Nyuuth 12:8 - JAM DE NHIALIC 2011

⁸ agokï ke cuö tiaam, ku acïn tëdɛn cï rɔt bɛ yök paannhial.

Nyuuth 12:8 Iomraidhean Croise

Jop 20:9

kɔc ë cï yen kɔn tïŋ acïkï yen bï bɛ nyɔk ë tïŋ, ayï kɔc rɛ̈ɛ̈r ë yen.

Jop 7:10

Acie bɛ bɛ̈n ɣönde, ku kɔc ŋic en ayek nïïm määr në yen.

Jop 8:18

Ku na cï ke nyuän thäär biic tëden, ka bï dom ke jai an, wek kɛ̈n kɔn tïŋ ee tënë.

Diɛt 129:2

“Të wään ee yɛn meth, kɔc ke aterdï acïk yɛn yɔŋ arac, ku akënkï yɛn tiaam.

Diɛt 13:4

Du bï tɔ lueel ë kɔc ke aterdï an, “Acuk tiaam.” Du ke bï tɔ mitpiɔ̈ɔ̈th në löny cän löny.

Diɛt 37:10

Kɔc rac abïk dap riäär ëthiäu, abäk keek aa kɔɔr, ku acäkï keek bï yök.

Jeremia 1:19

Ku ee köölë yïn bä gäm riɛl bï yïn ke lëu, yïn bï ciët pänydïït cï gël ë mën ë wëëth, ku ciëtë päny de maläŋ. Acïkï yïn bï tiaam, në biäk bä Yɛn tɔ̈u wo yïn ke yï gɛ̈l. Acä lueel, Yɛn Bɛ̈nydït.”

Jeremia 5:22

Ee Yɛn ee Bɛ̈nydït, eeŋö cä wek ee riɔ̈ɔ̈c ë Yɛn? Eeŋö cïï ë week ee lath ë yanɔm? Yɛn cï liɛɛt tɔ yë aken de wɛ̈ɛ̈r, aken kääc tëde cïï duëërë teem kɔ̈u. Wɛ̈ɛ̈r aduëër amaŋ looi, ku acïï duëër lɔ ë baŋtui, apiöök aduëër rɔt looi, ku acïï duëër dhoŋ kɔ̈u.

Math 16:18

Ku yïn yɔ̈ɔ̈k, yïn Petero, yïn ee kuur, ku yɛn bï ɣön ë Nhialicdï yïk ee kuurë nɔm, ku acïn riɛl ë paan ë thuɔɔu bï yen tiaam.

Luɔi 1:25

raan bï biäk de luɔiyë lɔ̈ɔ̈k nööm, ku bï aa tuc ë nyin ë Judathic, raan cï bɛ̈n bei në wäc cï en käŋ wööc, ago lɔ tëde guöp.”

Juda 1:6

Ayï tuucnhial tuuc ɣɔn reec tɔ̈u ë ciɛɛŋic ciɛɛŋ ë ciɛkë ke thïn, ku jɔkï paandɛn ee kek rëër thïn pɔ̈l, keek aake cïï Nhialic mac tëcol në jonh bï tɔ̈u athɛɛr bïk kööl dïït ee guiëërëlöŋ tiit.

Nyuuth 12:11

Gokï tiaam në riɛm de Nyɔŋamääl, ku në jamdɛn cïk lueel ke ke ye cäätɔɔ, ku kënkï wëiken tak a thou kek.

Nyuuth 12:7

Na wën, ke tɔŋ biɔ̈k paannhial: Maikɔl kekë tuuckɛnnhial acïk biök ë ŋuäldït, ku biɔ̈k ŋuäldït kekë tuuckɛnnhial,

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.