Nyuuth 12:14 - JAM DE NHIALIC 2011

¹⁴ Go tik gäm wuök kaarou, wuök ke gök ë aduŋuɛɛt, bï en ke kat ë ŋuäl nɔm, le jɔ̈ɔ̈ric, tëde, të bï e muk thïn ë ruöön tök, ku run kaarou, ku biäk ë ruöön.

Nyuuth 12:14 Iomraidhean Croise

Diɛt 55:6

Adï ja nɔm dɛ wuök cït guuk, guɔ päär ke ya lɔ lɔ̈ŋ.

Bɛ̈n 19:4

“Acäk tïŋ kë cä luöi kɔc ke Rip Yɛn Bɛ̈nydït. Ku tiëŋkï luɔi cän week ɣääc cït man ye cuɔɔr mïthke ɣääc në ye wuök. Ku luɔi cän week bɛ̈ɛ̈i të nu Yɛnë.

Yith 40:31

Ku kɔc ee kuɔɔny ŋɔ̈ɔ̈th tëde Bɛ̈nydït abïk riɛlden yök ke cï ŋuak nyin. Abïk röt bɛ jat nhial në kewuök cï cor, abïk aa kat ku cïkï däk, abïk aa cath ku cïkï bäp.

Danyel 12:7

Ago tunynhial ceŋ lupɔ ɣer kääc në kiir nɔm, ciin cuëc ku ciin cam yaak nhial, ku kuëëŋ në rin ke Nhialic Pïïr Athɛɛr. Acä piŋ ke lueel an, “Abïï ya run kadiäk ku biäk. Të bïï yaaŋ de kɔc ke Nhialic thök, kakë kedhie abïk röt dhil kɔn looi.”

Danyel 7:25

Abï jam rac luɛɛl ë Nhialic dït guöp, ku abï kɔc ke Nhialic yɔŋ. Abïï them në luɔi bï yen löŋdɛn ë lɔ̈ŋ wel yiic, ayï lööŋken ayï akööl ke dhuëëŋken, ku abï kɔc ke Nhialic cieŋ në run kadiäk ku pɛ̈i kadhetem.

Danyel 8:14

Guɔ tunynhial piŋ ke bɛ̈ɛ̈r an, “Abï rɔt looi në aguum kaarou ku bot kadiäk 2,300 ke thɛ̈i yiic ku miäk yiic, aköölkë abïk yiic ciën miɔ̈c näk bïï gam. Ëtɛ̈ɛ̈n tëɣeric abï bɛ guiir.

Nyuuth 12:6

Ku jɔ tik kat ke lɔ ë jɔ̈ɔ̈ric, jɔ̈ɔ̈r de yic tëdɛn cïï Nhialic guik thïn, ke bï muk ëtɛ̈ɛ̈n agum töŋ de nïn ku bot kaarou ku thiërdhetem 1260.

Nyuuth 17:3

Go ya jɔt leer en ë jɔ̈ɔ̈ric në Wëidït: ku ja tik tïŋ ëtɛ̈ɛ̈n, ke rɛ̈ɛ̈r ë lɛ̈n rɛɛc thith kɔ̈u, lɛ̈n cï kɔ̈u thiäŋ ke rin ke lɛ̈ɛ̈t rac, ku ciɛth ke nïïm kadhorou, ku tuŋ kathiëër.