Nyuuth 11:1 - JAM DE NHIALIC 2011

¹ Go ya gäm aruöör cït wai: ku lueel, an, “Jɔt rɔt, them luaŋdït ë Nhialic, ku yïïŋ de läm, ku kɔc ee lam thïn.

Nyuuth 11:1 Iomraidhean Croise

Yith 28:17

Yic yen abï aa athëm de këërkëër, ku piathëpiɔ̈u yen abï aa pëk de thëm.” Amaŋ de deŋ abï tör ë lueth ya wek röt kan nap wei, ku amool mändun riɔ̈ɔ̈k.

Danyel 7:27

Bääny ku riɛldït de ciɛɛŋ ë pinynɔm ëbɛ̈n abïï gäm kɔc ke Nhialic dït. Ku riɛl de bäänyden acïï kɔ̈u bï tɛɛm ku bäny ke pinynɔm ëbɛ̈n abïk keek aa luööi ku rïïukï keek.

2 Kor 6:16

Ayï luaŋ ë Nhialic bï jam mat kekë yiëth adï? Ku week, wek aye luaŋ ë Nhialic pïïr, acït man cï Nhialic e lueel an, “Yɛn bï rëër ë keyiic, ku cath ë keyiic, ku yɛn bï aa Nhialicden, ku kek abï aa kɔckï.”

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

Nyuuth 10:11

Go a yɔ̈ɔ̈k, an, “Yïn bï jam dhil bɛ guiir ë kɔc juëc nïïm, ku juöör nïïm, ku kɔc jam ë thok mɛɛn nïïm, ku meliik nïïm.”

Nyuuth 21:15

Ku tunynhial wën jam ke yɛn aa muk wai ë adhääp bï en dït ë pänydït bɛ̈n them, ku them dït ë thook ke kal ku dït ë kalde.