Nyöŋ 9:3 - JAM DE NHIALIC 2011

³ Ku ënɔɔnë, abäk tïŋ ë wenyïïn wapäc, luöi bïï Bɛ̈nydït Nhialicdun cath ë wenïïm tueŋ cït many dɛ̈p. Abäk keek tiaam, të la wek ke we lɔ tueŋ, aguɔkï keek cuɔp wei, ku riäärkï keek nyïïn ëthiäu, cït man cïï Yen e lueel.

Nyöŋ 9:3 Iomraidhean Croise

Bɛ̈n 23:23

Tunynhialdï abï cath ë wenïïm tueŋ, ku abï we lɛɛr piny de Amor, ku Ɣit, ku Peridh, ku Kanaan, ku Ɣib, ku Jebuth, ku abäk keek riɔ̈ɔ̈k.

Bɛ̈n 24:17

Ku kɔc ke Yithriɛl aake woi dhuëëŋ ë Bɛ̈nydït cït man ë many dïït dɛ̈p, many thöl käŋ ë kuur nɔm nhial.

Yith 27:4

Yɛn cïï be gɔ̈th wökë dom de tiim. Na de kuɔɔth ku thil göth ë yen, aduëër keek nyuɔp piny në mac.

Yith 30:27

Riɛl ku dhuëëŋ de Bɛ̈nydït aduëër ë tïŋ tëmec. Tol kekë mac anyoothkï agönhde. Bɛ̈nydït ee jam ku dɛ̈p wëlke cï mac.

Yith 30:30

Bɛ̈nydït abï röl ë dhuëëŋde tɔ piŋ ë raan ëbɛ̈n ku tɔ yök rac de agönhde. Abï dɛ lɔ̈k de mac, ku luändïït adur, ku rel ë deŋ, ku deŋ ë kɔɔi.

Yith 30:33

Ɣɔn thɛɛr ade të cï kiëët bï gök de mac dëp thïn bï melik de Athiriya nyop. Athuth ku alääuwic, ku acï thɔ̈ɔ̈ŋ në wal ku tiim juëc. Bɛ̈nydït abï wëi në nyïïn ke mac bï ye ɣaak.

Yith 33:14

Kɔc ke Dhiɔn ee karɛc looi alɛth ë riɔ̈ɔ̈c keek. Ayek lueel an, “Guiëër de löŋ de Nhialic acït many dɛ̈p aɣet athɛɛr. Duëër dɛ raan bï poth në many cït ee kënë?”

Maika 2:13

Bɛ̈nydït abï week liëp kueer, ku wɛt week biic. Ka wek bï jäl lak biic ke we cath në nɔm lääu. Ku Bɛ̈nydït meliŋdun abï lɔ tueŋ në wenïïm, ku wɛt week Yen guöpde.

Math 15:10

Na wën, acï kut ë kɔc cɔɔl, ke yöök keek, an, “Piɛŋkï, a bäk yök ë wepiɔ̈ɔ̈th,

Mak 7:14

Go kut ë kɔc ëbɛ̈n cɔɔl të nu yen, ku jɔ ke yɔ̈ɔ̈k an, “Piɛŋkï këdï week wedhie, ku mɔ̈kkï wepiɔ̈ɔ̈th:

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Epethiei 5:17

Yen duö wek röt tɔ ye kɔc mum nïïm, yak röt tɔ ye kɔc ŋic këde piɔ̈n ë Bɛ̈nydït.

Nyöŋ 1:30

Bɛ̈nydït Nhialicdun, raan nu ë wenïïm abï week thäär tɔŋ, cït man wään cï Yen e luöi week ë Rip, ke we daai në wenyïïn.

Nyöŋ 20:1

Go Mothe lueel an, “Të la wek biic, lak thɔ̈ɔ̈r në kɔc ke aterdun, ku lak abëël ke tɔŋ tïŋ, jöŋgöör ku remdïït de tɔŋ wär week në juëc, duökï riɔ̈c në keek, Bɛ̈nydït Nhialicdun Raan wään luäk week në Rip, abï tɔ̈u ke week.

Nyöŋ 20:4

Bɛ̈nydït Nhialicdun alɔ ke week, ku abï week tɔ tiëm.’

Nyöŋ 4:24

në biäk cït ë Bɛ̈nydït Nhialicdun lɔ̈k de mac, acïï kë tɛɛr ke Yen ee pɔ̈l.

Nyöŋ 7:16

Riäkku jur nyin ëbɛ̈n, jur cïï Bɛ̈nydït Nhialicdun tääu ë wecin, ku duökï keek nyuth kokëpiɔ̈u. Duökï yiëthken lam, kënë abï rac aläldïïtë tëde week.

Nyöŋ 7:22

Abï ë juöörkë cuɔp wei ë tueŋlek, të la wek ke we lɔ tueŋ. Acäkkï keek bï lëu në riäär ë nyin raan tök, na lak looi wäkya, läi roor abïk juëc, ku abïk week bɛ riääc.

Nyöŋ 9:6

Abäk dhil ŋic an Bɛ̈nydït aa cïï week gëm ee piny ee ŋiëc luɔkkë, në baŋ de piathëpiɔ̈ndun. Ei, ee wek kɔc ril nïïm.

2 Theth 1:8

ke cath ke many ee dëp aläl, ago rɔt guöör ë kɔc kuc Nhialic, ayï kɔc reec wëlpiɛth gam, wël ke Bɛ̈nydan Yecu Kërtho.

Ɣeberuu 12:29

Ku Yen, Nhialinyda acït many ee käŋ thöl, tëde kɔc reec gäm

Jocua 11:12

Pɛ̈ɛ̈nydïtkë acïï Jocua ke bɛ̈n peec kedhie, ayï meliiken ku nɛ̈k kɔc nu thïn kedhie, cït man wään cïï Mothe, awun de Bɛ̈nydït ye lueel.

Jocua 11:8

Ago Bɛ̈nydït ke tɔ tiɛɛm ë kɔc ke Yithriɛl, ago kɔc ke Yithriɛl ke cop cök agut cï Mithapoth Maim, ku Thidon në baŋ të lɔ wöuwic agut cï bäny de Midhepa në baŋ të lɔ aköl amiäk. Tɔŋ akën bɛ̈n kɔ̈ɔ̈c abïï kɔc de ater në Yithriɛl kɔn thök në thuɔɔu.

Jocua 14:12

Ka yïn, gämë ya piny ë kuur cït man wään cïï Bɛ̈nydït ye than kööl ɣɔn bïï wok thok. Acuk bɛ̈n lɛ̈k yïn nɔn nu jööt ke Anakim në pɛ̈ɛ̈nydït cï gël aril. Go lueel an, Bɛ̈nydït abï tɔ̈u ke yɛn ka abä ke cuɔp wei cït man cïï Bɛ̈nydït ë lueel.”

Jocua 3:11

Tiëŋkï, athänduŋ de män ë Bɛ̈nydït de këriëëc ë pinynɔm ëbɛ̈n, abï wɛ̈ɛ̈r de Jordan teem në wenïïm tueŋ.

Jocua 3:14

Na wën, ke kɔc ë ke mɛ̈ɛ̈t pɛɛnykeniic, ku jëlkï lek Jordan teem. Go bäny ke kake Nhialic lɔ në kenïïm tueŋ, ke ke ɣɛ̈ɛ̈c athänduŋ de mät. Ku aaye akööl ke tëm, ka wɛ̈ɛ̈r de Jordan aa cï thiɔɔr arëët. Na wën, acï bäny ke kake Nhialic ɣet ë kiir thok, ku cïk pïïu jak në kecök.

Bäny 4:14

Go Debora lëk Barak an, “Lɔɔr, Bɛ̈nydït awat yïn, ee köölë acï yïn tɔ tiam Thithera. Go Barak jɔ lɔ piny në kuur de Tabor kekë aguum kathiëër ke remdɛn de tɔŋ.