Nyöŋ 8:10 - JAM DE NHIALIC 2011

¹⁰ Wek bï nïïm dɛ këcam dït, ka wek bïï Bɛ̈nydït Nhialicdun thieei në biäk de piny ee ŋiëc luɔk, piny cï gäm week.

Nyöŋ 8:10 Iomraidhean Croise

1 Lëk 29:14

“Yɛn wokë kɔckï acïn kë buk gäm Yïn, në biäk ye këriëëc ëbɛ̈n bɛ̈n tëde Yïn, këduön wään cï kɔn gäm wook yen apukku nɔm yïn.

Diɛt 103:2

Wek wëikï, we bï Bɛ̈nydït thieei, ku du nɔm mär në luɔi piɛth En.

Kɛ̈ŋ 3:9

Dhuëŋ Bɛ̈nydït në miɔ̈c miɔɔc yïn En në këriëëc piɛth cï kɔn luɔk domdu ëbɛ̈n.

Yith 5:1

Piëŋë të la yɛn ke ya kiit dinë, ee din ë mäth kekë domdɛn ë tiim ke enap: Mɛ̈thëdï ade nɔm dom ë tiim në kur nïïm tën ee ŋiëc luɔk aläl.

Jowɛl 2:26

Ka wek bï nïïm bɛ dɛ kacaam bï we kueth. Ka wek bï Bɛ̈nydït Nhialicdun bɛ lɛc nɔm, Raan cï we luöi kake gäi. Kɔckï acïï keek bï bɛ biɔɔn gup ananden.

Math 14:19

Go kut ë kɔc yɔ̈ɔ̈k an, “Bïk nyuc ë wal nïïm, ku nöm kuïïn cï pam kadhïc, ku rec kaarou, go nhial lieec, ku lueel, an, “Thieithieei, go kuïïn wääk yiic, ku gëm ke kɔcpiööcë, go kɔcpiööcë ke gäm kut ë kɔc.

Jɔn 6:23

(Ku abëël kɔ̈k aake bɔ̈ ë Tiberia tei, bïk tëthiääk ke të wään ciɛmë kɔc kuïn cï pam, ke Bɛ̈nydït cï thieithieei kɔn lueel):

Romai 14:6

Raan riëëu akööl, ee këde Bɛ̈nydït en a riëëu en en, ku raan cïï akööl ee riëëu, ee këde Bɛ̈nydït en acïï en en ee riëëu. Ku raan ee cam, ee cam në këde Bɛ̈nydït, ago lueel an, Thieithieei Nhialic, ku raan cie cam, ee këde Bɛ̈nydït en acïï en ee cam, ku lueel an, Thieithieei Nhialic.

1 Kor 10:31

Yen na yak cam, ku yak dek, ayï të de yen kë bäk aa looi, yak käŋ looi kedhie ke Nhialic bï dhuëëŋ yök.

Nyöŋ 31:20

Të lan keek lɔ bɛ̈ɛ̈i piny ee wat në ca ku miök de kiëc, piny wään cä kuëŋ wärken an bä gäm keek ku ëtɛ̈ɛ̈n abïk nïïm dɛ kacaam juëc, abïk röt pɔ̈k yiëth kɔ̈k ku lamkï keek. Ku reeckï yɛn ku dhoŋkï mändï kɔ̈u.

Nyöŋ 8:9

Wek cïï cɔk bï nɔ̈k ëtɛ̈ɛ̈n, ku acïn kë bï we dak. Wek bï wëëth wec në kurkë yiic, ku wɛ̈ckï ayööm bei ë kurkë yiic.

1 Theth 5:18

Yak thieithieei lueel në këriëëc ëbɛ̈n. Kënë ee këde piɔ̈n ë Nhialic në këdun ë Kërtho Yecuyic.