Nyöŋ 6:10 - JAM DE NHIALIC 2011

¹⁰ “Të le Bɛ̈nydït Nhialicdun week bɛ̈ɛ̈i piny cï thɔ̈n kuarkun, yï Abraɣam, ku Yithaak ku Jakop an bïï week gäm piny de yic pɛ̈ɛ̈nydït kënkï kek yïk.

Nyöŋ 6:10 Iomraidhean Croise

Cäk 15:18

Ago Bɛ̈nydït mät looi kekë Abram ee köölë, lueel ë Bɛ̈nydït an, “Pinyë acä gäm mïthku, gɔl në aken ë Rip agut cï wɛ̈ɛ̈r ë Yuparat.

Cäk 26:3

Rɛ̈ɛ̈rë ee pinyë, ku yïn bä thieei. Ku piny abä gäm yïn wekë mïthku. Ku gutguutdiën wään cä lɛ̈k Abraɣam wuur, abä thöl thok ënɔɔnë.

Cäk 28:13

Ku tïŋ Bɛ̈nydït akääc në yenɔm nhial, ku piŋ ke lueel an, “Ee Yɛn Bɛ̈nydït, Nhialic de Abraɣam kuaar, kekë Yithaak wuur. Pinyduön niin yïn thïn, abä gäm yïn wekë mïthku.

Neɣe 9:25

Kɔcku acïk wuöt ril ë tör dɔm, ayï piny ee luɔk, ku ɣööt cï thiäŋ ë këriëëc ëbɛ̈n, ku yïth cï thök në wëc, ku duum ke tiim ke olip ku tiim ee luɔk në mïth, ku camkï këriëëcdɛn kɔɔrkï abïk cuai, acïï këriëëc piɛɛth cï gäm keek ëbɛ̈n ke tɔ mit piɔ̈ɔ̈th.

Diɛt 105:44

Ago keek gäm piny de juöör kɔ̈k, ku tɔ keek nöm duumken,

Diɛt 78:55

Acï juöör ceŋ wut bɛ̈n cieec ɣɔn lee ë kɔcke ke ke bɔ̈, go pinyden tɛ̈k dhiëën ke Yithriɛl, ku gëm ɣöötken kɔc ke.

Nyöŋ 1:8

Tiëŋkï wek cä gäm piny ka week lakï thïn, ku nämkï takï ee këdun. Acïï Bɛ̈nydït thɔ̈n kuarkun yï: Abraɣam ku Yithaak ku Jakop kekë mïth ke mïthken.’

Nyöŋ 19:1

Go Mothe lueel an, “Të cïï Bɛ̈nydït Nhialicdun juöör de piny gëm week jɔ riɔ̈ɔ̈k, ku të cä wek pɛ̈ɛ̈nydïtken ku ɣöötken jɔ nööm, ku rɛ̈ɛ̈rkï ëtɛ̈ɛ̈n.

Nyöŋ 31:20

Të lan keek lɔ bɛ̈ɛ̈i piny ee wat në ca ku miök de kiëc, piny wään cä kuëŋ wärken an bä gäm keek ku ëtɛ̈ɛ̈n abïk nïïm dɛ kacaam juëc, abïk röt pɔ̈k yiëth kɔ̈k ku lamkï keek. Ku reeckï yɛn ku dhoŋkï mändï kɔ̈u.

Nyöŋ 6:18

Luɔikï ke cïï Bɛ̈nydït lueel, ee yic ku apiɛth, ku käŋ kedhie abïk piath tëde week. Wek bï piny piɛth nööm, paan wään cïï Bɛ̈nydït thɔ̈n kuarkun.

Nyöŋ 6:23

Acï wook luöny bei paan ë Rip ku bïï wook ee tënë ku gëm wook ee pinyë, cït man wään cï yen kuarkuɔ yɔ̈ɔ̈k nɔn yen ë pinyë yen bïï gäm keek.

Nyöŋ 8:12

Të cä wek nïïm dɛ këcam kaarkï ëbɛ̈n, ku cä ɣöötkuön rɛ̈ɛ̈r wek thïn yïk, ɣööt piɛth,

Nyöŋ 9:1

Go lueel an, “Piɛŋkï kënë, kɔc ke Yithriɛl, ee köölë we kɔɔr bäk tem, ke we lɔ ë wɛ̈ɛ̈r de Jordan nɔm lɔŋtui, bäk piny lɔ nööm, piny de juöör dït ku rilkï awär week. Pɛ̈ɛ̈nydïtken adïtkï, ku acï ke gël ë kɛ̈ldït bär lɔ nhial.

Jocua 24:13

Wek cä gäm wuöt ë cäkkï yïk, ka we rɛ̈ɛ̈r thïn ënɔɔnë. Ku gäm week piny ë kɛ̈nkï kɔn puur, ka wek cam mïth ke Olip, ku mïth ke ŋaap ë kɛ̈n wek tiim com.’