Nyuuth 1:1 - JAM DE NHIALIC 2011

¹ NYUUTH de Yecu Kërtho, nyuuth cïï Nhialic gäm en, bï lïïmke bɛ̈n nyuöth ka bï dhil dap tïc: go tunydɛnnhial tuööc le lïmdɛn Jɔn lɛ̈k:

Nyuuth 1:1 Iomraidhean Croise

Diɛt 25:14

Bɛ̈nydït ee määth kekë kɔc ee ye riëëu guöp ku kek aye ke nyuöth mände.

Danyel 8:16

Ku piɛŋ röl cööt ë kiir ë Yulai nɔm an, “Gabriɛl, wëërë yic kë lueel ë kë cï tïŋ.

Danyel 9:21

Ku tën wën läŋ yɛn. Go Gabriɛl bɛ̈n të nuö yɛn ke päär, Gabriɛl wään bä tïŋ në nyuuth tueŋë yiic. Aa ye kaam ye miɔ̈c näk athɛ̈i gam.

Danyel 9:23

Të wään gɔl yïn jam wek ë Nhialic, Nhialic acï lɔ̈ŋdu piŋ, Anhiaar yïn, ka yɛn aa bɔ̈ bä yïn bɛ̈n lɛ̈k jamde. Ka ënɔɔnë jɔ rɔt kiɛm piny të waar ɛn nyuuth yic.

Amoth 3:7

Bɛ̈nydït Nhialic acïï këdäŋ ee guɔ looi, ke kën tït ke Nhialic awuutke kɔn nyuöth kë cï kiëët.

Jɔn 12:49

Yɛn acïï jam në këde yenhdï, ku Wäär raan ë toc ɛn, yen aa lëk ɛn kë bä lueel, ku jam bän jam.

Jɔn 15:15

We cä bï bɛ tɔ ye lïïm, lïm akuc kë looi bɛ̈nyde: ku we cä tɔ ye määthkï, luɔi cän we tɔ ŋic këriëëc ëbɛ̈n ka cä piŋ tëde Wäär.

Jɔn 17:8

Ku wël wään gämë yɛn acä ke gäm keek, ku acïk ke dɔm, agokï ŋic ëgɔk nɔn ë bä yɛn tëde yïn, ku gamkï nɔn ee yïn ë toc ɛn.

Jɔn 3:32

Go ya cäätɔ në ka cï tïŋ ku në ka cï piŋ, go këde aa lueel, ku acïn raan ë këde gam.

Jɔn 8:26

Yɛn de kajuëc bä lueel ë këdun ayï lööŋ juëc bä guiir: ku raan ë toc ɛn ee yic, ku ka cä piŋ tëde yen, kakë aya ke lɛ̈k kɔc ke piny nɔm.”

Romai 16:25

Ku ënɔɔnë, thieithieei ë Raan cath ke riɛl bï en we tɔ kääc aril në këde wëlkiën piɛth, ku guiëër cï Yecu Kërtho guiëër kɔc, ku nyuöth cï kë wään cï moony të ɣɔn ciɛkë piny nyuɔɔth.

Galatai 1:12

Ku aake cä yök tëde raan, ku kënë ya wɛ̈ɛ̈t aya, ee nyuuth cï Yecu Kërtho a nyuööth tei.

Epethiei 3:3

Luɔi cï en a tɔ ŋic këcïmoony, në nyuöth cï en a nyuöth käŋ, acït man cän e gɔ̈ɔ̈r wään në wël liaakäŋ.

Tito 1:1

Yɛn Paulo, lïm ë Nhialic, ku ye tuny ë Yecu Kërtho, në këde gäm de kɔc cïï Nhialic lɔc, ku në këde ŋïny bï kɔc yic ŋic ëgɔk, yic ee röŋ ke riëëu de Nhialic,

Nyuuth 1:19

Yen gɛ̈ɛ̈r yïn ka cï tïŋ, ayï ka nu, ayï ka bï röt lɔ̈ɔ̈k yök ee kakë cök:

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.

Nyuuth 17:1

Na wën, ke tunynhial bɔ̈, tunynhial töŋ de tuuc kadhorou wën cath në guöl kadhorou, bï ku jiɛɛm ke yɛn, lueel, an, “Bä eenë, bä yï nyuöth guiëër cï löŋ de akɔɔrröör guiir atuc, akɔɔrröör rɛ̈ɛ̈r ë piëëu juëc nïïm,

Nyuuth 19:10

Guɔ rɔt cuat piny ë yecök, an, ja lam. Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë mïthëkɔckun ëtök kɔc ee ya cäätɔɔ ee jam de Yecu döt: ye Nhialic lam!” Wëi ke guiëërëwël kek aye cäätɔ luel këde Yecu.

Nyuuth 19:9

Ku yöök tunynhial ɛn, an, “Gäär, an: Thieithieei kɔc cï cɔɔl ë këcam de thiëŋ de Nyɔŋamääl.” Go lɛ̈k ɛn, an, “Wël ke Nhialic ka, wël yith.”

Nyuuth 21:2

Ku tiëŋ pänydït ɣeric, Jeruthalem cï piac cak, ke bɔ̈ piny paannhial, abɔ̈ tëde Nhialic, acï rɔt guik cït man ee nyan thiak rɔt kiir në këde monyde.

Nyuuth 21:9

Na wën, ke tunynhial bɔ̈ tunynhial tök në tuuc kadhorou yiic tuuc wën cath ë guöl kadhorou, guöl cï thiäŋ ë ka ye piny riɔ̈ɔ̈k kadhorou ka bɔ̈ ciëën, bï ku jiɛɛm ke yɛn, lueel, an, “Bä eenë, yïn bä nyuöth nyan thiak, tiiŋ de Nyɔŋamääl.”

Nyuuth 22:1

Na wën, ke tunynhial nyuth ɛn kiir ë pïïu ke pïïr, kiir ee pïïuke lɔ kïr cït man ë kuruthalo, ke bɔ̈ bei ë thöönydïtic thöönydïït ë Nhialic kekë Nyɔŋamääl, tëëk ë kueerdeyic cil.

Nyuuth 22:16

Yɛn Yecu, yɛn ë tunydiën nhial tooc bï week lëk kakë në këde ɣööt ke Nhialic. Yɛn ee meei de Debid, ku ya mɛnh dhiënde, ku ya ciëër ee piny riaau ciëër ë runëpiny.

Nyuuth 22:6

Go ya yɔ̈ɔ̈k, an, “Wëlkë alek gɔk ku yek yith. Ku Bɛ̈nydït Nhialic de tït ɣerpiɔ̈ɔ̈th, yen aa toc tunynhialde, le lïïmke nyuöth ka bï dhil dap tïc.

Nyuuth 22:8

Ku yɛn Jɔn yɛn ë kakë piŋ ku tiëŋ ke. Na wën, aa cä ke piŋ ku tiëŋ ke, ke ya cuat rɔt piny ke ya läm ë tunynhial cök tuny ë nyuth ɛn ee kakë.

Nyuuth 22:9

Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë tït mïthëkɔckun, ku kɔc ee wël ke awerekë döt: ye Nhialic lam!”

Nyuuth 4:1

Na wën, aacï kakë thök, ke ya jɔt a nyin, guɔ paannhial tïŋ acï liep thok. Ku röl cä kɔn piŋ acït röl ë kaaŋ ke jam ke yɛn, lueel, an, Bä nhial tënë, ku yïn bä nyuöth ka bï dhil lɔ̈ɔ̈k tïc ë kakë cök.

Nyuuth 5:7

Go bɛ̈n, bï ku nööm awerek ë ciin cuëny de Raan ë rëër ë thöönydït nɔm.