Nyuuth 12:10 - JAM DE NHIALIC 2011

¹⁰ Guɔ röl dït piŋ, röl jam paannhial, lueel, an, “Kunydewëi ë bɛ̈n ënɔɔnë, ku bɔ̈ riɛldït, ku ciɛɛŋ de Nhialic, ku riɛl ë Kërthode, në cuɛt wën cï raan ë mïthëkɔckuɔ gaany cuat piny raan ë keek gaany ë Nhialicda nɔm aköl ku wakɔ̈u.

Nyuuth 12:10 Iomraidhean Croise

1 Lëk 29:11

Bɛ̈nydït, Yïn dït, ku yïn ril, ku yïn de dhuëëŋ, ku yïn de tiëm, ku yïn de diɛk. Në biäk ye ka tɔ̈u paannhial kedhie ku ka tɔ̈u piny kedhie kaku, ku ciɛɛŋ ee këdu Bɛ̈nydït, ku Yïn tɔ̈u nhial në käŋ nïïm kedhie.

Jop 1:11

Ënɔɔnthiinë, riɛnyë Yïciin tueŋ da, ku jak këriëëcdɛn tɔ̈u ke yen, abï Yï lat ë Yïnyin!”

Jop 1:9

Go Catan pɔ̈k nɔm En an, “Duëër Jop Yï riëëu të cïn en kë bïï yök thïn?

Jop 2:5

Ënɔɔnthiinë, riɛnyë Yïciin tueŋ da, ku jak yuɔɔmde ku guöpde, abï Yï lat ë Yïnyin”

Diɛt 22:28

Bɛ̈nydït ee melik, ka ee yen ee bɛ̈ny de juöör.

Diɛt 45:6

Thöönydu ee thööny de Nhialic, abï tɔ̈u aɣet athɛɛr. Thienyduön de yith yen abï ya thieny de bäänydu,

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Math 26:64

Go Yecu lueel an, “Acï tiiŋic, ku wek yɔ̈ɔ̈k aya an, Ëkööl wadäŋ, ke we bï Wën ë Raan tïŋ arɛ̈ɛ̈r ë baŋ cuëny de Riɛldït, ku bïï ë luäät nïïm luäät nhial!”

Math 28:18

Go Yecu bɛ̈n, bïï ku yöök keek an, “Riɛl ëbɛ̈n acï gäm ɛn paannhial ayï piny nɔm.

Math 6:10

Tɔ ciɛɛŋdu bɔ̈, Tɔ këdu piɔ̈ndu ee looi ë piny nɔm, Acït man ë ye looi paannhial.

Luk 11:2

Go ke yɔ̈ɔ̈k an, “Të ya wek lɔ̈ŋ, ke yak lueel an, ‘Wäärda nu paannhial, tɔ rinku riëëuwë. Tɔ ciɛɛŋdu bɔ̈. Ye këde piɔ̈ndu tɔ loi ë piny nɔm, cït man ee ye looi paannhial.

Luk 22:31

“Na wën, ke lueel Bɛ̈nydït an, “Thimon, tïŋ, Catan acï we kɔɔr arëët luɔi bï en we nööm, bï we kïïc cït man ë agamɔ:

1 Kor 5:4

an, në rin ke Bɛ̈nydan Yecu Kërtho, të cä wek guëër ëtök, week në wëikï, ku në riɛldïït ë Bɛ̈nydït Yecu Kërtho,

2 Kor 12:9

Go lɛ̈k ɛn an, “Dhuëëŋ de yɛnpiɔ̈u ee yï kiët: riɛldiën dït aye tɔ ye dikëdik në kɔ̈c kɔ̈ɔ̈cë raan.” Yen abän rɔt aa leec ke ya mit piɔ̈u aläl në kɔ̈c aa yɛn guöp kɔ̈c, ke riɛldït ë Kërtho bï rëër ë yaguöp.

Tito 2:3

Yen abï yïn diëër dït yɔ̈ɔ̈k aya an, bïk aa tɔ̈u ë täu de kɔc ɣerpiɔ̈ɔ̈th, ke ke cïï bï aa mantuum, ku cïkï bï aa lïïm ke mɔ̈n dït, abïk aa kɔc ee wëët ë këpiɛth,

1 Pet 5:8

Yak röt tiit, yak yïn: raan de ater ke week, yen aye jɔŋdït rac, ee cool ë ciɛɛth piny, cït man ë köör ee kïïu, ke ye raan bï cuääl kɔɔr.

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 2:26

Ku raan ë tiam, raan ë luɔidï döt athöökë käŋ, yen abä gäm riɛl ë juöör nïïm:

Nyuuth 7:10

Ku cötkï ë röl dït, an, “Kunydewëi ë tɔ̈u ke Nhialicda, Raan rɛ̈ɛ̈r ë thöönydït nɔm, ku tɔ̈u ke Nyɔŋamääl!”