Nyuuth 11:6 - JAM DE NHIALIC 2011

⁶ Kɔckë adekï riɛl bï kek tënhial thiöök, ke cïn deŋ bï tuɛny ë akööl ke guiëërdɛn ee kek këden guiir: ku ciɛthkï në riɛl ë piëëu nïïm puk kek keek abïk aa riɛm, ku duikï piny ë jɔɔk ëbɛ̈n, ë duidɛn ë kepiɔ̈ɔ̈th.

Nyuuth 11:6 Iomraidhean Croise

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

Luk 4:25

Ku wek lɛ̈k yic an, Diëër abɛɛr juëc aake nu paan ë Yithriɛl ɣɔn nu Elija, ɣɔn cï tënhial thiöök ë run kadiäk ku pɛ̈i kadhetem, ku nu cɔŋ dït ë piny nɔm ëbɛ̈n.

Nyuuth 11:3

Ku yɛn bï cäätɔɔkï kaarou gäm riɛl, ku abïk këden aa guiir agum töŋ de nïn ku bot kaarou ku thiërdhetem, ke ke ceŋ lupɔɔ ke cual.”

Nyuuth 16:3

Ku luuŋ renden gulde ë wɛ̈ɛ̈ric, go rɔt tɔ cït riɛm de raan cï thou, go ka pïïr ka de yiic wëi thou ëbɛ̈n, ka nu ë wɛ̈ɛ̈rdïtic.

Nyuuth 16:4

Go diëëŋden gulde luööŋ ë kiɛɛr yiic ku awɛɛŋ ke piëëu yiic, gokï aa riɛm.

Nyuuth 8:8

Na wën, ke tunynhial ee kek rou koth kaaŋde, ku jɔ kë cït kuurdït gök dɛ̈p ë mac cuat ë wɛ̈ɛ̈ric: go baŋ töŋ ë wɛ̈ɛ̈r baŋ wën ee kek diäk jɔ guɔ aa riɛm,

1 Tham 4:8

Amawoou në wook! Eeŋö bï wo jɔ luök në ee yiëth rilkë cin? Ee kek yiëth ɣɔn näk kɔc ke Rip në jɔ̈ɔ̈ric!