Nyöŋ 7:1 - JAM DE NHIALIC 2011

¹ Go Mothe ŋoot ke jam an, “Bɛ̈nydït Nhialic abï week bɛ̈ɛ̈i piny bäk lɔ nööm, ku abï juöör juëc cuɔp wei ë ye yic, ku pɛ̈l wek lɔ tueŋ ku bäk juöör kathiërrou dït ku rilkï në week cuɔp wei, kɔc ke Ɣit, ku kɔc ke Girgac, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Nyöŋ 7:1 Iomraidhean Croise

1 Mel 16:31

Abïï ciët kë rɔ̈ŋ ke yen në baŋ bïï en awäny cït këde melik Jerobowam bɛ looi, acï lɔ ku thiɛɛk Jedhebel, nyan de melik Ethabaal de Thidon ku lɛ̈ŋ Baal.

1 Lëk 1:14

Kanaan aya aye kuɛɛrë de kɔc ke Jebuth, ku kɔc ke Amor, ku kɔc ke Girgac.

2 Lëk 8:7

Ku kɔc wään cï döŋ kedhie, kɔc cie kɔc ke Yithriɛl, kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

Edhr 9:1

Na wën acï kakë thök ë luɔi kedhie, ke bäny ke kɔc ke Yithriɛl bɔ̈ tëde yɛn ku luelkï nɔn cï ë kɔc ke Yithriɛl, ku bänykɛn ke kake Nhialic, ku Lebai akënkï röt mɛc wei në juöör cieŋ ë pinyë në karɛc yek looi, cït man tɔ̈u ë jur cɔl Kanaan ku Ɣit ku Peridh ku Jebuth ku Amon ku Mowap ku Rip ku lɔ Amor.

Neɣe 13:23

Në ee aköölkë yiic aya acï bɛ̈n yök nɔn cïï kɔc juëc ke Judai duet ke Acedɔd, ku Ammon, ku Mowap thiaak.

Diɛt 78:55

Acï juöör ceŋ wut bɛ̈n cieec ɣɔn lee ë kɔcke ke ke bɔ̈, go pinyden tɛ̈k dhiëën ke Yithriɛl, ku gëm ɣöötken kɔc ke.

Bɛ̈n 15:7

Yïn ë kɔc de wek ater tiaam, në dhuëëŋduön dïït de tiëm, Yïn ë gɔ̈th, go ke nyop cït wal ril.

Bɛ̈n 23:28

Ku yɛn bï abulbuul tuɔɔc në wenïïm tueŋ, Yɛn bï kɔc ke Ɣib cuɔp wei kueer, ayï kɔc ke Kanaan, ku kɔc ke Ɣit.

Bɛ̈n 23:32

Duökï de män matkï në keek, ayï yiëthken.

Bɛ̈n 23:33

Duökï keek tɔ rɛ̈ɛ̈r pinydun. Të la we ke tɔ rɛ̈ɛ̈r pinydun, abïk week meet në läm de yiëthken, ku tɔkï we lui Ɛn kërac. Të la wek yiëthken lam, abï aa dɛ̈p dïït deepë week.

Bɛ̈n 33:2

Wek bä tuöc tunynhial bï we wat. Ku kɔc ke Kanaan abä keek cuɔp wei, ayï kɔc ke Amor, ayï kɔc ke Ɣit, ayï kɔc ke Peridh, ayï kɔc ke Ɣib, ayï kɔc ke Jebuth.

Bɛ̈n 6:8

Wek bä gäm piny wään cä thɔ̈n Abraɣam, kekë Yithaak, ku Jakop bï ya këde naamdun. Ee Yɛn aye Bɛ̈nydït.’

Lebai 14:34

an, të la wek ɣet piny de Kanaan piny gäm week ke ye këdun, ku tääu dhiëi thïn, dhiën dïït bï tɔ̈u piny ɣööt.

Kuɛ̈n 13:29

Ku kɔc ke Amalek rëër piny thar ciëën të lɔ wöuwic. Ku kɔc ke Ɣit, ayï kɔc ke Jebuth, ayï kɔc ke Amor arëërkï piny ë kuur. Ku kɔc ke Kanaan aa rëërkï në Wɛ̈ɛ̈r Ɣer yɔu, ku në wɛ̈ɛ̈r de Jordan kɔ̈u.”

Kuɛ̈n 14:31

Ku mïthkuön wään cak lueel an bï ke lɔ peec, kek abä lɔ tɔ yök piny wään rɛɛckï miɛt.

Luɔi 13:19

Na wën, aacï juöör riɔ̈ɔ̈k kadhorou paan ë Kanaan, ke ke tek pinyden në deeny cï kek gɛk dɛɛny.

Nyöŋ 11:29

Të le Bɛ̈nydït week lɔ bɛ̈ɛ̈i piny bäk lɔ nöömë, wek bï athiɛɛi aa lueel në kuur de Geridhim nɔm, ku aciɛɛn në kuur de Eebal nɔm.

Nyöŋ 20:1

Go Mothe lueel an, “Të la wek biic, lak thɔ̈ɔ̈r në kɔc ke aterdun, ku lak abëël ke tɔŋ tïŋ, jöŋgöör ku remdïït de tɔŋ wär week në juëc, duökï riɔ̈c në keek, Bɛ̈nydït Nhialicdun Raan wään luäk week në Rip, abï tɔ̈u ke week.

Nyöŋ 20:16

“Ku të la wek pɛ̈ɛ̈nydït lɔ peec, piny gëmë Bɛ̈nydït Nhialicdun week, näkkï kɔc kedhie.

Nyöŋ 31:20

Të lan keek lɔ bɛ̈ɛ̈i piny ee wat në ca ku miök de kiëc, piny wään cä kuëŋ wärken an bä gäm keek ku ëtɛ̈ɛ̈n abïk nïïm dɛ kacaam juëc, abïk röt pɔ̈k yiëth kɔ̈k ku lamkï keek. Ku reeckï yɛn ku dhoŋkï mändï kɔ̈u.

Nyöŋ 31:3

Bɛ̈nydït Nhialicdun abï lɔ lɔɔk ë wenïïm tueŋ. Abï ë juöörkë riɔ̈ɔ̈k në wenyïïn, ku wek bï pinyden nööm. Ku Jocua ayadäŋ abï lɔ lɔɔk në wenïïm tueŋ, cït man cï Bɛ̈nydït ye lueel.

Nyöŋ 4:38

Ku cop juöör dït ku rilkï awär week, ku bïï week thïn, ku gëm week pinyden, piny rɛ̈ɛ̈r wek thïn agut cï ee köölë.

Nyöŋ 6:1

Go Mothe ŋoot ke jam an, “Kakë ayek lööŋ kedhie, lööŋ ë gëmë Bɛ̈nydït Nhialicdun yɛn, bä week bɛ̈n wɛ̈ɛ̈t. Riëëukï keek piny bä wek lɔ thïn ku ɣapkï.

Nyöŋ 6:10

“Të le Bɛ̈nydït Nhialicdun week bɛ̈ɛ̈i piny cï thɔ̈n kuarkun, yï Abraɣam, ku Yithaak ku Jakop an bïï week gäm piny de yic pɛ̈ɛ̈nydït kënkï kek yïk.

Nyöŋ 6:19

Ku we bï kɔc ke aterdun cuɔp wei. Cït man cï ë lueel.

Nyöŋ 6:23

Acï wook luöny bei paan ë Rip ku bïï wook ee tënë ku gëm wook ee pinyë, cït man wään cï yen kuarkuɔ yɔ̈ɔ̈k nɔn yen ë pinyë yen bïï gäm keek.

Nyöŋ 9:1

Go lueel an, “Piɛŋkï kënë, kɔc ke Yithriɛl, ee köölë we kɔɔr bäk tem, ke we lɔ ë wɛ̈ɛ̈r de Jordan nɔm lɔŋtui, bäk piny lɔ nööm, piny de juöör dït ku rilkï awär week. Pɛ̈ɛ̈nydïtken adïtkï, ku acï ke gël ë kɛ̈ldït bär lɔ nhial.

Nyöŋ 9:3

Ku ënɔɔnë, abäk tïŋ ë wenyïïn wapäc, luöi bïï Bɛ̈nydït Nhialicdun cath ë wenïïm tueŋ cït many dɛ̈p. Abäk keek tiaam, të la wek ke we lɔ tueŋ, aguɔkï keek cuɔp wei, ku riäärkï keek nyïïn ëthiäu, cït man cïï Yen e lueel.

Nyöŋ 9:4

“Të cïï Bɛ̈nydït Nhialicdun keek cuɔp wei në biäkdun, duökï ee lueel ë wepiɔ̈ɔ̈th, an ë bïï week ee pinyë bäk bɛ̈n nööm në biäk de piathëpiɔ̈ndun. Ei, Bɛ̈nydït Yen alɔ ee kɔckë cuɔp wei në biäkdun, në luöi ye kek juöör ee karɛc looi.

Jocua 11:3

Ku tɔ thok lɔ tëde kɔc ke Kanaan nu të lɔ aköl amiäk ku të lɔ aköl athɛ̈i ayadäŋ, kɔc nu në Jordan lɔŋë, ayï lɔŋ däŋë, ayï kɔc ke Amor, ayï kɔc ke Ɣit, ayï kɔc ke Peridh, ayï kɔc ke Jebuth nu piny ë kuur, ayï kɔc ke Ɣib, kɔc rɛ̈ɛ̈r në kuur ë Ɣermon thar në piny ë Midhepa.

Jocua 24:11

“Ku ëtɛ̈ɛ̈n, wek ë Jordan bɛ̈n teem kɔ̈u, ku lakï Jeriko. Na wën, ke kɔc ke Jeriko ë ke gäm në week, ayï kɔc ke Amor, ayï kɔc ke Peridh, ayï kɔc ke Kanaan, ayï kɔc ke Ɣit, ayï kɔc ke Girgac, ayï kɔc ke Ɣib, ayï kɔc ke Jebuth. Guɔ keek tɔ tiamkï kedhie.

Jocua 3:10

Yen abä wek en jɔ ŋic ë gɔk luɔi nu ë Nhialic Pïïr në weyiic, ku gamkï aya yen luɔi bï Yen kɔc ke Kanaan cuɔp wei në wenïïm tueŋ, ku cop kɔc ke Ɣit, ku kɔc ke Ɣib, ku kɔc ke Peridh, ku kɔc ke Girgac, ku kɔc ke Amor, ku jɔ aa kɔc ke Jebuth.