Nyöŋ 4:5 - JAM DE NHIALIC 2011

⁵ “Wek cä keek wɛ̈ɛ̈t ë lööŋ kedhie, cït man cïï Bɛ̈nydït Nhialicdï ya yɔ̈ɔ̈k an luɔi. Riëëukï keek në ee piny bäk lɔ rumë ku cieŋkï.

Nyöŋ 4:5 Iomraidhean Croise

Diɛt 71:17

Yïn cï ya wɛ̈ɛ̈t ɣɔn ŋuɔɔt ɛn ke ya ye dhuk, ku yɛn ŋoot ke ya lueel kakuön ke gäi.

Bɛ̈n 18:20

Ye ke nyuöth kë cïï Nhialic lueel. Ku wɛ̈ɛ̈rë ke rëër bï kek aa rëër, ayï kë bïk aa looi.

Jeremia 11:6

Na wën, go ë Bɛ̈nydït lɛ̈k ɛn an, “Lɔɔr ë pɛ̈ɛ̈nydït ke Juda yiic ku kuɛɛr ke Jeruthalem yiic. Luel jamdï ëtɛ̈ɛ̈n, ku lɛ̈kë kɔc bïk cök ke löŋ cï mac piŋ ku bïk keek riëëu.

Edhekiɛl 20:11

Acä ke yɔ̈ɔ̈k ku wɛ̈ɛ̈tke në lööŋkï, lööŋ ee raan ëbɛ̈n gäm pïïr, raan rïïu keek.

Lebai 19:19

Döt lööŋkï, du läi wuöc gup ee tɔ kac röt, du dom tök ee cuömic kɔ̈th wuöc gup, du lupɔ cï nuɛ̈ɛ̈t kɔ̈ɔ̈th në lupɔ wuöc kek ee cieŋ.

Lebai 26:46

Kakë ayek wëët, ku lööŋ, ku jam ë lueel Bɛ̈nydït, në kuur ë Thinai nɔm, lɛ̈k keek Mothe bï ke guiëër kɔc ke Yithriɛl.

Lebai 27:34

Kakë ayek lööŋ ke Bɛ̈nydït, lööŋ ë gëm keek Mothe ë kuur ë Thinai nɔm, bï keek lɛ̈k kɔc ke Yithriɛl.

Lebai 7:38

Lööŋ aa bïï Bɛ̈nydït ke gäm Mothe në kuur de Thinai nɔm, bïk miɔ̈cden yiɛ̈n Bɛ̈nydït në jɔ̈ɔ̈r de Thinai yic.

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Luɔi 20:27

Luɔi cän week lɛ̈k löŋ de Nhialic ëbɛ̈n, acïn kë cä mɔ̈ny week.

1 Kor 11:28

Ë raan kɔn rɔt thiëëc, ku bï jɔ cam ee kuïnë, ku dëk ee bïnyë.

1 Kor 15:3

Yɛn ë jam kɔn yiɛ̈n week ɣɔn, jam cä nööm ayadäŋ, jam ë thon cï Kërtho thou në biäk de karɛckuɔ acït man cï këcïgɔ̈ɔ̈r e lueel,

Nyöŋ 11:32

Ku dɔ̈tkï apiɛth në luɔi bä wek lööŋ gäm ke week kedhie ee köölë riëëu.

Nyöŋ 4:1

Na wën ke Mothe ë yöök kɔc, an, “Riëëukï lööŋ nyuöth ke weekë kedhie, ku wek bï pïïr, ku ruömkï piny, bïï Bɛ̈nydït Nhialic de kuarkun gäm week.

Nyöŋ 4:2

Duökï jam lɛ̈k weekë ŋuak nyin në däŋ pei, ku duökï de biäk bɛ̈ɛ̈ikï bei thïn. Riëëukï lööŋ ke Bɛ̈nydït Nhialicdun, lööŋ cä ke gäm wek.

Nyöŋ 4:4

ku wek kɔc adööt ee jam de Bɛ̈nydït Nhialicdun gam, wek ŋoot ke we pïïr aɣët cï ëköölë.

Nyöŋ 4:40

Riëëukï lööŋke kedhie, lööŋ cä gäm week ee köölë, ku käŋ kedhie abïk piath tëde week ku kuatdun. Ku wek bï ceŋ apiɛth, piny bïï Bɛ̈nydït Nhialicdun gäm week, ke bïï aa këdun aɣet athɛɛr.

Nyöŋ 5:1

Go Mothe kɔc ke Yithriɛl cɔɔl tëtök kedhie ku yöök keek, an, Wek kɔc ke Yithriɛl piɛŋkï lööŋ gäm ke week ee köölë, ŋiɛckï keek ëgɔk, ku dhiɛlkï keek riëëu.

Nyöŋ 6:1

Go Mothe ŋoot ke jam an, “Kakë ayek lööŋ kedhie, lööŋ ë gëmë Bɛ̈nydït Nhialicdun yɛn, bä week bɛ̈n wɛ̈ɛ̈t. Riëëukï keek piny bä wek lɔ thïn ku ɣapkï.

Nyöŋ 7:11

Ka ënɔɔnë, riëëukï, ka cïï ë week wɛ̈ɛ̈t, riëëukï lööŋ kedhie, lööŋ cä gäm week ë köölë.

Nyöŋ 8:11

Dɔ̈tkï apiɛth nɔn cä wek nïïm bï määr ë Bɛ̈nydït Nhialicdun, dɔ̈tkï lööŋkɛn cä gäm week ee köölë kedhie ku yak ke riëëu.

Ɣeberuu 3:5

Ku Mothe aaye raan adöt në luɔi de dhiën ë Nhialic nɔm tëde kɔcke kedhie. Ku ye keek guiëër ka bï lueel rial wadäŋ.