Nyuuth 1:6 - JAM DE NHIALIC 2011

⁶ ku cï wo tɔ ye Meliik ku bäny ke ka ke Nhialic ë Nhialic Wun nɔm. Ë dhuëëŋ ë ye tɔ̈u ke yen ayï ciɛɛŋ aɣet athɛɛr ya! Amiin.

Nyuuth 1:6 Iomraidhean Croise

Bɛ̈n 19:6

Ku we ciɛɛŋ de bäny ke kake Nhialic tëde yɛn, ku yak jurdiën ɣeric. Kek wël bä ke lɔ lɛ̈k mïth ke Yithriɛl ka.

Yith 61:6

Ku wek bï jɔ ŋic ke we ye bäny ke kake Bɛ̈nydït, lïïm ke Nhialicda, we bï dhuëëŋ de kajuëc ke juöör cam Ku jakkï röt leec nɔn ye kek kakun.

Danyel 4:34

Go ë melik lueel an, “Na wën cï run kadhorou thök, guɔ nhial woi, go piɔ̈ndï rɔt puk, guɔ Nhialic dït piɔɔny, ku gäm riëëu ku dhuëëŋ raan ee pïïr athɛɛr. “Abïï piny cieŋ aɣet athɛɛr, ku ciɛɛŋde abï tɔ̈u aköölnyïïn ëbɛ̈n.

Danyel 7:14

Acï gäm riɛl, ku dhuëëŋ ku bääny de ciɛɛŋ, ago kɔc ke juöör ëbɛ̈n, ku kɔc ëbɛ̈n, ku thook ëbɛ̈n yen aa luööi. Riɛlde abï tɔ̈u aɣet athɛɛr ku ciɛɛŋde acïï kɔ̈u bï tɛɛm.

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

Jɔn 5:23

Ke kɔc ë ke bï Wënde aa riëëu kedhie, cït man ee kek Wääda riëëu aya, raan ë toc e.

Romai 11:36

Këriëëc ëbɛ̈n ee kake, ku aake bɔ̈ në yen, ku lek tëde yen. Ë dhuëëŋ tɔ̈u kekë yen aɣet athɛɛr! Amiin.

Romai 15:6

ke we bï Nhialic aa lɛc nɔm në piɔ̈n tök ku në thoŋ tök, yen aye Wun Bɛ̈nydan Yecu Kërtho.

Pilipoi 2:11

go liëp ëbɛ̈n Yecu Kërtho gam an, ee Bɛ̈nydït, ke Nhialic Wääda bï dhuëëŋ yök.

1 Tim 6:16

Yen etök, yen acath ke ciën thuɔɔu, ku ye rëër tëɣer të cïn raan duëër thiääk ke ye, Raan cïn raan cï ye tïŋ, ku cïï duëërë tïŋ aya: ëye tɔ̈u ke riëëu ku riɛldït aɣet athɛɛr ya. Amiin.

1 Pet 4:11

Raan guiir wël, ke ke guiir cït man ee kek wël ke Nhialic, raan loi ka ke kɔc ë looi në riɛl cïï Nhialic yiɛ̈n en: ke Nhialic bï dhuëëŋ yök në Yecu Kërtho ë këriëëcic ëbɛ̈n, Raan de nɔm dhuëëŋ ku ciɛɛŋ aɣet athɛɛr ya. Amiin.

1 Pet 5:11

Në ye tɔ̈u kekë dhuëëŋ ku riɛldït aɣet athɛɛr ya. Amiin.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.

Juda 1:25

Nhialic pelnɔm, cïn Nhialic ee kek rou, ku ye Konydan ë wëi në Yecu Kërtho Bɛ̈nydïïtda, ë dhuëëŋ ë ye tɔ̈u ke yen, ku dït, ku riɛl, ku bɛ̈ɛ̈ny, ɣɔn thɛɛr ya ayï ënɔɔnë, aɣet athɛɛr ya. Amiin.

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.

Nyuuth 20:6

Thieithieei në raan ɣeric raan röm ke kɔc ë jön tueŋic jön ë kɔnë kɔc rö jɔt: thon ee kek rou acïn naamde tëde kɔckë, ku abïk aa bäny ke kake Nhialic kekë Kërtho, ku abïk piny aa cieŋ në yen ëtök ë agum de run.

Nyuuth 4:11

“Ee kë rɔ̈ŋ ke yïn, yïn Bɛ̈nydït, luɔi bï yïn lɛc yök ku yök riëëu ku riɛldït. Ë luɔi cï yïn käŋ cak kedhie, ku në këde piɔ̈ndu yen anu kek, ku yen aa ciɛkë ke.”

Nyuuth 5:10

ku tɔ wook ee meliik ku bäny ke kake Nhialicda, ku wo bï piny cieŋ nɔm.”