Nyöŋ 7:12 - JAM DE NHIALIC 2011

¹² Na cäk ee lööŋkë piŋ ku riëëukï keek në piɔ̈n adöt, ke Bɛ̈nydït Nhialicdun abï ŋoot ke muk löŋdɛn cï mac ke week ku abï we nyuöth nhiëër agɔk, cït man cien ë lɛ̈k kuarkun.

Nyöŋ 7:12 Iomraidhean Croise

1 Mel 8:23

Ku lɛ̈ŋ an, “Nhialic de Yithriɛl, acïn Nhialic cït Yïn paannhial ku piny. Yïn ee kë cï than piny döt ku nyuöthë nhiëërduön agɔk raan ëbɛ̈n, raan ee Yïn riëëu ku Ye kɔɔr ë piɔ̈nde ëbɛ̈n bïï këde piɔ̈ndu aa looi.

Neɣe 1:5

“Bɛ̈nydït Nhialic de paannhial! Yïn dït, ku Yïn Awärjäŋ, Yïn raan ee löŋduön cï mac döt kekë nhiëërduön agɔk wekë kɔc nhiaar Yïn, ku loikï lööŋkuön cï than piny.

Neɣe 9:32

“Ënɔɔnë Yïn Nhialicdït lëu këriëëc ëbɛ̈n! Ee piny riääc nɔm ëbɛ̈n, ku Yïn de kokdepiɔ̈u, ku Ye löŋduön cï mac döt. Gɔl ɣɔn yɔŋ ë meliik ke Athiriya wook, agut cï ënɔɔnë në Meliikkuɔ, ku bänykuɔn ke kake Nhialic ayï tït ke Nhialic, ku kuarkuɔ ku kɔc kedhie. Tak Yïnɔm në wook në guömdïït cïï wok yaaŋ guum!

Diɛt 103:18

Ku jɔ aa kɔckɛn ee män de Bɛ̈nydït döt, ku yek lööŋ riëëu në piathëpiɔ̈u.

Diɛt 149:9

bïk juöör luöi këtuc cït man cï ë Nhialic ye lueel. Kënë ee tiëm de kɔc ke Nhialic. Lɛckï Bɛ̈nydït!

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Jeremia 11:5

Ku ëtɛ̈ɛ̈n Yɛn bï gutguut jɔ döt, gutguut cä lɛ̈k kuarken nɔn bän keek gäm piny ee wat ë ca ku miök ë kiëc, piny tɔ̈u tëde keek ënɔɔnë.” Aguɔ lueel an, “Ɣɛɛ, Bɛ̈nydït.”

Danyel 9:4

Yɛn cï Bɛ̈nydït Nhialicdï lɔ̈ŋ, ku gam karɛc ke kɔckï. Guɔ lueel an, “Bɛ̈nydït Nhialic, Yïn dït, ku yïn yok riëëu, yïn ee raan adöt të lɔ löŋduön cï mac ku ye nhiëërduön agɔk nyuöth kɔc ee yïn nhiaar ku loikï lööŋku.

Maika 7:20

Yïn bï piɔ̈nduön adöt nyuöth Jakop, ku nyuöthë Abraɣam nhiëërduön agɔk, cït man wään cï Yïn gutguut lɛ̈k kuarkuɔ ɣɔn thɛɛr.

Luk 1:55

Acït man ë jiɛɛm en kekë kuarkuɔ, Yï Abraɣam kekë kɔ̈thke aɣet athɛɛr!”

Nyöŋ 1:8

Tiëŋkï wek cä gäm piny ka week lakï thïn, ku nämkï takï ee këdun. Acïï Bɛ̈nydït thɔ̈n kuarkun yï: Abraɣam ku Yithaak ku Jakop kekë mïth ke mïthken.’

Nyöŋ 11:13

Ka week, jakï lööŋ cä gäm week ee köölë riëëu Nhialic Bɛ̈nydït Nhialicdun ku yak luööi në piɔ̈ndun ëbɛ̈n.

Nyöŋ 5:10

Ku Yɛn ee nhiëër agɔk nyuöth aguum ke rɛm de kɔc nhiaar Yɛn ku yek lööŋkï gam.

Nyöŋ 7:11

Ka ënɔɔnë, riëëukï, ka cïï ë week wɛ̈ɛ̈t, riëëukï lööŋ kedhie, lööŋ cä gäm week ë köölë.

Nyöŋ 7:9

Takï wenïïm, Bɛ̈nydït Nhialicdun, Yen aye Nhialic Yetök, ku Yen aye Adöt. Abï löŋdɛn cï mac döt, ku nyuth nhiëërdɛn agɔk aguum ke rɛm ë kɔc ee ye nhiaar ku yek lööŋke riëëu,