Nyuuth 1:20 - JAM DE NHIALIC 2011

²⁰ ku cöök de këcïmoony, kï, cöök ë këde kuɛl kadhorou kuɛl cï tïŋ ë ciin cuënydï, ku kuc ke mɛ̈ckealath ë adhääp kadhorou. Kuɛl kadhorou ayek tuuc ke ɣööt ke Nhialic kadhorou: ku kuc ke mɛ̈ckealath kadhorou ayek ɣööt ke Nhialic kadhorou.

Nyuuth 1:20 Iomraidhean Croise

Bɛ̈n 25:37

Ku loi mɛ̈ckealath kadhorou, ku tääuwë keek në kë ye many alath cäp thar thïn ke ke bï tueŋ riaau.

Bɛ̈n 37:23

Agokï mɛ̈c ke many alath looi kedhie kadhorou në adhäm awai, ayï kë ye mac cuääny thok, ayï atɛ̈nyde.

Dhek 4:2

Na wën, ke lop an, “Eeŋö cï tiŋ? Guɔ puk nɔm an, “Ee manyalath cäp thar thïn yen cä tïŋ, kë cuëëc në adhääp. Ku ade nɔm abïny, ku mɛ̈c ke alath kadhorou në yenɔm, në wuökɛn ye ke cäp thäär thïn kadhorou.

Malakai 2:7

Ku bäny ke kake Nhialic kek arɔ̈ŋ bïk kɔc aa wɛ̈ɛ̈t në yith ke Nhialic. Ku kɔc aröŋkï bïk lɔ piŋ në wëët de wël ke Nhialic tëde keek, në luɔi ye kek tuny de Bɛ̈nydït de rɛm.

Math 13:11

Go pɔ̈k nɔm keek an, “Week, acï gäm week luɔi bä wek kacïthiaan ŋic ka ke ciɛɛŋ de paannhial, ku akënë gäm keek.

Luk 8:10

Go lueel an, “Acï gäm week ke we bï jam cï thiaan ŋic, jam de ciɛɛŋ de Nhialic: kɔc kɔ̈k aye ke wɛ̈ɛ̈t ë kɛ̈ŋ, luɔi bï kek aa daai, ku cïkï ë daai apiɛth, ku luɔi bï kek aa piŋ, ku cïkï käŋ ë yök yiic.

Romai 11:25

Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn.

Nyuuth 1:11

röl luel en an, “Yɛn ee Tueŋ ku ya Ciëën: Gäär kë cï tïŋ ë awerekic, ku tɔ yïnë ɣööt ke Nhialic nu Athia kadhorou: Epetho, ku Thumurna, ku Pergamo, ku Thuatira, ku Thardith, ku Piladelpia, ku Laodikia.”

Nyuuth 1:16

Ku aa muk kuɛl kadhorou ë ciin cuënyde: ku bɔ̈ abätäu bei ë yethok, abätäu moth ë thook kaarou: ku cït nyin akɔ̈l të ruel en aläl.

Nyuuth 1:4

Yɛn Jɔn, awerek en gäär ɣööt ke Nhialic kadhorou nu Athia: Ë dhuëëŋdepiɔ̈u ë ye tɔ̈u ke week, ku mät, në ke bɔ̈ tëde Raan nu, ku aa nu, ku abï bɛ̈n, ku në kë bɔ̈ tëde Wëi kadhorou Wëi nu ë thöönyde nɔm,

Nyuuth 17:5

ku ade rin cï gɔ̈ɔ̈r ë yenɔm tueŋ an, “KËCÏMOONY KA, Babilon DÏÏTË KÏ, MAN AKƆƆRRÖÖR KU YE MAN KANHIƐNY KE PINY NƆM.”

Nyuuth 17:7

Go tunynhial a thiëëc, an, “Eeŋö ë yïn gäi?” Yïn bä lɛ̈k jam de këcïmoony, në biäk de tik, ku në biäk de lɛ̈n rɛɛc ë ye ɣääc, lɛ̈n cath ke nïïm kadhorou ku tuŋ kathiëër.

Nyuuth 2:1

Gäärë tunynhial de ɣön ë Nhialic nu Epetho alë: Kakë aluel raan keek, raan muk kuɛl kadhorou ë ciin cuënyde, raan cath ë kuc ke mɛ̈ckealath ë adhääp kadhorou yiic cil:

Nyuuth 2:12

Ku gäär tunynhial de ɣön ë Nhialic nu Pergamo alë: Kakë aluel raan keek, raan muk abätäu moth ë thook kaarou:

Nyuuth 2:18

Ku gäär tunynhial de ɣön ë Nhialic nu Thuatira alë: Kakë aluel Wën ë Nhialic keek, raan cït nyin liem ë mac, ku cït cök maläŋ cï lɔ bilbil:

Nyuuth 2:5

Tak yïnɔm ë të wään lööny yïn thïn, ku puk yïpiɔ̈u, bä luɔi tueŋ wään looi, be, an, cïï e loi, ke yɛn bï dap bɛ̈n tëde yïn, bä ku nyaai manyalath tëde, të kën yïn yïpiɔ̈u puk.

Nyuuth 2:8

Ku gäär tunynhial de ɣön ë Nhialic nu Thumurna alë: Kakë aluel raan keek, raan tueŋ ku ye raan ciëën, raan ëcï thou, ku be pïïr:

Nyuuth 3:1

Ku gäär tunynhial de ɣön ë Nhialic nu Thardith alë: Kakë aluel raan keek, raan de Wëi ke Nhialic kadhorou, ku kuɛl kadhorou: Yɛn ŋic luɔidu, yïn cath we rin cït man ë kë pïïr, ku yïn cï thou.

Nyuuth 3:14

Ku gäär tunynhial de ɣööt ke Nhialic nu Laodikia alë: Kakë aluel Amiin keek, en aye cäätɔ adöt ku ye yic, gɔl ë cäŋ ë ciɛkë Nhialic käŋ:

Nyuuth 3:7

Ku gäär tunynhial de ɣön ë Nhialic nu Piladelpia alë: Kakë aluel raan ɣeric keek, raan yic, raan cath ke mukthäär ë Debid, raan ee ɣöt tueer, ku cïn raan bï e thiöök, ku ye ɣöt thiöök, ku cïn raan bï e tueer: