Nyuuth 1:18 - JAM DE NHIALIC 2011

¹⁸ Ku ya raan pïïr, yɛn aacï thou, ku tïŋ ya kï pïïrë aɣet wadäŋ thɛɛr, ku yɛn cath wo mukthɛ̈ɛ̈r ke thuɔɔu ku paan ë thuɔɔu.

Nyuuth 1:18 Iomraidhean Croise

Jop 19:25

Aŋiɛc ade Raan bï yɛn wɛ̈ɛ̈r bei, aŋiɛc nɔn pïïr En! Ku miäk le käŋ thäär adhöc, abï kɔ̈ɔ̈c në piny nɔm ëtënë ku kony ɛn,

Jop 38:17

De raan cï yï kɔn nyuöth athïn ë ɣön colic ë paan ë thuɔɔu?

Diɛt 18:46

Bɛ̈nydït apïïr! Pianykï Raan ë ya gël! Luɛɛlkï dït de Nhialic raan ë kony ɛn.

Diɛt 68:20

Nhialicda ee Nhialic de kuny de wëi, ku Bɛ̈nydït ee Bɛ̈nydïïtda, raan ë kony wook në thuɔɔuwic.

Yith 22:22

Abä gäm riɛl ëbɛ̈n në melik cök, käu de Debid. Abï mukthɛ̈ɛ̈r ke ɣön de luɔi muk, kë cï liep acïn raan bï ye guur, ku kë cï guur acïn raan bï ye liep.

Math 11:23

Ku yïn, Kapernaum, yïn cï jat nhial aɣeet yïn paannhial, ku yïn bï bɛ̈ɛ̈i piny aɣeet yïn paan ë thuɔɔu, tëë cï luɔi ril looi ë Thɔdom cït man cï ke looi ë yïyic, adï cï tɔ̈u aɣet cï ënɔɔnë.

Math 16:19

Ku yïn bä gäm mukthɛ̈ɛ̈r ke Ciɛɛŋ de paannhial, ku kë bä duut ë piny nɔm, abï tɔ̈u ke cï duut paannhial, ku kë bä lony ë piny nɔm, abï tɔ̈u ke cï lony paannhial, käŋ kedhie.

Luk 24:5

Na wën, ke ke päu piɔ̈th, abïk kenyïïn guöt piny, agokï ke thiëëc an, “Eeŋö kaar wek raan pïïr tëde kɔc cï thou?

Jɔn 11:25

Go Yecu lueel an, “Yɛn ee jönërɔt, kekë pïïr: raan gam ɛn, na ciɛk thou, ka bï pïïr:

Jɔn 14:19

Ë döŋ ke ye tëthiinakäŋ, ke kɔc ke piny nɔm ke ke cïï a bï bɛ tïŋ: ku wek ee ya tïŋ: pïïr piëër ɛn, yen abä wek pïïr aya.

Romai 6:9

Aŋicku nɔn cïï Kërtho bï bɛ thou, luɔi cï e guɔ jat nhial ë kɔc cï thou yiic, thuɔɔu acïï ye be aa cieŋ.

2 Kor 13:4

acakaa yen ë cï piäät ë tim cï rïïu nɔm kɔ̈u ke kɔ̈c guöp, ka pïïr ënɔɔnë në riɛl dïït ë Nhialic, riɛl nu tëde week.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Kolothai 3:3

Wek cï thou, dï, ku pïïrdun acï thiaan kekë Kërtho ë Nhialicic.

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

Ɣeberuu 12:2

Ku yok wonyïïn tääu në Yecu guöp, Yen woiku Bɛ̈ny cï gämda gɔl ku thöl. Aa cï gam në Yepiɔ̈u ëbɛ̈n luɔi bï Yen thou në thon ayäär, në tim cï rïïu nɔm kɔ̈u në biäk de miɛtëpiɔ̈u ŋic bï yök në thökde. Ku Yen ënɔɔnë arɛ̈ɛ̈r në ciin cuëëny de thööny de Nhialic nu nhial.

Ɣeberuu 7:16

Ku yen aa cïï lɔc në biäk de kuarken, aa lɔc në luɔi cï yen bï bɛ thou.

Ɣeberuu 7:25

Ku ënɔɔnë alëu Yen luɔi bï Yen kɔc ee bɛ̈n tëde Nhialic në kueerde aa cool ë kony En keek, ku Yen arɛ̈ɛ̈r ke pïïr ë Nhialic lɔ̈ɔ̈m aɣet athɛɛr.

Nyuuth 10:6

ku lueel gutguut në Raan pïïr aɣet athɛɛr ya, Raan ë cak nhial, kekë ka nu thïn kedhie, ku ciɛk piny kekë ka nu thïn kedhie, ku ciɛk wɛ̈ɛ̈r kekë ka nu thïn kedhie, an, “Acïn agääu bï bɛ nu!

Nyuuth 15:7

Go lɛ̈n tök ë läi kaŋuan yiic go tuuc kadhorou gäm guöl ë adhääp kadhorou guöl cï thiäŋ ë agönh ë Nhialic, Raan pïïr aɣet athɛɛr ya.

Nyuuth 2:8

Ku gäär tunynhial de ɣön ë Nhialic nu Thumurna alë: Kakë aluel raan keek, raan tueŋ ku ye raan ciëën, raan ëcï thou, ku be pïïr:

Nyuuth 20:13

Ku päl wɛ̈ɛ̈r kɔc cï thou nu ë yeyic, ku päl thuɔɔu ku paan ë thuɔɔu kɔc nu ë keyiic: go löŋden guiir ŋɛk ke këde luɔide ku ŋɛk ke këde luɔide.

Nyuuth 20:14

Ku cuɛtë thuɔɔu ku paan ë thuɔɔu ë baar ë macic. Thon ee kek rou kï ee kënë.

Nyuuth 3:7

Ku gäär tunynhial de ɣön ë Nhialic nu Piladelpia alë: Kakë aluel raan ɣeric keek, raan yic, raan cath ke mukthäär ë Debid, raan ee ɣöt tueer, ku cïn raan bï e thiöök, ku ye ɣöt thiöök, ku cïn raan bï e tueer:

Nyuuth 4:9

Ku të ye läike Bɛ̈nydït leec ku riëëukï ku luelkï, an, Thieithieei Bɛ̈ny rɛ̈ɛ̈r ë thöönydït nɔm Bɛ̈ny pïïr aɣet athɛɛr,

Nyuuth 5:14

Go läi kaŋuan lueel, an, “Amiin!” Ku cuɛt röördït röt piny lamkï.”

Nyuuth 6:8

Guɔ anyin jɔt, na wën, dï, ke jöŋgör kän linhakuur tul: ku rin ke raan rɛ̈ɛ̈r ë yekɔ̈u acɔlke Thuɔɔu, ku biɔth cök ë Paan ë kɔc cï Thou. Ku acï ke gäm riɛl ë biäk töŋ de piny nɔm biäk wën ee kek ŋuan, riɛl bï kek kɔc aa nɔ̈k ë abätäu, ku në cɔk, ku në jɔɔk, ku në läi rac ke piny nɔm.

Nyuuth 9:1

Na wën, ke tunynhial ee kek dhïc koth kaaŋde, aguɔ kuel cï lööny piny nhial tïŋ: ku acï gäm mukthäär de adhum thuth cïï thar tiëc.

1 Tham 2:6

Ku Bɛ̈nydït Yen ee thuɔɔu bɛ̈ɛ̈i kekë pïïr, ee Yen ee kɔc tuɔɔc paan ë thuɔɔu, ku nyɔk ë dɔk Yen kenïïm ciëën.