Nyuuth 1:9 - JAM DE NHIALIC 2011

⁹ Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.

Nyuuth 1:9 Iomraidhean Croise

Math 20:23

Go ke yɔ̈ɔ̈k an, “We bï dek ë bïnydï në yic, ku we bï baptith ë baptinh cï a baptith, ku rëër ë baŋ cuënydï ku baŋ camdï acie këdiën bä yiɛ̈n kɔc, ee këde kɔc cïï wäär kɔn lueel an, bï aa këden.”

Mak 10:39

Gokï lueel an, “Aduëërku lëu.” Go Yecu ke yɔ̈ɔ̈k an, “We bï dek në bïny dɛ̈k ɛn thïn ë yic, ku baptith bï ya baptith, ke we bï baptith aya:

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Luɔi 1:15

Ë aköölkë ke Petero jɔt rɔt ë kɔc yiic cil kɔcpiööcë (kuën ë rinken kedhie acït bɔt tök ku thiërrou),

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Romai 8:17

Ku tën ee wok mïth, ke wo bï käŋ lɔ̈ɔ̈k lak, wok ee mïth bï ka ke Nhialic lɔ̈ɔ̈k lak, ku löökku käŋ rɔm ë Kërtho ëtök, na yok käŋ guum në yen ëtök, ke wo bï gäm dhuëëŋ ëtök.

Romai 8:25

Ku na ŋäthku ka kënku tïŋ, yen abuk aa tiit në piɔ̈n lir.

2 Kor 1:7

Ku aŋäth ŋäthku ë biäkdun ee yic agɔk, luɔi ŋic wok ee kënë an, acït man aa wek kɔc ë rɔm ëtök në muŋdepiɔ̈u aya.

Pilipoi 1:7

Ku apiɛth aya nɔn bän kënë thɔ̈ɔ̈ŋ ë yapiɔ̈u në këdun week wedhie, luɔi aa yɛn we tak ë yapiɔ̈u, në röm aa wek dhuëëŋ rɔm në yɛn ëtök wedhie, në mäny mɛcë yɛn ayï kuny aa yɛn wëlpiɛth kony ke ke bï kɔ̈ɔ̈c aril.

Pilipoi 4:14

Ku we ye këpiɛth looi tei, në män cä wek mat në yɛn ëtök në këtuc dhal ɛn.

2 Theth 3:5

Ë Bɛ̈nydït ë ye we dak piɔ̈ɔ̈th ë nhiëër ë Nhialicic, ku dɔk wepiɔ̈ɔ̈th ë liɛɛric liɛɛr ë Kërtho piɔ̈u.

2Tim 1:8

Yen du yïn ee yäär në jam de Bɛ̈nydïïtda jam ee cäätɔɔ lueel, ku du yäär në këdï yɛn ee raandɛn cï mac: ye katuc guum wekë yɛn ëtök në biäk de wëlpiɛth në riɛldïït ë Nhialic.

Ɣeberuu 10:36

Yak wepiɔ̈ɔ̈th muk, aguɔkï këde piɔ̈n ë Nhialic aa looi ku bäk ka cï kɔn lɛ̈k week yök.

1 Pet 5:1

Röördït nu ë weyiic kek yɔ̈ɔ̈k, ku yɛn ee monydït aya, ku ya cäätɔ de ka cïï Kërtho guum, ku ya raan bï dɛ këdï aya në dhuëëŋ bï rɔt nyuɔɔth rial an:

Nyuuth 1:1

NYUUTH de Yecu Kërtho, nyuuth cïï Nhialic gäm en, bï lïïmke bɛ̈n nyuöth ka bï dhil dap tïc: go tunydɛnnhial tuööc le lïmdɛn Jɔn lɛ̈k:

Nyuuth 1:2

raan cï aa cäätɔ luel jam ë Nhialic, ku jam yic de Yecu Kërtho, ku ka cï tïŋ kedhie.

Nyuuth 1:4

Yɛn Jɔn, awerek en gäär ɣööt ke Nhialic kadhorou nu Athia: Ë dhuëëŋdepiɔ̈u ë ye tɔ̈u ke week, ku mät, në ke bɔ̈ tëde Raan nu, ku aa nu, ku abï bɛ̈n, ku në kë bɔ̈ tëde Wëi kadhorou Wëi nu ë thöönyde nɔm,

Nyuuth 1:6

ku cï wo tɔ ye Meliik ku bäny ke ka ke Nhialic ë Nhialic Wun nɔm. Ë dhuëëŋ ë ye tɔ̈u ke yen ayï ciɛɛŋ aɣet athɛɛr ya! Amiin.

Nyuuth 11:7

Ku të cï kek këdɛn ee kek cäätɔɔ thöl ë luɛl, ke lɛ̈n rac lɛ̈n bɔ̈ biic ë adhum thuthic ke bï tɔŋ yiɛ̈n keek, ku jɔ ke tiaam, ku nɛ̈k keek abïk thou.

Nyuuth 12:11

Gokï tiaam në riɛm de Nyɔŋamääl, ku në jamdɛn cïk lueel ke ke ye cäätɔɔ, ku kënkï wëiken tak a thou kek.

Nyuuth 12:17

Go ŋuäl gɔ̈th ke tik, ku jɔ jäl le tɔŋ yiɛ̈n mïthkɛn cï döŋ, kɔc ee lööŋ ke Nhialic döt, ku ciɛthkï në gäm de Yecu Kërtho.

Nyuuth 13:10

Raan ë kɔc peec tɔŋ, ka bï peec tɔŋ aya: ku raan ë kɔc nɔ̈k ë abätäu ke bï dhil nɔ̈k ë abätäu aya. Ruöt ee kɔc ɣerpiɔ̈ɔ̈th kepiɔ̈ɔ̈th ruut kï, ku gäm ee kek gam kï.”

Nyuuth 14:12

Ruöt ee kɔc ɣerpiɔ̈ɔ̈th kepiɔ̈ɔ̈th ruut kï, kɔc ee lööŋ ke Nhialic döt, ku dötkï gäm cï kek Yecu gam.

Nyuuth 19:10

Guɔ rɔt cuat piny ë yecök, an, ja lam. Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë mïthëkɔckun ëtök kɔc ee ya cäätɔɔ ee jam de Yecu döt: ye Nhialic lam!” Wëi ke guiëërëwël kek aye cäätɔ luel këde Yecu.

Nyuuth 20:4

Na wën, ke ya tïŋ thöny, ku kɔc arëërkï ë kenïïm, ku acï ke gäm guiëër bï kek löŋ aa guiir: ku tiëŋ wëi ke kɔc wään cï kiëp nïïm wei në baŋ ee kek cäätɔɔ ke Yecu ku në baŋ de jam de Nhialic, ku kɔc ee lɛ̈n rac rɛɛc lam, ku reeckï këcïcuëëc ke cït guöp en lam, ku reeckï gäärde gam ë kenïïm tueŋ, ayï kecin, ku acïk bɛ pïïr ku yek piny cieŋ në Kërtho ëtök ë agum de run.

Nyuuth 3:10

Luɔi cï yïn jamdï muk jam de ruöt cän apiɔ̈u ruut, ke yïn bä muk aya në thaar ë thëm, thaar bï dap bɛ̈n ë piny nɔm ëbɛ̈n, bï kɔc tɔ̈u ë piny nɔm bɛ̈n them kedhie.

Nyuuth 6:9

Na wën, aacï adöŋ ee kek dhïc kuɛ̈k bei, ke ya tïŋ wëi ke kɔc ë yïïŋ de läm thar kɔc ɣɔn cï nɔ̈k ë baŋ de jam ë Nhialic ku në luɔi ee kek cäätɔɔ ë löŋ döt:

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.