Nyuuth 11:19 - JAM DE NHIALIC 2011

¹⁹ Na wën, ke luaŋdïït ë Nhialic liep paannhial, go Athänduŋ de löŋ cï mac tïŋ luɛɛk, ku tul wilëdeŋ, ku kɔc röt, ku määrëdeŋ, ku nieŋ cï piny rɔt niɛŋ, ku gök de kɔɔi ë deŋ.

Nyuuth 11:19 Iomraidhean Croise

Diɛt 105:32

Ago amaŋdït kekë wilëdeŋ tuöc paanden, në nyin ë deŋ,

Diɛt 18:12

Ago deŋ kɔi, ku riau de mac aa bɛ̈n bei në wilëdeŋ nu ë yenɔm ku tëëk ë mɔ̈ɔ̈th de luätic.

Yith 28:2

Bɛ̈nydït ade nɔm raan ril ëtör cï kiëët bï keek bɛ̈n mak, raan bï ciët yom dïït put, ku cït amaŋ de deŋ, ku cït amool dïït bɔ̈ ke riŋ ku mool piny ëbɛ̈n.

Yith 29:6

Bɛ̈nydït de rɛm abï we luök në rel ye deŋ rel arëët ku lɛthë piny. Abï amaŋdïït ril kekë many dɛ̈p arëët tuööc,

Yith 30:30

Bɛ̈nydït abï röl ë dhuëëŋde tɔ piŋ ë raan ëbɛ̈n ku tɔ yök rac de agönhde. Abï dɛ lɔ̈k de mac, ku luändïït adur, ku rel ë deŋ, ku deŋ ë kɔɔi.

Yith 32:19

(Ku deŋ kɔɔi abï lööny piny rooric, ku pänydït abï tiɛɛr nɔm piny.)

Edhekiɛl 13:11

lɛ̈kë tït nɔn bïï pänyden wïïk. Yɛn bï deŋ tueny tuɔɔc. Deŋ kɔi abï lööny në yenɔm, ku put yom ril ë yeguöp.

Edhekiɛl 13:13

Ënɔɔnë kë lueel ë Bɛ̈nydït Awärjäŋ kï: “Në agönhdï yɛn bï yom dït tuɔɔc, ku wäl deŋ piny, ku deŋ kɔi ke ke bï päny jäp piny.

Edhekiɛl 38:22

Abä ke luöi këtuc në juäi ku kuëër de riɛm. Rel de deŋ ku deŋ kɔɔi, kedhie në mac ku thulpur, abïk röt wäl në yenɔm kekë remdɛn ë tɔŋ, ku rɛm ke tɔŋ ke juöör kɔ̈k tɔ̈u në biäkde.

Kuɛ̈n 10:33

Na wën, aa jäl kɔc ke Yithriɛl në kuur ë Bɛ̈nydït lɔ̈ɔ̈m, kuur ɣeric, acïk nïn kadiäk bɛ̈n nööm ke ke cath. Ku athänduŋde män ë Bɛ̈nydït ë keek bɛ̈n wat në ee nïnkë yiic kadiäk ke köör keek të bï kek lɔ piɔ̈ɔ̈t thïn.

Kuɛ̈n 4:15

Ku të cïï Aron kekë wɛ̈ɛ̈tke thök në kum kum kek tëɣeric kɔ̈u ku kaɣeriic kedhie, ka kɔc akuëthkï, ke dhiën ë Koɣath ë bɔ̈ ku kɛ̈p keek. Ku ë ke cïï kaɣeriic ke paany de mät jak. Na lek keek jak, abïk thou. Ee dhiën ë Koɣath yen abï kake paany de mät aa ɣääc.

Kuɛ̈n 4:5

Të kuëëth ë wut, Aron kekë wɛ̈ɛ̈tke abïk aa lɔ në paanyic thïn, ku dɛ̈kkï gëlgël bei në Athänduŋ de mät nɔm tueŋ, ku kum kek athänduk kɔ̈u

Jocua 10:11

Ku të wën riŋ ë kɔc ke Amor ke ke kɔt në kɔc ke Yithriɛl në Bethɣaron, Bɛ̈nydït ë deŋ dïït ë kɔɔi bɛ̈n tɔ tuëny keek agut cï Adheka. Kɔc juëc në keyiic acïï deŋ ë kɔɔi ke bɛ̈n nɔ̈k awär kɔc ë nɛ̈k kɔc ke Yithriɛl.

Nyuuth 11:13

Ku ë thaar manë guöp ke piny nieŋ rɔt arëët, go pänydït biäk tök wïïk biäk wën thiëër kek, ku näk aguum kadhorou de kɔc në nieŋ cï piny rɔt niɛŋ: na wën, ke kɔc cï döŋ ke ke riɔ̈c, agokï Nhialic de paannhial leec nɔm.

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 12:1

Na wën, ke gökdïït gɛ̈iyë tiëc paannhial, tik aceŋ akɔ̈l cït lupɔ, ku nu pɛɛi ë yecök, ku ceŋ göl ë dhuëëŋ ë yenɔm göl de kɔ̈u kuɛl kathiëër ku rou,

Nyuuth 16:1

Guɔ röl dïït ë raan piŋ, röl bɔ̈ bei luɛɛk, ayöök tuucnhial kadhorou, an, “Jälkï, lak luööŋkï ka nu ë guöl yiic ë piny nɔm, guöl ke agönh tuc ë Nhialic.

Nyuuth 16:18

Ku jɔ deŋ wil aläl, ku nu röt ke kɔc, ku määrëdeŋ, ku bɔ̈ niëŋ dïït nieeŋë piny rɔt, acïn kë cï kɔn ciët en ëcaŋɣɔn nu kɔc ë piny nɔm, yen dït ë niëŋ cï piny rɔt niɛŋ arëëtdïïtë!

Nyuuth 16:21

Ku lööny kɔi dït piny nhial löönykï ë kɔc nïïm, thiek de kɔi tök akït kekë cuaal bɔ̈ɔ̈ric: go kɔc Nhialic aa läät në baŋ de riääk de kɔi, riääk riëëk en piny adït aläldïïtë.

Nyuuth 19:11

Na wën, ke ya tïŋ paannhial aɣɔ̈ɔ̈r, na wën, ke jöŋgör akuur tul, ku raan rɛ̈ɛ̈r ë yekɔ̈u, acɔl Adöt ku cɔl Yic, ku ee piathëpiɔ̈u yen aye löŋ guiir ku yen aye tɔŋ lɛɛr.

Nyuuth 4:1

Na wën, aacï kakë thök, ke ya jɔt a nyin, guɔ paannhial tïŋ acï liep thok. Ku röl cä kɔn piŋ acït röl ë kaaŋ ke jam ke yɛn, lueel, an, Bä nhial tënë, ku yïn bä nyuöth ka bï dhil lɔ̈ɔ̈k tïc ë kakë cök.

Nyuuth 4:5

Ku bɔ̈ wilëdeŋ bei ë thöönydïtic ku määrëdeŋ ku kɔc röt. Ku nu mɛ̈ckealath kadhorou ke ke dɛ̈p ë thöönydït nɔm tueŋ, kek aye Wëi ke Nhialic kadhorou.

Nyuuth 7:15

Yen a tɔ̈u kek ë thöönydïït ë Nhialic nɔm, ku yek luööi aköl ku wakɔ̈u ë luaŋdɛndïtic. Ku Raan rɛ̈ɛ̈r ë thöönydït nɔm abï keek gël nïïm në täude.

Nyuuth 8:5

Na wën, ke tunynhial nööm thaŋ wën ee wal nyop thïn, ku jɔ thiɔ̈ɔ̈ŋ ë many de yïïŋ de läm, ku cuɛt ë piny nɔm, go kɔc röt tuöl, ku tul määrëdeŋ, ku wilëdeŋ, ku nieŋ cï piny rɔt niɛŋ.

Nyuuth 8:7

Go tunynhial tueŋ kaaŋde kooth, na wën ke kɔɔi de deŋ bɔ̈, kekë mɛ̈c cï liääp ë riɛm, ku cuɛtë keek ë piny nɔm: go baŋ töŋ de piny nɔm lɔ kuith piny ë nyop, baŋ töŋ wën ee kek diäk, ayï baŋ töŋ de tiim, ku lɔ wɛ̈ɛ̈l tɔ̈c kuith piny ë nyop ëbɛ̈n.