Nyuuth 11:12 - JAM DE NHIALIC 2011

¹² Na wën, ke ke jɔ röl dïït bɔ̈ nhial piŋ, röl lueel en, an, “Bäkï nhial eenë!” Gokï lɔ paannhial ë luätic, ke ke woi kɔc de kek ater.

Nyuuth 11:12 Iomraidhean Croise

2 Mel 2:1

Na ɣɔn, ke kööl bïï ë Bɛ̈nydït Elija jat nhial në kɔɔr bɔ̈. Go Elija lɔ kekë Elica lek Gilgal,

2 Mel 2:11

Na wën, aa ŋootkï, ke ke cath, ke ke jam, go abël ë mac thel ë jöŋgöör ke mac tuöl ë thiäu, ku tek keyiic, go Elija lɔ paannhial në kɔɔr.

2 Mel 2:5

Go wɛ̈ɛ̈t tït ke Nhialic, nu ë Jeriko agokï bɛ̈n tëde Elica, ku yöökkï, an, “Ŋic nɔn bï Bɛ̈nydït, bɛ̈nydu nyaai ë yïnɔm ëköölë?” Go bɛ̈ɛ̈r an, “Ɣɛɛ, Aŋiɛc, miɛmkï.”

2 Mel 2:7

Go wɛ̈ɛ̈t tït kathiërdhïc lɔ Jordan ë kecök aya. Ago Elija kekë Elica kɔ̈ɔ̈c ë kiir yɔu, ku kääc tït kathiërdhïc tëmec ke keek ëmääth.

Diɛt 112:10

Kɔc rac ayek ee kënë tïŋ ku göthkï, ayek ke lec reem ku jiëlkï, kë ye kɔc rac kɔɔr ee kë cïn naamde.

Diɛt 15:1

Bɛ̈nydït eeŋa bï lɔ ɣöndu? Eeŋa duëër lɔ̈ŋ në Dhiɔn nɔm, kuurduön ɣeric?

Diɛt 24:3

Eeŋa duëër lɔ nhial në kuur de Bɛ̈nydït nɔm? Eeŋa duëër kɔ̈ɔ̈c tëdɛn ɣeric?

Diɛt 86:17

Bɛ̈nydït nyuöthë yɛn piathdu, ago kɔc ee yɛn man yäär, të le kek e tïŋ nɔn cïï Yïn ya gäm kuɔɔny kekë duöt de piɔ̈u.

Bɛ̈n 14:25

Ku riëëk cök ke abëëlkɛn ke tɔŋ, gokï cuök be cath apiɛth. Go kɔc ke Rip lueel an, “Bɛ̈nydït yen agɔ̈m ke wook, yen abiök tɔŋ ë Yithriɛl. Ka wook, wonyku röt eenë.”

Yith 14:13

Aa cï dhel ë yïpiɔ̈u bä kɛɛc nhial paannhial, ku bä thöönydu lɔ tääu nhial në kuɛl nïïm. Aa cï cät an bä lɔ nyuc cït melik në kuur de amatnɔm nɔm, biäk të lɔ rut të ye yiëth kenïïm mat.

Yith 40:31

Ku kɔc ee kuɔɔny ŋɔ̈ɔ̈th tëde Bɛ̈nydït abïk riɛlden yök ke cï ŋuak nyin. Abïk röt bɛ jat nhial në kewuök cï cor, abïk aa kat ku cïkï däk, abïk aa cath ku cïkï bäp.

Yith 60:8

Eeŋö ë ka cït abëël ee röt yɔɔk cït luät, acïtkï guk päär ke ke dɔk röt baai?

Malakai 3:18

Ku ëtɛ̈ɛ̈n, wek bï kë loi rɔt jɔ ŋic në kaam de raan ɣer piɔ̈u kekë raan ee karɛc looi, ku kaam de raan ee Nhialic luööi kekë raan cïï Nhialic ee luööi.

Luk 16:23

na wën, të rëër en paan ë thuɔɔu, ke ye leeŋ wëi, ku jɔ enyin jɔt, go Abraɣam tïŋ tëmec, ku tïŋ Ladharo ë yeyɔu.

Luɔi 1:9

Na wën, aacï kakë lueel, ke jɔtë nhial ke woikï, go luät thiaan ë kenyïïn.

1 Theth 4:17

na ëlë, ke wok kɔc pïïr, kɔc cï döŋ, wo bï gap nhial në keek ëtök ë luäät yiic, buk lɔ rɔ̈m në Bɛ̈nydït ë yomic: ku jɔku tɔ̈u në Bɛ̈nydït ëtök aɣet athɛɛr.

Nyuuth 12:5

Go mɛwä dhiëëth, mɛnh bï juöör cieŋ ëbɛ̈n ë thieny wëëth: go mɛnhde gap nhial leer të nu Nhialic, ku të nu thöönydɛndït.

Nyuuth 3:21

Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.

Nyuuth 4:1

Na wën, aacï kakë thök, ke ya jɔt a nyin, guɔ paannhial tïŋ acï liep thok. Ku röl cä kɔn piŋ acït röl ë kaaŋ ke jam ke yɛn, lueel, an, Bä nhial tënë, ku yïn bä nyuöth ka bï dhil lɔ̈ɔ̈k tïc ë kakë cök.