Nyöŋ 4:7 - JAM DE NHIALIC 2011

⁷ “Acïn jur däŋ, cakaa yen ë dït, jur de nɔm yanh thiääk kekë keek, të kɔɔr kek yen cït man ë Bɛ̈nydït Nhialicda, ke wook. Ee lɔ̈ŋda, piŋ të cïï wok en cɔɔl bï wo kony.

Nyöŋ 4:7 Iomraidhean Croise

2 Tham 7:23

Acïn jur däŋ ë piny nɔm cït Yithriɛl, kɔc cï keek bɛ̈ɛ̈i bei në lïïmic ku tɔ keek ee kɔc ke nɔmdu. Ku göök ku kake gäi cï luöi keek cï kɛkdu tɔ thiɛ̈i ë piny nɔm ëbɛ̈n. Yïn acï ke cuɔp wei acï kɛkdu thiäi piny në piny nɔm ëbɛ̈n. Yïn cï juöör kɔ̈k në yiëthken cuɔp wei wään bïï kɔcku bɛ̈n ee pinyë, kɔckuön cï luöny bei në lïïmic ë Rip ke ke bï aa kɔc ke nɔmdu.

Diɛt 145:18

Athiɔ̈k ke kɔc ee ye cɔɔl, kɔc ee yen cɔɔl ë piɔ̈nden ëbɛ̈n.

Diɛt 147:20

Akën ee kënë kɔn luöi juöör kɔ̈k, akuckï lööŋke. Lɛckï Bɛ̈nydït!

Diɛt 148:14

Acï jurde tɔ ril, ke bïï ë kɔcke jɔ leec kedhie, kɔc ke Yithriɛl apiɛthkï tëde yen. Lɛckï Bɛ̈nydït!

Diɛt 34:17

Të cïï kɔc piɛthpiɔ̈ɔ̈th dhiau në Bɛ̈nydït nɔm ke ke kɔɔr kuɔɔny, aye Bɛ̈nydït piŋ, ku luɛ̈k keek bei në nuan cï keek yök yic.

Diɛt 34:18

Bɛ̈nydït ee tɔ̈u tëthiɔ̈k kekë kɔc cï piɔ̈ɔ̈th dhuɔɔŋ, ee kɔc cï ciɛ̈n aŋäth kony.

Diɛt 46:1

Nhialic Yen ee gëlgëlda ku riɛlda, atɔ̈u ëceŋ ke bï wo kony në akööl ke nuan.

Diɛt 73:28

Ku në biäkdï ee këpiɛth aläl bä thiääk wo Nhialic, Bä kuɔɔny aa yök tëde Bɛ̈nydït Nhialic, ku bä kakɛn cï looi ëbɛ̈n luɛɛl!

Diɛt 85:9

Ee yic Nhialic ade piɔ̈u luɔi bïï yen kɔc ee Ye riëëu kony, ku riɛldɛn ë kuɔɔny abï rɛ̈ɛ̈r pinyda.

Yith 43:4

Yɛn bï juöör ke piny pɔ̈l agokï we kony wëi, në biäk nhiaar ɛn we ku gäm we dhuëëŋ.

Yith 55:6

Pukkï röt Bɛ̈nydït ku läŋkï, ënɔɔnë yen athiɔ̈k.

Kuɛ̈n 23:21

Acïn riääk cï tiëŋ baai de Jakop. Ku cïn kërɛɛc ŋïc ë Yithriɛl. Bɛ̈nydït Nhialicdɛn atɔ̈u ke keek, ku agamkï nɔn yen meliŋden.

Kuɛ̈n 23:9

Kɔc ya woi ke ya kääc tëthöny. Ku tïŋ keek ke ya nu në kuur nɔm. Ee kɔc lɛɛn rɛɛr pei ke ke ye wut, Kɔc cïï röt ee kuɛɛn në juöör kɔ̈kiic.

Luɔi 17:27

Luɔi bï kek Bɛ̈nydït aa kɔɔr, agokï piny ruany, nɔn de të bï kek e yök, ciɛk an, mec tëde wook wodhie:

Nyöŋ 26:19

Abï week tɔ dït awär juöör cï cak ëbɛ̈n, ku wek bï lɛc ku riëëu yiɛ̈n rinke. Wek bï aa kɔc ɣeriic ke Bɛ̈nydït Nhialicdun cït man cï Yen e lueel.

Nyöŋ 33:29

Kɔc ke Yithriɛl, ee miɛt ë piɔ̈u cït ŋö, duëër wek piɔ̈ɔ̈th miɛt! Acïn kɔc cït week, jur ye Bɛ̈nydït kony. Ku Bɛ̈nydït guöp Yen aye köndun ku ye abätäudun, ee week kony ku tɔ we tiëm. Kɔc ke aterdun abïk bɛ̈n, bïk we lip, në kok bä wek piɔ̈ɔ̈th kok, ku ɣäänkɛn ke läm abäk keek duöm piny.

Nyöŋ 4:32

“Thiëckï ënɔɔnë në biäk ë akööl ɣɔn thɛɛr, akööl ɣɔn kënë we kɔn dhiëëth, lɔɔr ciëën ya agut cï të ɣɔn bï Nhialic raan cak ë pinynɔm, kɔɔr piny nɔm ëbɛ̈n. De këdïït cït e kënë cï kɔn tuöl wään tueŋ? De raan cï kë cït ee kënë kɔn piŋ?

Nyöŋ 5:26

De raan cï kɔn pïïr, raan cï Nhialic Pïïr piŋ ke jam ë macic?

Jakop 4:8

Yak röt cuöt Nhialic, ke bï rɔt aa cuöt week. Wakkï wecin abïk piath, we kɔc ee kërac looi, ku takï wepiɔ̈ɔ̈th agɔk, wek kɔc ee piɔ̈ɔ̈th rou.