Nyöŋ 7:13 - JAM DE NHIALIC 2011

¹³ Abï we nhiaar ku thieei week, aguɔkï juëc ku dɛkï mïth juëc, abï duumkun thieei aguɔkï nïïm dɛ rap, ku mɔ̈u, ku miök de olip, ku abï we thieei në miɔ̈c bï yen we miɔɔc në ɣɔ̈k juëc ku amɛ̈l. Abï week gäm athiɛɛiyë ëbɛ̈n në piny cï lɛ̈k kuarkun an bïï gäm week.

Nyöŋ 7:13 Iomraidhean Croise

Neɣe 9:32

“Ënɔɔnë Yïn Nhialicdït lëu këriëëc ëbɛ̈n! Ee piny riääc nɔm ëbɛ̈n, ku Yïn de kokdepiɔ̈u, ku Ye löŋduön cï mac döt. Gɔl ɣɔn yɔŋ ë meliik ke Athiriya wook, agut cï ënɔɔnë në Meliikkuɔ, ku bänykuɔn ke kake Nhialic ayï tït ke Nhialic, ku kuarkuɔ ku kɔc kedhie. Tak Yïnɔm në wook në guömdïït cïï wok yaaŋ guum!

Jop 1:10

Kɛ̈në Jop gɛ̈l cil kekë baaide ku këriëëcde ëbɛ̈n në tuŋ kedhie? Yïn ë luɔi de yen ciin thieei, ka kake acïk kenyïïn ŋuak, acïk wut thiɔ̈ɔ̈ŋic ëbɛ̈n.

Jop 42:12

Ku Bɛ̈nydït acï runke pïïr Jop wään ciëën ë thieei yiic, awär athiɛɛi tueŋ, aa de nɔm aguum kathiëër ku ŋuan 14,000 ke thök amɛ̈l, ku aguum kadhetem 6000 ke thɔ̈rɔ̈ɔ̈l, ku aguum kaarou ke 2,000 ɣɔ̈k, ku agum töŋ de mul.

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Diɛt 107:38

Bɛ̈nydït ë kɔcke gäm athiɛɛi, agokï dɛ mïth juëc, acï lunydɛn ë ɣɔ̈k tɔ lɔ ke ŋuak yenyin.

Diɛt 11:7

Bɛ̈nydït apiɛthpiɔ̈u, ku anhiaar luɔi piɛth, kɔc lɔ piɔ̈ɔ̈th wai abïk Yen tïŋ nyin.

Diɛt 127:3

Mïth ayek miɔ̈c tëde Bɛ̈nydït ayek athiɛɛi yic.

Diɛt 146:8

ku tɔ kɔc cï cɔɔr daai. Bɛ̈nydït ee kɔc cï löny jat nhial, ku anhiaar kɔckɛn piɛthpiɔ̈ɔ̈th.

Bɛ̈n 23:25

Të la wek Ɛn aa lam, Yɛn Bɛ̈nydït Nhialicdun, wek bä thiëi kacaam ku pïïu, ku nyaai jɔɔkkun.

Kɛ̈ŋ 10:22

Kuɛth ee athiɛɛi de Bɛ̈nydït, ku acie luɔiduöndït.

Kɛ̈ŋ 15:9

Kueer ë kɔc ee karɛc looi ee gök de kërɛɛc mɛɛn Bɛ̈nydït, ku anhiaar kɔc ee rɛ̈ɛ̈r në piathëpiɔ̈uwic.

Lebai 26:9

Wek bä aa woi në piɔ̈n mit, ku wek bä tɔ dhiëth ku ŋuak kuëndun, ku yɛn bï Mändï döt wokë ë week.

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Jɔn 14:21

“Raan gam lööŋ cï ke thɔ̈n ɛn, ku muk keek, yen aye raan nhiaar ɛn: ku raan nhiaar ɛn abïï Wäär nhiaar, ku abä nhiaar aya, aguɔ rɔt nyuöth en.”

Jɔn 15:10

Të dɔ̈t wek lööŋ cä thɔ̈n week, ke we bï rëër ë nhiëërdï yic, cït man cän lööŋ cï wäär a thɔn döt, aguɔ rëër ë nhiëërde yic.

Jɔn 16:27

Wäär guöp anhiaar week, luɔi nhiaar wek ɛn, ku luɔi cä wek a gam nɔn ë bä yɛn tëde Nhialic.

Nyöŋ 1:8

Tiëŋkï wek cä gäm piny ka week lakï thïn, ku nämkï takï ee këdun. Acïï Bɛ̈nydït thɔ̈n kuarkun yï: Abraɣam ku Yithaak ku Jakop kekë mïth ke mïthken.’

Nyöŋ 13:17

Duökï kë cï kuöm riääk ee mɔ̈k röt, ke Bɛ̈nydït bï rɔt puk në agönhdɛn tuc yic, ku nyuth week kok de piɔ̈u. Abï piɔ̈u kok ke week ku tɔ week ee kɔc juëc, cït man cïï Yen ë thön kuarkun,

Nyöŋ 28:1

Na wën ke lueel Mothe an, “Na lak Bɛ̈nydït Nhialicdun lɔ riëëu, ku dɔ̈tkï lööŋkɛn gäm keek week ee köölë kedhie, në piɔ̈n adöt, abï week tɔ dït arëët awär juöör kɔ̈k nu ë piny nɔm.

Nyöŋ 28:11

Bɛ̈nydït abï week gäm mïth juëc, ku ɣɔ̈k juëc, ku rɛɛp juëc në piny cï thön kuarkun an bï gäm week.

Nyöŋ 30:5

Aguɔkï piny bɛ nööm, piny wään cïï kuarkun kɔn cieŋ. Ku abï week tɔ kueth ku tɔ week tɔ juëc awär juëc de kuarkun ɣɔn.

Nyöŋ 7:7

“Bɛ̈nydït aa cï we lɔc në baŋ cä wek kɔc kɔ̈k wöör në juëc, wek aaye jur koor arëët ë piny nɔm,