Nyuuth 11:13 - JAM DE NHIALIC 2011

¹³ Ku ë thaar manë guöp ke piny nieŋ rɔt arëët, go pänydït biäk tök wïïk biäk wën thiëër kek, ku näk aguum kadhorou de kɔc në nieŋ cï piny rɔt niɛŋ: na wën, ke kɔc cï döŋ ke ke riɔ̈c, agokï Nhialic de paannhial leec nɔm.

Nyuuth 11:13 Iomraidhean Croise

Cäk 6:4

Ku në aköölkë yiic agut cï kecök ciëën, jööt aake nu në piny nɔm. Ɣɔn cï wɛ̈ɛ̈t ke Nhialic lɔ në diäär, ku dhiëthkï mïth në keek. Ku ee kek aaye kɔc ril ɣɔn thɛɛr, ku aake tiëc rin aläl në kɔciic.

Yith 29:6

Bɛ̈nydït de rɛm abï we luök në rel ye deŋ rel arëët ku lɛthë piny. Abï amaŋdïït ril kekë many dɛ̈p arëët tuööc,

Jeremia 13:16

Riëëukï Bɛ̈nydït Nhialicdun, të kën En cuɔlëpiny guɔ bɛ̈ɛ̈i, ku wek ee guɔ kɔ̈th në kur, ke ŋoot ke kën cuɔlëpiny dït bɛ̈ɛ̈i tëde ɣɛɛrduön yak ŋɔ̈ɔ̈th.

Malakai 2:2

Aluɛɛl yɛn Bɛ̈nydït de rɛm an, “Wek yɔ̈ɔ̈k an, të kɛ̈n wek jamdï piŋ, ku kɛ̈nkï tääu në wepiɔ̈ɔ̈th ëgɔk, ago rinkï dhuëëŋ yök, we bä cieen, ku ciɛɛn kapiɛth ye kɔc ke yiɛ̈n week ɣön ë Nhialic. Ku ë yic, acä ke guɔ cieen, në luɔi kën kek jamdï tääu në kepiɔ̈ɔ̈th.

Jɔn 9:24

Gokï raan wën ee cɔɔr bɛ cɔɔl raanrou, ku yöökkï an, “Leec Nhialic, raanë aŋicku nɔn ee yen raan ë kërac looi.”

Luɔi 1:15

Ë aköölkë ke Petero jɔt rɔt ë kɔc yiic cil kɔcpiööcë (kuën ë rinken kedhie acït bɔt tök ku thiërrou),

Jocua 7:19

Go Jocua lɛ̈k en an, “Mɛnhdï luel yic në Bɛ̈nydït Nhialic de Yithriɛl nɔm, tɔ leec, ku gam awäc.”

Nyuuth 11:11

Na wën, ë nïn kadiäk ku biäk, ke wëi ke pïïr ë ke bɔ̈ tëde Nhialic bïk ku lek ë keyiic, ku jɔkï kɔ̈ɔ̈c ë kecök, go kɔc piɔ̈ɔ̈th päu arëët kɔc wën cï ke tïŋ.

Nyuuth 11:19

Na wën, ke luaŋdïït ë Nhialic liep paannhial, go Athänduŋ de löŋ cï mac tïŋ luɛɛk, ku tul wilëdeŋ, ku kɔc röt, ku määrëdeŋ, ku nieŋ cï piny rɔt niɛŋ, ku gök de kɔɔi ë deŋ.

Nyuuth 14:7

ku lueel ë röl dït, an, “Riëëukï Nhialic, ku lɛckï nɔm: thaar bï en löŋ guiir kï, cï bɛ̈në: jakï Raan lam Raan ë cak nhial ku ciɛk piny ku wɛ̈ɛ̈r ku awɛɛŋ ke piëëu!”

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”

Nyuuth 19:7

Jɔku piɔ̈ɔ̈th miɛt ku doorku, ku lecku nɔm, luɔi cï thiëŋ de Nyɔŋamääl bɛ̈n, ku tiiŋde acï rɔt guik.

Nyuuth 3:4

Ku yïn de kɔc töktöök Thardith, kɔc kën lupɔɔken tɔ col: ku kɔckë abïk aa cath në yɛn ëtök ke ke ceŋ lupɔ ɣer: luɔi piɛth kek.

Nyuuth 6:12

Na wën, ke ya jɔt anyin, të wën kuek en adöŋ ee kek dhetem bei, go piny rɔt niɛŋ arëët, go akɔ̈l cuɔl ëcut, cït cuaal cï cuëëc ë nhïm col, ku jɔ pɛɛi ciët riɛm liŋliŋ.

Nyuuth 8:5

Na wën, ke tunynhial nööm thaŋ wën ee wal nyop thïn, ku jɔ thiɔ̈ɔ̈ŋ ë many de yïïŋ de läm, ku cuɛt ë piny nɔm, go kɔc röt tuöl, ku tul määrëdeŋ, ku wilëdeŋ, ku nieŋ cï piny rɔt niɛŋ.

1 Tham 6:5

Cuɛ̈ckï gup ke kak ë riäk pinydun, ŋoiŋooi ke pii, ku cuɔl, ku dhuɛ̈ŋkï Nhialic de Yithriɛl guöp. Tɛk däŋ cïï we bï bɛ luöi këtuc në yiëthkun, ku pinydun.