Nyuuth 12:9 - JAM DE NHIALIC 2011

⁹ Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 12:9 Iomraidhean Croise

Cäk 3:1

Ku kërac aaye län pel awär läi roor kedhie, läi cï Bɛ̈nydït Nhialic cak. Ago kërac tik luɔp an, “Ë yic, cï Nhialic lɛ̈k week an cäkï bï cam në mïth ke tiim ke Dom kedhie?”

Cäk 3:13

Go Bɛ̈nydït Nhialic lɛ̈k tik an, “Eeŋö looi yïn ë kënë?” Go tik puk nɔm an, “Kërac yen aa mɛth ɛn, guɔ cam.”

1 Lëk 21:1

Catan akɔɔr bï kɔc ke Yithriɛl yiɛ̈n nuɛɛn, go Debid tɔ kuen kɔc.

2 Lëk 18:21

Go wëi pɔ̈k nɔm en, an, ‘Yɛn bï lɔ bä tït ke Aɣap tɔ lɔ tör lueth.’ Go ë Bɛ̈nydït lueel an, ‘Lɔɔr mathë Aɣap. Yïn bï tiam.”’

Diɛt 109:6

Kuany bɛ̈ny ke luk rac bïk löŋ de kɔc ke aterdï guiir, ku tɔ raan töŋ de kɔc de kek ater gɛɛny en.

Yith 14:12

Meliŋ de Babilonia, ciëër de run ë piny, yïn ë lööny piny paannhial! Wään tueŋ yïn aacï juöör peec, ku ënɔɔnë yïn cï guɔ cuat piny.

Yith 27:1

Në ëköölë Bɛ̈nydït abï abätäudɛn ril de näk nööm ku lui En ŋuäl dït këtuc, yen kërɛɛc lɔ dɔkdɔk, ë duëër päär. Abï ŋuäl dïït ceŋ wɛ̈ɛ̈r nɔ̈k.

Yith 65:25

Aŋuööth ku thök abïk aa cam ëtök, kɔ̈ɔ̈r abïk nyuäth ë wal cï ɣɔ̈k ku karɛc ee mol piny acïï ke bï bɛ ya diɛɛr në wurïï. Në Dhiɔn kuurdiën ɣeric nɔm, abï ciën kë bïï kɔc bɛ riɔ̈ɔ̈c në biäk de karɛc.”

Edhekiɛl 28:16

Yïn aa lui ke yï ɣöc ku ye käŋ ɣaac, ku kënë acï yïn thɛl në akuöörkuöör yic ku kërac. Guɔ yïn cuɔp wei bä kuurdiën ë Nhialic nyääŋ piny, go tunynhial ee yïn gël yïn cuat wei në kur ke mac lɔ̈m.

Math 13:39

ku raan de ater raan ë weer keek ee jɔŋdït rac, ku kööl ë tëm yen aye thök de piny de ënɔɔnë, ku kɔc tëm kek aye tuunynhial.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Math 4:1

Na wën, ke Yecu thel Wëidït leerë jɔ̈ɔ̈ric, le them ë jɔŋdït rac.

Math 4:10

Go Yecu yɔ̈ɔ̈k an, “Nyai, Catan, acï gɔ̈ɔ̈r an, ‘Ye Bɛ̈nydït Nhialicdu lam, ku yen ee luööi etök.”’

Math 4:5

Na wën, ke leerë jɔŋdït rac pänydït ɣeric, ku tɛ̈ɛ̈u nhial ë Luaŋdït nɔm,

Math 4:8

Go jɔŋdït rac lɛɛr ë kuurdït nɔm, kuurdïït cï nɔm ɣet ya, ku nyuth ciɛɛŋ ke piny nɔm ëbɛ̈n kekë dhuëëŋden,

Luk 10:18

Go ke yɔ̈ɔ̈k an, “Yɛn ë Catan tïŋ ke lööny piny paannhial cït man ë wilëdeŋ.

Luk 13:16

Ku na tiiŋë, nyan ë Abraɣam, nyan cïï Catan mac, dï, ë run kathiëër ku bɛ̈t, cïï duëërë lony ë jonh mɛc en ëkööl ë Thabath?”

Luk 22:3

Na wën, ke Catan lɔ ë Judath piɔ̈u, rinkɛn kɔ̈k acɔlke Yithkariɔt, ku ye raan töŋ ë kɔc kathiëër ku rou yiic.

Luk 22:31

“Na wën, ke lueel Bɛ̈nydït an, “Thimon, tïŋ, Catan acï we kɔɔr arëët luɔi bï en we nööm, bï we kïïc cït man ë agamɔ:

Luk 8:12

Ka nu ë kueer këc kek aye kɔc ee jam piŋ, na ëlë ke jɔŋdït rac bɔ̈, bïï ku jɔt jam ë kepiɔ̈ɔ̈th, ke ke cïï bï gam ago ke kony wëi.

Jɔn 12:31

Löŋ ë pinyë nɔm aguiir ënɔɔnë: bɛ̈nydït ë pinyë nɔm abï ciɛɛc biic ënɔɔnë.

Jɔn 14:30

Ëlë, yɛn cïï bï bɛ jam wo week arëët: bɛ̈ny ceŋ pinyë nɔm abɔ̈, ku acïn këdɛn nu tëde yɛn,

Jɔn 16:11

në këde guiëërëlöŋ, luɔi cï löŋ de bɛ̈ny ceŋ pinyë nɔm thök ë guiëër.

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Luɔi 5:3

Go Petero lueel an, “Anania, eeŋö cï Catan yï thiɔ̈ɔ̈ŋ piɔ̈u aya, bä Wëidït ɣer bɛ̈n tɔ̈ɔ̈r lueth, ku cï biäk tök both në wëu ke dom?

Romai 16:18

Kɔc cït keek acïkï Bɛ̈nydan Yecu Kërtho ee luööi, ee keyiic kek luuikï, ku ayek kɔc cïn piɔ̈ɔ̈th kërac math piɔ̈ɔ̈th në wël mit luelkï, ayï wëŋ ee kek kɔc wëŋ.

Romai 16:20

Ku Nhialic de mät abï Catan dap tɔ dum ë wecök piny. Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke week. Amiin.

2 Kor 11:14

Ku acie kake gäi en ee kënë! Catan guöp ee rɔt puk tɔ rɔt ë tuny ë ɣɛɛrëpiny tunynhial!

2 Kor 11:3

Ku yɛn riɔ̈c, luɔi bï en dɛ të bä wek piɔ̈ɔ̈th riääk, cït man cï kërac Ɣawa math në ruëënyde, aguɔkï piɔ̈ɔ̈th cuö bɛ aa tök, ku cäkï piɔ̈ɔ̈th be lɔ wai në Kërtho.

2 Kor 12:7

Ku luɔi cän rɔt tɔ dït ë dït cïï piɛth, në biäk de ka juëc göök cï nyuöth ɛn, yen aa yïkë ya guöp kou kon nu ë rïŋic, ee tuny ë tuucë Catan bï yɛn aa biɔ̈ɔ̈k guöp, ke ya cïï rɔt bï tɔ dït ë dït cïï piɛth.

2 Kor 2:11

ke Catan cïï bï dɛ të bï en wo wöör: ruëënyde acuku kuc, aŋicku.

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

Epethiei 4:14

Ke wo cïï bï bɛ aa mïth thiiakäŋ, mïth ee yom miaŋ ëbɛ̈n, leer ke tɛ̈ɛ̈n ku leer ke tɛ̈ɛ̈n, yom de wëët ë kɔc, në math mɛthë kɔc kɔc ë ruëëny, ku cäp kithic ee kek kɔc math.

2 Theth 2:3

Ë cïn raan ee we math, acakaa yen ë mɛth week ë ŋö: köölë acïï bï kɔn bɛ̈n, të ŋoot ë dɔk ke kën bɛ̈n, dɔ̈ŋ ee kɔc röt dak ciëën, ku të kënë raan rac ëtaiwei rɔt guɔ nyooth, yen aye wën ë riääk ëliŋliŋ.

1 Tim 2:14

Ku Adam akënë math, ee tik en ë mɛthë, a le en ë këracic.

2Tim 3:13

Ku kɔc racpiɔ̈ɔ̈th ku kɔc ee käŋ töör, racden abï lɔ ke ŋuak rɔt, abïk kɔc aa math, ku mɛthë keek aya.

Ɣeberuu 2:14

Wok ee kɔc de gup rïŋ ku riɛm. Ku Yen aya, ade guöp cï wook. Yen kë ë tɔ Yen ee raan töŋ ë woyiic ka, ku kën ë looi Yen ee kënë ee luɔɔi bï Yen jɔŋdït rac riɔ̈ɔ̈k në thonde, raan nu riɛl ë thuɔɔu ë yeciin.

1 Pet 5:8

Yak röt tiit, yak yïn: raan de ater ke week, yen aye jɔŋdït rac, ee cool ë ciɛɛth piny, cït man ë köör ee kïïu, ke ye raan bï cuääl kɔɔr.

1 Jɔn 5:19

Aŋicku nɔn ee wok kɔc ke Nhialic, ku nɔn tɔ̈uwë piny nɔm ëbɛ̈n ë këracic.

Juda 1:9

Ku Maikɔl bɛ̈ny nu ë tuucnhial nïïm, ɣɔn teer en kekë jɔŋdït rac, tëërkï guöp de Mothe, akën nyin riɛl bï jɔt ɣɔn gɔɔny en en, aa luel tei an, “Ee Bɛ̈nydït en bï yï jɔ̈ɔ̈ny!”

Nyuuth 12:12

Yen miɛt we piɔ̈ɔ̈th, wek bɛ̈i nhial, ku wek kɔc tɔ̈u thïn. Amawoou ë piny nɔm ku wɛ̈ɛ̈r: ë luɔi cï jɔŋdït rac lɔ piny të nuö wek, ke cï gɔ̈th aläl, wën ŋic en en nɔn cï akööl liaakäŋ döŋ tëde yen.

Nyuuth 12:3

Na wën, ke gök däŋ gɛ̈iyë tiëc paannhial, ŋuäldïït thith ka, ŋuäl de nïïm kadhorou ku tuŋ kathiëër, ku ceŋ dhor kadhorou ë nïïmke.

Nyuuth 12:7

Na wën, ke tɔŋ biɔ̈k paannhial: Maikɔl kekë tuuckɛnnhial acïk biök ë ŋuäldït, ku biɔ̈k ŋuäldït kekë tuuckɛnnhial,

Nyuuth 12:8

agokï ke cuö tiaam, ku acïn tëdɛn cï rɔt bɛ yök paannhial.

Nyuuth 13:14

Ku ye kɔc rɛ̈ɛ̈r ë piny nɔm math në baŋ de göök gɛ̈iyë cï gäm en bï ke looi ë lɛ̈n rac nɔm, ee kɔc rɛ̈ɛ̈r ë piny nɔm yɔ̈ɔ̈k, an, bïk këdäŋ cuëëc kë cït guöp lɛ̈n rɛɛc wään cï yiëk tëtök në abätäu, ku acï pïïr.

Nyuuth 16:14

ayek atïptïïp ke jɔɔk rac, atïptïïp ee göök gɛ̈iyë looi, ku lekï biic lek të nu meliik ke piny nɔm ëbɛ̈n, lek ke kut nïïm në këde tɔŋ, tɔŋ de kööldïït ë Nhialic Awärjäŋ.

Nyuuth 18:2

Go cööt arëët ë röl dït, an: “Babilon dït acï wïïk, acï wïïk, ka cï aa panɔm de jɔɔk rac, ku ye të cï atïptïïp ke jaak nhiany mac thïn ëbɛ̈n, ku mɛcë diɛt rac nhiany thïn ëbɛ̈n aya.

Nyuuth 18:23

ku ɣɛɛr ë manyëalath acïï piny bï bɛ aa riaau ë yïyic ëtaitai, ayï röl ë monythiëk kekë nyan thiak acïï bï bɛ aa piŋ ë yïyic ëtaitai: ajalɛɛpku aake ye bänydït ke piny nɔm, ku ë adhuɛ̈ɛ̈thdu en aaye juöör math ëbɛ̈n!”

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 2:13

Yɛn ŋic luɔidu, ku ŋiɛc të tɔ̈u yïn thïn, yen të nu thööny ë Catan, ku yïn ee rinkï döt ë muk, ku kɛ̈në gäm gɛm yïn ɛn jai, acakaa kööl ɣɔn nu Antipa cäätɔdiën adöt, raan cï nɔ̈k ë weyiic, të ye Catan rëër.

Nyuuth 2:24

“Ku wek yɔ̈ɔ̈k, ku yɔ̈ɔ̈k kɔc kɔ̈k nu Thuatira, të de en kɔc cïï wëëtë ee muk, kɔc kuc kathuth ke Catan, acït man ee kek e lueel, wek yɔ̈ɔ̈k, an, Acïn kethieek däŋ bä tääu ë weyiëth.

Nyuuth 2:9

Yɛn ŋic luɔidu, ku ŋiɛc katuc ee yïn dhal, ayï kuany cï yïn nyin kuany (ku yïn cï bäny), ku ŋiɛc lɛ̈ɛ̈t rɛɛc de kɔc ee ye lueel, an, yek Judai, ku cïkï ye Judai, ku yek luaŋ de Catan.

Nyuuth 20:10

Ku cuɛtë jɔŋdït rac ee keek math ë baaric baar ë mac ku thulpur, të nu lɛ̈n rac kekë tiët alueeth thïn, ku abï ke leeŋ wëi aköl ku wakɔ̈u aɣet athɛɛr ya.

Nyuuth 20:8

ku abï lɔ biic le juöör math juöör nu ë piny biäk ee yic ŋuan, Gok ku Magɔk, le ke kut nïïm në këde tɔŋ: kɔc cït ë kuënden liɛɛt ë abäpdit.

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.

Nyuuth 9:1

Na wën, ke tunynhial ee kek dhïc koth kaaŋde, aguɔ kuel cï lööny piny nhial tïŋ: ku acï gäm mukthäär de adhum thuth cïï thar tiëc.

Nyuuth 9:20

Ku kɔc cï döŋ, kɔc kënë jɔɔkkë nɔ̈k, aŋootkï ke ke kën kepiɔ̈ɔ̈th puk në luɔidɛn yek looi ë kecin, ke ke cïï jɔɔk rac bï aa lam, ayï ka cï cuëëc ë adhääp, ku ateek, ku maläŋ, ku kuur, ku tim, ka cie daai, ku cïkï ye piŋ, ku cïkï ye cath: