thok köör: ku ye ŋuäldït en aa gëm en riɛlde, ku thöönyde, ku bɛ̈ɛ̈nydɛndït cath ke ye.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 14:11

ku tol ë lɛ̈ŋ ee ke leeŋ wëi ee lɔ nhial aɣet athɛɛr ya, ku acïn lɔ̈ŋ ee kek lɔ̈ŋ aköl ku wakɔ̈u, kek kɔc ee lɛ̈n rac lam ku lɛmkï këcïcuëëc ke cït guöp en, ayï raan ëbɛ̈n raan gam gäär bï e gäär guöp rinke.”

Nyuuth 14:9

Na wën, ke tunynhial däŋ tuny ee kek diäk löök lɔ ë kecök, ku lueel ë röl dït, an, “Na de raan ë lɛ̈n rac lam, ku lɛm këcïcuëëc kë cït guöp en, ku gɛm gäär bï e gɔ̈ɔ̈r nyin tueŋ, ayï yeciin,

Nyuuth 16:2

Go tunynhial tueŋ lɔ, le ku luuŋ gulde piny, go të rɛɛc tök aläldït tïc ë kɔc gup, kɔc de gup gäär ë lɛ̈n rac, ku yek këcïcuëëc cït guöp en lam.

Nyuuth 17:8

Lɛ̈n rɛɛc wën cï tïŋ aa nu, ku aliu, ku akɔɔr bɛ̈n bei ë adhum cïï thar tiëcic, le määr ëtaiwei. Ku kɔc rɛ̈ɛ̈r ë piny nɔm abïk gäi, kɔc kënë rinken gɔ̈ɔ̈r ë awerek de pïïric ɣɔn thɛɛr ciɛkë piny thar, të woi kek lɛ̈n rac, lɛ̈n ë nu, ku aliu, ku abï nu.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 20:4

Na wën, ke ya tïŋ thöny, ku kɔc arëërkï ë kenïïm, ku acï ke gäm guiëër bï kek löŋ aa guiir: ku tiëŋ wëi ke kɔc wään cï kiëp nïïm wei në baŋ ee kek cäätɔɔ ke Yecu ku në baŋ de jam de Nhialic, ku kɔc ee lɛ̈n rac rɛɛc lam, ku reeckï këcïcuëëc ke cït guöp en lam, ku reeckï gäärde gam ë kenïïm tueŋ, ayï kecin, ku acïk bɛ pïïr ku yek piny cieŋ në Kërtho ëtök ë agum de run.