Nyuuth 12:2 - JAM DE NHIALIC 2011

² ku amäl guöp, en ee tiiŋë: go dhiau, në rɔ̈p cï e rɔ̈ɔ̈p, ku në rɛ̈m ë dhiënh dhiëëth en.

Nyuuth 12:2 Iomraidhean Croise

Yith 26:17

Bɛ̈nydït Yïn ë wo tɔ dhiau, cït man ye tiiŋ dhiëth dhiau në arɛɛm.

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Yith 54:1

Jeruthalem yïn cï ciët tiiŋ cïn meth, ku ënɔɔnë yïn duëër ket ku wuou në miɛtëpiɔ̈u. Ënɔɔnë yïn bï dɛk mïth juëc, awär tiiŋ kën ë monyde kɔn pɔ̈l!

Yith 66:6

Piɛŋkï! Awuɔɔu dïït nu ë pänydït yic, awuɔɔu ee bɛ̈n Luaŋdït, ee röl de Bɛ̈nydït lui yen kɔc ke aterde këtuc!

Maika 4:9

Ku ënɔɔnë, eeŋö tɔ we dhiau arëët aya abäk ciët ka cïn nïïm melik? Cï raan ee we riit piɔ̈ɔ̈th thou? Eeŋö tɔ we dëŋ aya, abäk ciët tiiŋ rɔ̈p?

Maika 5:3

Në biäk de ee kënë, Bɛ̈nydït abï kɔcke kɔn päl wei, agut të bïï tiiŋ rɔ̈p kɔn dhiëth, ku kɔn kɔckɛn cï döŋ apïïr kenïïm puk, bïk bɛ̈n mat në Yithriɛl.

Math 24:8

Ku kakë kedhie acïtkï kɛ̈c ee tik käc të kɔɔr en dhiëth.

Jɔn 16:21

Tik, të kɔɔr en dhiëth, ee piɔ̈u dhiau nɔn cï köölde bɛ̈n: ku të cï en däk, ka cïï tuöcdepiɔ̈u wën be tak, në biäk de miɛt cï en piɔ̈u miɛt luɔi cï raan dhiëëth ë piny nɔm.

Galatai 4:19

Wek mïthkiën thiikë, yɛn ë bɛ rɔ̈ɔ̈p ë dhiënhdun, aɣet të bï Kërtho cuëëc ë weyiic.

Galatai 4:27

Luɔi cï e gɔ̈ɔ̈r an, “Mit piɔ̈u, yïn tiiŋ rol, tiiŋ cie dhiëth! Ɣɔ̈ɔ̈rë yïröl piny, cöt arëët, yïn tiiŋ cie rɔ̈ɔ̈p! Mïth ke tiiŋ thuööm awärkï mïth ke tiiŋ de monyde aläl.”

Nyuuth 12:4

Ku thel biäk töŋ ë kuɛl nhial ë yeyɔ̈l, biäk wën ee kek diäk, go ke cuat ë piny nɔm: ku kääc ŋuäldït ë tik nɔm tiiŋ kɔɔr dhiëthë, ke bï mɛnhë cuääl, të cï en e dhiëëth.