Nyöŋ 9:5 - JAM DE NHIALIC 2011

⁵ Acie baŋ de piathëpiɔ̈ndun, ku yak këpiɛth looi, yeka jɔ Bɛ̈nydït week tɔ nöm pinyden. Abïï juöörkë cuɔp wei në biäk de karɛcken, ku në biäk kɔɔr Yen bïï thöndɛn wään cï lɛ̈k kuarkun döt, Abraɣam, Yithaak, ku Jakop.

Nyöŋ 9:5 Iomraidhean Croise

Cäk 12:7

Go Bɛ̈nydït bɛ̈n tëde Abram, ku lëk en an, “Piny bä gäm mïthku kï.” Ago Abram Bɛ̈nydïït cï tïc tëde yen yiëk yïk.

Cäk 13:15

Yïn bä gäm piny lɔ tïŋ ëbɛ̈n, wekë mïthkuön bï lɔ̈ɔ̈k tɔ̈u në yïcök aɣet athɛɛr.

Cäk 15:16

Ku abïk kenïïm dɔ̈k eenë, në rem ye rɛm ŋuan. Në luɔi cän kɔc ke Amor bï cuɔp wei, agut të bï kek awäny dïït rɔ̈ŋ ke këtuc thok kɔn looi.”

Cäk 15:7

Ago Bɛ̈nydït lɛ̈k Abram an, “Ee Yɛn aye Bɛ̈nydït ë jɔt yïn ë Ur, piny ë Babilon, bä yï bɛ̈n gäm ee pinyë bï ya këdu.”

Cäk 17:8

Ku yïn bä gäm ee pinyë, wekë mïthkuön bï lɔ̈ɔ̈k tɔ̈u në yïcök. Piny ciɛŋkï, piny de Kanaan ëbɛ̈n, abï ya pinydun anande. Ku Yɛn bï ya Nhialicden aɣet athɛɛr.

Cäk 19:29

Yen tän de ka, të ɣɔn ë riëëk ë Nhialic pɛ̈ɛ̈nydït nu në wakic. Ku Nhialic akën nɔm määr në Abraɣam ɣɔn riëëk En pänydït rëër ë Lɔt thïn. Ago Lɔt tɔ bän ke cïn kë cï ye jak.

Cäk 26:4

Yïn bä gäm mïth juëc, mïth cït kuɛl nhial, ku gäm keek ee pinyë. Ku juöör ke piny nɔm kedhie, abïk aa lɛ̈k Ɛn an thiɛɛi keek cït man cän mïthku thieei.

Cäk 28:13

Ku tïŋ Bɛ̈nydït akääc në yenɔm nhial, ku piŋ ke lueel an, “Ee Yɛn Bɛ̈nydït, Nhialic de Abraɣam kuaar, kekë Yithaak wuur. Pinyduön niin yïn thïn, abä gäm yïn wekë mïthku.

Bɛ̈n 32:13

Tak lïïmku, yï Abraɣam kekë Yithaak, ku Jakop. Tak kuëëŋ wään thɔ̈në keek nɔn bï Yïn ke gäm mïth juëc cït kuɛl nhial, ku gämë ke piny wään cï than ëbɛ̈n nɔn bï yen aa këden ananden.”

Edhekiɛl 20:14

Ku akɛ̈n looi, në biäk bï ee kënë rinkï yiɛ̈n ayäär në juöör yiic, juöör cï yɛn tïŋ ke ya wɛ̈t Yithriɛl bei në Rip.

Edhekiɛl 36:22

“Ënɔɔnë gämë baai de Yithriɛl jam luɛɛl Yɛn Bɛ̈nydït Awärjäŋ në biäkden: kë bä lɔ looi acie biäkdun wek ke baai de Yithriɛl, ee biäk de Rinkiën ɣer yiic, rin cäk keek yɔ̈ɔ̈r në juöör yiic ëbɛ̈n ɣään cä wek lɔ thïn.

Edhekiɛl 36:32

Baai de Yithriɛl, akaar bäk ŋic nɔn cän ee kakë loi në biäkdun. Akaar bäk ayäär yök ku bäk gup riɔ̈ɔ̈c në biäk de ka luɔikï. Acä lueel, Yɛn Bɛ̈nydït Awärjäŋ.”

Lebai 18:24

Duökï röt riɔ̈k në ciɛɛŋ cït ee kakë, në biäk ee yen luɔi cït ee luɔiyë, yen aa riɔ̈ɔ̈kë juöör, juöör ɣɔn cuɔp wei ënɔɔnthiinë në wenïïm.

Lebai 18:25

Ayï piny aya, acï riääk, aguɔ kuum në biäk de kërɛɛcde, ago piny kɔc ceŋ en ŋak wei.

Maika 7:20

Yïn bï piɔ̈nduön adöt nyuöth Jakop, ku nyuöthë Abraɣam nhiëërduön agɔk, cït man wään cï Yïn gutguut lɛ̈k kuarkuɔ ɣɔn thɛɛr.

Luɔi 3:25

Wek ee mïth ke tït, ku yak mïth ke löŋ, löŋ cïï Nhialic mac kekë kuarkuɔ, wään yöök en Abraɣam an, ‘Ku në käu de yïnguöp abï dhiëën ke piny nɔm aa thieei kedhie.’

Romai 11:28

Në këde wëlpiɛth, ayek kɔc de ater në Nhialic në baŋdun, ku në këde löny lɔcë keek, ayek kɔc nhiaar në löŋ de wärkuɔ.

Romai 15:8

Aluɛɛl alë an, Kërtho acï aa raan ë aŋueel luööi në baŋ de yic de Nhialic, ke bï ka cï kɔn lɛ̈k kuarkuɔ tɔ ye yith,

Nyöŋ 1:8

Tiëŋkï wek cä gäm piny ka week lakï thïn, ku nämkï takï ee këdun. Acïï Bɛ̈nydït thɔ̈n kuarkun yï: Abraɣam ku Yithaak ku Jakop kekë mïth ke mïthken.’

Nyöŋ 12:31

Duökï Bɛ̈nydït Nhialicdun ee lam në kueer ye kek yiëthken lam, në biäk ye kek kanhiany looi ë läm de yiëthken yiic, ka mɛɛn Bɛ̈nydït. Arëk ayek mïthken gam näk keek në mac në yïkken nïïm.

Nyöŋ 18:12

Bɛ̈nydït Nhialicdun aman kɔc ee karɛc cït ee kakë looi, yen ka ë kë cop En ee juöör biic, të ya wek lɔ ke we lɔ tueŋ.

Nyöŋ 18:9

“Të la wek lɔ bɛ̈n piny gëmë Bɛ̈nydït Nhialicdun week, duökï luɔi rɛɛc de juöör nu ëtɛ̈ɛ̈n kuany yiic.

Nyöŋ 20:18

Näkkï keek, agokï week cïï bï tɔ lui kërac Bɛ̈nydït Nhialicdun, në wɛ̈ɛ̈t bï kek we wɛ̈ɛ̈t në kanhiany ëbɛ̈n, ka yek keek looi në läm de yiëthken yiic.

Tito 3:5

ke jɔ wo kony wëi, ku acie në luɔi de këpiɛth cuk looi wogup, ee kok de yenpiɔ̈u en aa kony en wook, në wɛ̈k de dhiënh cï wo bɛ dhiëëth, ku në cäŋ cï Wëidït ɣer wo bɛ cak.