Nyuuth 13:1 - JAM DE NHIALIC 2011

¹ Na wën, ke ya kääc ë liɛɛt nɔm ë wɛ̈ɛ̈r yɔu: guɔ lɛ̈n rac tïŋ ke bɔ̈ bei ë wɛ̈ɛ̈ric, acath ke nïïm kadhorou, ku tuŋ kathiëër, ku nu dhor kathiëër ë tuŋke kɔ̈ɔ̈th, ku cï rin ke lɛ̈t rac gɔ̈ɔ̈r ë nïïmke kɔ̈ɔ̈th.

Nyuuth 13:1 Iomraidhean Croise

Jeremia 5:22

Ee Yɛn ee Bɛ̈nydït, eeŋö cä wek ee riɔ̈ɔ̈c ë Yɛn? Eeŋö cïï ë week ee lath ë yanɔm? Yɛn cï liɛɛt tɔ yë aken de wɛ̈ɛ̈r, aken kääc tëde cïï duëërë teem kɔ̈u. Wɛ̈ɛ̈r aduëër amaŋ looi, ku acïï duëër lɔ ë baŋtui, apiöök aduëër rɔt looi, ku acïï duëër dhoŋ kɔ̈u.

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Danyel 2:41

Ku acï tïŋ nɔn ye cökke kekë riöpke wëëth ëbiäk ku ye tiɔp ëbiäk. Kënë anyuth nɔn bï yen aa ciɛɛŋ cï tekic. Abï dɛ këde riɛl ë wëëth, në biäk de yen wënh cï liääp kekë tiɔp.

Nyuuth 11:7

Ku të cï kek këdɛn ee kek cäätɔɔ thöl ë luɛl, ke lɛ̈n rac lɛ̈n bɔ̈ biic ë adhum thuthic ke bï tɔŋ yiɛ̈n keek, ku jɔ ke tiaam, ku nɛ̈k keek abïk thou.

Nyuuth 12:3

Na wën, ke gök däŋ gɛ̈iyë tiëc paannhial, ŋuäldïït thith ka, ŋuäl de nïïm kadhorou ku tuŋ kathiëër, ku ceŋ dhor kadhorou ë nïïmke.

Nyuuth 13:11

Na wën, ke ya tïŋ lɛ̈n rɛɛc däŋ ke bɔ̈ bei piny, ku ciɛth ke tuŋ kaarou cït nyɔŋamääl, ku ye jam cït man ë ŋuäl.

Nyuuth 13:14

Ku ye kɔc rɛ̈ɛ̈r ë piny nɔm math në baŋ de göök gɛ̈iyë cï gäm en bï ke looi ë lɛ̈n rac nɔm, ee kɔc rɛ̈ɛ̈r ë piny nɔm yɔ̈ɔ̈k, an, bïk këdäŋ cuëëc kë cït guöp lɛ̈n rɛɛc wään cï yiëk tëtök në abätäu, ku acï pïïr.

Nyuuth 13:15

Ku gëmë riɛl bï këcïcuëëc kë cït guöp lɛ̈n rac yiëkic wëi abï jam, ku tɔ kɔc näk ëbɛ̈n kɔc reec këcïcuëëc kë cït guöp lɛ̈n rac lam.

Nyuuth 15:2

Na wën, ke ya tïŋ wɛ̈ɛ̈rdït ke cït acidhanh cï liääp kekë mac, ku tiëŋ kɔc wën cï lɛ̈n rac tiaam, ku tiamkï këcïcuëëc kë cït guöp en, ku gäärde, ku kuën ë rinke, ke ke kääc ë wɛ̈ɛ̈rdït cït acidhath nɔm, ke ke muk thoom ke Nhialic.

Nyuuth 16:13

Na wën, ke ya tïŋ atïptïïp col kadiäk, cït gup aguek, ke ke bɔ̈ bei ë ŋuäl thok, ku lɛ̈n rac thok, ku tiët alueeth thok:

Nyuuth 17:16

Ku tuŋ kathiëër wën cï tïŋ ë lɛ̈n rac nɔm, kek abïk akɔɔrröör maan guöp, ku tɔkï kuany nyin, ku cïn kɔ̈u lupɔ, ku abïk rïïŋde cuet, ku nyopkï ë mac.

Nyuuth 17:3

Go ya jɔt leer en ë jɔ̈ɔ̈ric në Wëidït: ku ja tik tïŋ ëtɛ̈ɛ̈n, ke rɛ̈ɛ̈r ë lɛ̈n rɛɛc thith kɔ̈u, lɛ̈n cï kɔ̈u thiäŋ ke rin ke lɛ̈ɛ̈t rac, ku ciɛth ke nïïm kadhorou, ku tuŋ kathiëër.

Nyuuth 17:5

ku ade rin cï gɔ̈ɔ̈r ë yenɔm tueŋ an, “KËCÏMOONY KA, Babilon DÏÏTË KÏ, MAN AKƆƆRRÖÖR KU YE MAN KANHIƐNY KE PINY NƆM.”

Nyuuth 19:19

Na wën, ke ya tïŋ lɛ̈n rac, ku tiëŋ Meliik ke piny nɔm, kekë rɛmkɛn ë tɔŋ, acïk kenïïm kut bïk tɔŋ bɛ̈n yiɛ̈n Raan rɛ̈ɛ̈r ë jöŋgör kɔ̈u, kekë remdɛn ë tɔŋ.