Nyöŋ 8:18 - JAM DE NHIALIC 2011

¹⁸ Yak ŋic nɔn Yen Bɛ̈nydït Nhialicdun, Yen ë gëm week riɛl bï we tɔ kueth. Aa loi ee kënë në baŋ ŋoot En ke ye Adöt ee köölë, në löŋ cï mac kekë kuarkun.

Nyöŋ 8:18 Iomraidhean Croise

Cäk 32:14

Nööm bot kaarou ke bɔɔth, ku nyök kathiërrou, ku bot kaarou ke amɛ̈l, ku nyök kathiërrou.

1 Lëk 29:12

Kuɛth ku riëëu kedhie ayek bɛ̈n tëde Yïn, ku ee Yïn ee bɛ̈ny de kɔc kedhie. Ku ciindu ade yic riɛldït, ku ciindu abï Yïn göök dït looi, ku Yïn ee riɛl gäm kɔc kedhie.

2 Lëk 25:9

Na wën ke Amadhia ë thiëc raan de Nhialic an, “Ku na ateek juëc cän keek riɔp?” Go ë raan de Nhialic bɛ̈ɛ̈r an, “Bɛ̈nydït abï yï cuööt awär ee kake!”

Diɛt 144:1

Pianykï Bɛ̈nydït, raan ee ya gël! Acï yɛn wɛ̈ɛ̈t ë tɔŋ ku guiir ɛn ë biäk de tɔŋ.

Diɛt 44:3

Kɔcku aake cïï piny rum në abätäu, acie cinken kek ë tɔ ke tiëm. Ee ciin cuënydu, kekë köŋdu. Ku many de Yïn nyin, në luɔi nhiɛɛr Yïn keek.

Kɛ̈ŋ 10:22

Kuɛth ee athiɛɛi de Bɛ̈nydït, ku acie luɔiduöndït.

Wɛ̈ɛ̈t 12:1

Yak Aciëŋdun tak në akööl ke dhuöökdunic, të ŋoot akööl rac ke ke kën bɛ̈n. Akööl bä wek e lueel an, “Yɛn cïï piɔ̈u mit wo pïïr.”

Wɛ̈ɛ̈t 9:11

Ku yɛn cï rɔt puk guɔ këdäŋ tïŋ ë piny nɔm, acie raan ŋic kat yen ee tiam aköölnyïïn, acie jööt kek ee tɔŋ tiaam aköölnyïïn, acie kɔc pelnïïm kek ee këcam yök aköölnyïïn, acie kɔc tiëër nïïm kek ee kuɛth aköölnyïïn, acie kɔc ŋic käŋ kek ee miɛtëpiɔ̈u yök tëde kɔc aköölnyïïn. Piäl ë guöp ee këde raan ëbɛ̈n.

Jeremia 23:27

Ayek tak an bï nyuöth cïk lueel kɔckï tɔ mär nïïm në yɛn, cït man ɣɔn cï kuarken nïïm määr në yɛn ku pukkï röt Baal.

Ɣodh 2:8

Akuc ë kɔc ke Yithriɛl nɔn ee Yɛn ë gëm keek rap, ku mɔ̈u, ku miök. Ku akuckï aya nɔn ee Yɛn ë ŋuak adhɛ̈pke nyïïn, ku atekkɛn ye kek Baal lam.

Nyöŋ 26:10

Ka ënɔɔnë yɛn yïn Bɛ̈nydït biäk tueŋ de tëm cï keek gäm ɛn.’ “Ëtɛ̈ɛ̈n, jɔ diöny tääu piny ë Bɛ̈nydït lɔ̈ɔ̈m ku jɔ lam ëtɛ̈ɛ̈n.

Nyöŋ 6:11

Ku ɣööt abïk yiic thiäŋ në ka läk ku kënkï keek tääu thïn, ku abï dɛ yith kënkï keek wec. Ku tiim ke olip kekë enap kënkï keek cam. Të le Bɛ̈nydït week bɛ̈ɛ̈i ë pinyë ku cäk nïïm dɛ këcamkï wedhie.

Nyöŋ 7:12

Na cäk ee lööŋkë piŋ ku riëëukï keek në piɔ̈n adöt, ke Bɛ̈nydït Nhialicdun abï ŋoot ke muk löŋdɛn cï mac ke week ku abï we nyuöth nhiëër agɔk, cït man cien ë lɛ̈k kuarkun.

Nyöŋ 7:8

Bɛ̈nydït anhiaar week, ku akɔɔr bï gutguut cï yen kuëëŋ ke kuarkun aa döt. Yeka, cï yen week kony, në riɛldɛndït ku wëër week bei në lïïmic, lïïm de melik ë Rip.

Nyöŋ 8:1

Go Mothe ŋoot ke jam an, “Riëëukï lööŋ cä ke gäm wek kedhie ee köölë, aguɔkï rëër, ku ŋuakkï wenyïïn, ku bäk piny cïï Bɛ̈nydït thɔ̈n kuarkun nööm.

Bäny 3:7

Kɔc ke Yithriɛl acïk kërac looi, mɛ̈ɛ̈rkï nïïm në Bɛ̈nydït Nhialicden, ku yek Baal lam kekë Acera,

Bäny 7:2

Go Bɛ̈nydït Gidiɔn yɔ̈ɔ̈k an, “Kɔc rɛ̈ɛ̈r në yïn ajuëckï tëde yɛn, në luɔi bän ke tɔ tiam kɔc ke Midian abïk aa tak nɔn ë tiëm kek në riɛlden ku cïkkï ya be dhuëëŋ guöp.

1 Tham 2:7

Yen ee kɔc kɔ̈k gäm nyin kuany, ku tɔ kɔc kɔ̈k tɔ kueth, Yen ee kɔc kɔ̈k kuɔɔr piny ku jɔt kɔc kɔ̈k nhial.