Nyöŋ 8:9 - JAM DE NHIALIC 2011

⁹ Wek cïï cɔk bï nɔ̈k ëtɛ̈ɛ̈n, ku acïn kë bï we dak. Wek bï wëëth wec në kurkë yiic, ku wɛ̈ckï ayööm bei ë kurkë yiic.

Nyöŋ 8:9 Iomraidhean Croise

1 Lëk 22:14

Ku në biäk de Luaŋdït yɛn cï aguum kadiäk ku bot kaŋuan (3,400) ke tɔn ke adhääp kueet, ku aguum kathiërdiäk ku ŋuan de (34,000) ke tɔn ke atek määt yiic, bï ke Luaŋdït yïk. Ku kake yïk juëc arëët, yï malɔ̈ɔ̈ŋ, ku wëëth, ku tiim, ku kur cï guiir, ayï kɔc bï luɔi looi, ku yïn bï kɔ̈k dhil bɛ̈ɛ̈i.

1 Lëk 22:3

Go wëth juëc bɛ̈ɛ̈i bï ë wiɛth looi, wiɛth bïï bɛɛp ke tiim ke kɛ̈l thook piäät, ku bïï malɔ̈ɔ̈ŋ juëc cïn raan lëu keek ëthëm.

Jop 28:2

Wëëth aye yök në tiɔpic, ku maläŋ aye lëëŋ në kuuric.

Nyöŋ 33:25

Tɔ wuötke gël thook në wëëth ku maläŋ, ku tɔ rɛ̈ɛ̈r në mätic aköölnyïïn kedhie.”

Nyöŋ 8:10

Wek bï nïïm dɛ këcam dït, ka wek bïï Bɛ̈nydït Nhialicdun thieei në biäk de piny ee ŋiëc luɔk, piny cï gäm week.

Nyöŋ 8:8

piny ee luɔk agamɔ, ku barli, ku enap, ku ŋaap, ku pomegraneet, ku tiim ke olip, ku miök ë kiëc.

Jocua 22:8

Ku lëk keek an, “Puɔ̈kkï wenïïm në wuötkuniic ke we cï bäny. Wek cï dɛ ɣɔ̈k juëc arëët, ku dɛkï ateek, ku maläŋ, ku adhääp, ku wëëth, ku lupɔɔ läk juëc arëët. Lak tɛ̈kkï röt këriëëc cäk peec tëde kɔc de ater në week.

Bäny 18:10

Të la wek lɔ ëtɛ̈ɛ̈n, we bï kɔc cïn kë diir keek yök, ku ee piny piɛth cïï Nhialic gäm we, piny cïn kë dak thïn ŋic luɔk.”