Nyöŋ 7:25 - JAM DE NHIALIC 2011

²⁵ Nyuɔpkï yiëthken. Duökï piɔ̈ɔ̈th bï dɛ ateek ayï adhɛ̈p nu ë kekɔ̈ɔ̈th, ku duökï ke döm röt. Na lak looi wäkya abïk rac aläl, në baŋ mɛɛn ë Bɛ̈nydït Nhialic läm de yiëth.

Nyöŋ 7:25 Iomraidhean Croise

2 Mel 23:14

Go melik Jothia mën ke kur dhuööŋ, ku yep kïït ke yanh tik cɔl Acera piny, ku löök ɣäänkɛn ë kɛ̈ɛ̈c kek thïn thiɔ̈ɔ̈ŋiic në yom ke kɔc.

1 Lëk 14:12

Na wën cïï ë kɔc ke Pilithiin kat, acïk yiëthken nyääŋ piny, go Debid löŋ tääu piny bï keek nyop.

Bɛ̈n 20:17

“Du kalei ee woi në yïpiɔ̈u, kake raan rɛ̈ɛ̈r wek. Du piɔ̈u de tiiŋde, ayï lïïmke, lïïm röör ayï lïïm diäär, ayï ɣɔ̈kke, ayï mulke, ayï këriëëcdɛn tɔ̈u ke yen ëbɛ̈n.”

Bɛ̈n 32:20

Na wën, ke nöm miɔɔr cïk cuëëc, ku le lëëŋ, ku tiɔp abï lɔ mot, ku riir ë pïïuwiic, ku tɔ dek ë kɔc ke Yithriɛl.

Bɛ̈n 8:26

Go Mothe puk nɔm an, “Acïï rɔt bï lëu buk Bɛ̈nydït näk eenë. Kɔc ke Rip abïk piɔ̈ɔ̈th diu në kakan buk näk Bɛ̈nydït, Nhialicda. Na lek piɔ̈ɔ̈th diu, abïk wook biɔ̈ɔ̈k në döt ku näkkï wook.

Yith 30:22

Wek bï yiëthkuön ke ateek ku yiëth ke adhääp cuat wei, cït man aa cool ke we kïïu an, “Lakkï ya në wolɔ̈m!”

Yith 41:24

Week, ku ka yak looi ëbɛ̈n ayek baŋ, kɔc ee we lam ee gök de kërac yen cïk looi!

Lebai 13:52

Bɛ̈ny de kake Nhialic, abï lupɔ dhil nyop. Acïn kë looi cakaa yen ë ye lupɔ cï nuat, ayï lupɔ cï kɔɔc, ayï lupɔ de nhïm, ayï lupɔ de linɔn, ayï lupɔ ë loi në dɛ̈l, në biäk le ë dhiëi ke thiäi piny. Lupɔ abï dhil nyop.

Lebai 19:4

Duökï röt ee luöi ka ye lam, ka cï guaŋ në tiim ayï yiëth. Ee Yɛn Bɛ̈nydït Nhialicdun.

Dhep 1:3

Yɛn bï kɔc ku läi ku diɛt ayï rec riɔ̈ɔ̈k ëbɛ̈n. Ku riääk kërɛɛc ee kɔc tɔ wiëëk. Yɛn bï mɛnh ë raan riɔ̈ɔ̈r nyin në pinynɔm taitai. Yen kë cïï Bɛ̈nydït lueel ka.

Nyöŋ 12:3

Wek bï yïkken dhil thuöör piny, ku riäk wai ke kurkɛn yaath abïk lɔ thorthor, nyop kïn de yanh de tik Acera ku yɛpë yiëthken piny, ago keek cïï bï bɛ lam në ee ɣäänkë yiic.

Nyöŋ 13:16

Bɛ̈ɛ̈ikï kake kɔc ceŋ ee wunë tëtök kedhie, ku kuötkï kenïïm wutic cil. Ku nyuɔpkï keek wutic kekë këriëëc nu thïn ëbɛ̈n, ke ee miɔ̈c de Bɛ̈nydït Nhialicdun. Abï pɔ̈l ke cï riääk aɣet athɛɛr, ku acïï bïï bɛ nyɔk ë yïk taitai.

Nyöŋ 17:1

Go Mothe lueel an, “Duökï Bɛ̈nydït Nhialicdun ee näk weŋ, ku nɔn ee thɔ̈ɔ̈k de guöp tëdak, kënë amɛɛn Bɛ̈nydït.

Nyöŋ 23:18

Ku ayï wëu ye keek bɛ̈ɛ̈i në kueer cït ee kënë, acïï keek bï aa lɛɛr ë Luaŋdïït de Bɛ̈nydït Nhialicden, ke ye miɔ̈c de gutguut, Bɛ̈nydït aman akɔɔrröör ku akɔɔrdiäär de Luɛ̈k yiic.

Nyöŋ 27:15

‘Aciɛɛn de Nhialic abï tɔ̈u ë raan yeth, raan ee yiëth looi në kuur, ku tim, ku wëëth, ku ye keek lam në cuëër, Bɛ̈nydït aman läm de yiëth.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 7:16

Riäkku jur nyin ëbɛ̈n, jur cïï Bɛ̈nydït Nhialicdun tääu ë wecin, ku duökï keek nyuth kokëpiɔ̈u. Duökï yiëthken lam, kënë abï rac aläldïïtë tëde week.

Nyöŋ 7:5

Ka ënɔɔnë, jakï yïkken thuöör piny, ku dhuɔŋkï waike kur yaath kɔ̈ɔ̈th, ku yiɛpkï yanh tik Acera piny, ku nyuɔpkï yiëthken.

Jocua 7:1

Ku kɔc ke Yithriɛl akënkï jam ë Bɛ̈nydït bɛ̈n döt, jam wään lëk keek nɔn cïn en kë nömkï ë Jeriko në ka bï riɔ̈ɔ̈kiic kedhie. Raan cɔl Akan ë jamë bɛ̈n dhɔ̈ŋic. Go Bɛ̈nydït piɔ̈u diu arëët kekë kɔc ke Yithriɛl. (Akan ee wën de Karemi de Dhabedi de Dhera wën raan dhiën ë Juda).

Jocua 7:21

Yɛn aa cï lupɔ läk tïŋ në ka wään pecku keek yiic. Lupɔ de kɔc ke Babilon, ku tiɛ̈ŋ ateek duëër thëmde aa kilɔɔ kaarou, ku tiɛ̈ŋ adhäm duëër thëmde aa biäk töŋ de kilɔ. Aguɔ piɔ̈u dɛ keek aläl, guɔ ke nööm. Acä keek wɛc piny në paanydï yic thïn, ka ateek anu në baŋ piny. Abäk keek lɔ yök ëtɛ̈ɛ̈n.”

Nyuuth 17:5

ku ade rin cï gɔ̈ɔ̈r ë yenɔm tueŋ an, “KËCÏMOONY KA, Babilon DÏÏTË KÏ, MAN AKƆƆRRÖÖR KU YE MAN KANHIƐNY KE PINY NƆM.”