Nyöŋ 4:6 - JAM DE NHIALIC 2011

⁶ Riëëukï keek ë piɔ̈n adöt, yen ee kënë abï pɛlënɔmdun ku ŋïnydekäŋdun nyuöth juöör. Të lee kek ë lööŋkë piŋ kedhie, abïk aa lueel an, ‘Ee yic jurë aŋic käŋ ku ade pɛlënɔm dït!’

Nyöŋ 4:6 Iomraidhean Croise

1 Mel 4:34

Ku meliik ke juöör ëbɛ̈n aake ye kɔcken tuööc bïk pɛlënɔm de Tholomon bɛ̈n piŋ.

Jop 28:28

Go lɛ̈k mɛnh ë raan an: “Riëëu de Bɛ̈nydït ee yen ee pɛlënɔm, ku pɔ̈kdu wekë luɔi de kërac ee yen ee yöŋ de käŋiic.”

Diɛt 111:10

Rïïu ye Bɛ̈nydït riëëu, ee göl de pɛlënɔm, ku yöŋ de käŋiic apiɛth anu tëde kɔc ee lööŋke looi kedhie. Bɛ̈nydït abï leec aɣet athɛɛr.

Diɛt 19:7

Löŋ de Bɛ̈nydït acï dikëdik, ee kɔc kɔ̈c bɛ tɔ ril. Yöök de Bɛ̈nydït alɔ gɔk, ee kɔc cïn nïïm tɔ pel nïïm.

Diɛt 19:8

Lööŋ ke Bɛ̈nydït ayek yic, ayek kɔc ee ke gam tɔ mit piɔ̈ɔ̈th. Yöök de Bɛ̈nydït alek wai, ayek kɔc gäm yöŋ de käŋ yiic.

Kɛ̈ŋ 1:4

Abïk raan cïn piɔ̈u tɔ yök pɛlënɔm, ku tɔkï dhuök yök ŋïnydekäŋ ku pɛ̈ɛ̈kden.

Kɛ̈ŋ 1:5

Kek ee kɛ̈ŋkë aduëërkï raan pelnɔm ŋuak aya në pɛlënɔm, ku gëmkï raan ë käŋ yökiic kïït lɔ gɔk.

Kɛ̈ŋ 1:7

Riëëu rïïu ë raan Bɛ̈nydït, yen aye göl de ŋïny ë käŋ. Dhän ayek pɛlënɔm dhɔ̈lic, ku reeckï wëët.

Kɛ̈ŋ 14:34

Piathëpiɔ̈u ee jur jat nhial, ku luɔi de kërac ee kɔc riɔ̈ɔ̈k.

Kɛ̈ŋ 14:8

Pɛlënɔm ee ŋiëc ciët, ku pial ë piɔ̈u ee ya mɛth.

Yith 42:21

Bɛ̈nydït aa mit piɔ̈u ke piathëpiɔ̈nde, acï löŋde ku wëëtde tääu nhial, akɔɔr bïï ë kɔcke aa riëëu guöp.

Jeremia 8:9

Röörkuön pelnïïm acï keek tɔ yäär, acïk nïïm mum ku dɔm keek. Acïk jamdï rɛɛc, ee pɛlënɔm ŋö jɔ tɔ̈u ke keek ënɔɔnë?

Edhekiɛl 5:5

Acïï Bɛ̈nydït Awärjäŋ lueel an, “Tiëŋkï Jeruthalem. Acä tääu ë juöör yiic cil, ku jɔ piiny kɔ̈k tɔ̈u ë yelɔ̈ɔ̈m ëbɛ̈n.

Danyel 1:20

Ku në këriëëc yic ëbɛ̈n, kë ye melik luɔp në pɛlënɔm kekë ŋïnydekäŋ, aye wäthii kaŋuan keek ŋic raanthiëër awär kɔc ee thuëth, ku kɔc ee cɔ̈ɔ̈r në ciɛɛŋ ë melikic ëbɛ̈n.

Danyel 4:9

Beltecadhar, bɛ̈ny de kɔc ee cɔ̈ɔ̈r, aŋiɛc nɔn tɔ̈u ë wëi ke Nhialic ɣeric atɔ̈u ë yïguöp ku yïn ee kacïmoonyë yökiic ëbɛ̈n. Kënë në yïn, ku yïn ee kacïmoonyë ëbɛ̈n yökiic. Kënë ee nyuöthdï. lɛ̈kë yɛn kë lueel.

Ɣodh 8:12

Acä keek gäär këriëëc kith ëbɛ̈n në këde lööŋkï, gokï ke rɛɛc abïk ciët kak ë gɛ̈ɛ̈rë kɔc kɔ̈k pei.

Malakai 3:12

Ku juöör ke piny nɔm kedhie, abïk week aa cɔɔl an kɔc cï thieei, në luɔi bï pinydun aa piny läk arëët, kë lueel ë Bɛ̈nydït de rɛm ka.

Nyöŋ 29:9

Riëëukï cök ke ë löŋ cï macë kedhie në piɔ̈n adöt, aguɔkï tiam në këriëëc yak looi yic ëbɛ̈n.

Nyöŋ 32:46

Go lueel, an, “Luɔikï apiɛth luɔi bä wek lööŋ ke Bɛ̈nydït riëëu kedhie kek lööŋ gäm ke week ëköölë. Yak ke nyɔ̈kiic mïthkun, agokï wëët de Nhialic ëbɛ̈n döt ku rïïukï.

Nyöŋ 32:47

Kek ee wëëtë acïkï ee jam ɣɔ̈ric, kek aye pïïrdun. Riëëukï keek, ku wek bï ceŋ arëët në piny la wek thïn ë Jordan lɔŋtui.”

2Tim 3:15

ku ŋic kënë aya an, ɣɔn ee yïn mɛnhthiinakäŋ, yïn ë ŋic kacïgɔ̈ɔ̈r kaɣer yiic, ka cath në riɛl bïk yï tɔ ye raan pelnɔm aɣet kuny bï yï kony wëi në gäm cï yïn Kërtho Yecu gam.

Jakop 3:13

Eeŋa ë weyiic raan pelnɔm ku ye raan ŋic käŋ? Ee ye luɔide nyuɔɔth në rëër ŋic en rëër ke ye rɔt kuɔɔr piny ë kuur ee raan pelnɔm rɔt kuɔɔr piny.