Nyöŋ 7:5 - JAM DE NHIALIC 2011

⁵ Ka ënɔɔnë, jakï yïkken thuöör piny, ku dhuɔŋkï waike kur yaath kɔ̈ɔ̈th, ku yiɛpkï yanh tik Acera piny, ku nyuɔpkï yiëthken.

Nyöŋ 7:5 Iomraidhean Croise

2 Mel 10:26

ku jötkï mën yaath ë tɔ̈u luaŋ de Baal bei, ku nyopkï.

1 Lëk 14:12

Na wën cïï ë kɔc ke Pilithiin kat, acïk yiëthken nyääŋ piny, go Debid löŋ tääu piny bï keek nyop.

2 Lëk 14:3

Acï yïk ke alɛi nyaai ku nyiɛɛi ɣään ke läm de yiëth, ku dhoŋ waikɛn yaath piny ayï kurken, ku yep kïït ke yanh tik Acera piny.

Bɛ̈n 23:24

Duökï wenïïm gut piny në yiëthken nïïm ku duökï ke lam. Ku duökï kuɛɛrkɛn ke läm dɔmiic. Riäkkï yiëthken ku dhuööŋkï kur ke yïïkken.

Bɛ̈n 32:20

Na wën, ke nöm miɔɔr cïk cuëëc, ku le lëëŋ, ku tiɔp abï lɔ mot, ku riir ë pïïuwiic, ku tɔ dek ë kɔc ke Yithriɛl.

Bɛ̈n 34:13

Jäpkï yïïkken piny, ku riäkkï mënkɛn ɣeriic, ku riäkkï yïïŋ de Acera yanhden.

Yith 17:8

Acïkï röt bï bɛ kan në yïkkɛn ë loikï në kecin, ku nɔn ŋäthkï ka cïk guaŋ, cït kïn de yanh tik Acera ku yïk ye wal ŋïr nyop ë kenïïm.

Lebai 26:1

Acïï Bɛ̈nydït lueel an, “Duökï röt lui yiëth, ku duökï wal loi ayï kuur yaath duökï keek lui röt. Ku duökï kuur cï guaŋ tɛ̈ɛ̈u pinydun ku yak keek lam. Ee yɛn Bɛ̈nydït Nhialicdun.

Kuɛ̈n 33:52

wek bï kɔc ceŋ ëtɛ̈ɛ̈n lɔ cuɔp biic kedhie, riäkkï kuurden ayï yiëth kɛn cïk deer kɔ̈th në joth, ku ɣäänkɛn ke läm.

Nyöŋ 16:21

“Të luöi wek Bɛ̈nydït Nhialicdun yïk, duökï kïn ë tim de yanh tik Acera ee tääu ë ye lɔ̈ɔ̈m.

Nyöŋ 16:22

Ku duökï wai de kuur, wai de läm ë yiëth ee looi, amɛɛn Bɛ̈nydït keek.

Nyöŋ 7:25

Nyuɔpkï yiëthken. Duökï piɔ̈ɔ̈th bï dɛ ateek ayï adhɛ̈p nu ë kekɔ̈ɔ̈th, ku duökï ke döm röt. Na lak looi wäkya abïk rac aläl, në baŋ mɛɛn ë Bɛ̈nydït Nhialic läm de yiëth.

Nyöŋ 9:21

Yɛn cï ee kërɛɛc cäk looiyë nööm, yen akäl ë miɔɔr wëëth, ku cuat ë mac yic. Na wën ke dhuɔŋ abï lɔ thorthor, ku tiäp abï aa abuui, ku cuat ë abuuiyë në nyinic, nyin ee wat ë kuur thar piny.