Nyöŋ 4:26 - JAM DE NHIALIC 2011

²⁶ Yɛn cï tënhial cɔɔl kekë piny ee köölë, bïk bɛ̈n daai në këdun, an, na lak yɛn cïï lɔ riëëu, ke we bï dap riäär ee pinyë yic. Wek cïï bï rëër aläl në ë piny tɔ̈u ë Jordan nɔm lɔŋtui, pinyduön bäk lɔ nöömë. Wek bï riɔ̈ɔ̈r nyïïn taitai.

Nyöŋ 4:26 Iomraidhean Croise

Cäk 19:13

Në luɔi kɔɔr wok nɔn bï wok ee wunë riɔ̈ɔ̈k. Në baŋ cï kiɛɛu de kɔckë dït arëët tëde Bɛ̈nydït. Ka wok aa tooc ë Bɛ̈nydït buk bɛ̈n riɔ̈ɔ̈k.”

1 Mel 9:7

ku Yɛn bï kɔc ke Yithriɛl nyaai piny wään cä gäm keek, ku Yɛn bï ë Luaŋdïïtë pɔ̈l, Luaŋdïït cä tɔ ɣeric ke ye të bïï Ya aa lɔ̈ŋ thïn. Ku Yithriɛl abï aa kääŋ tëde raan ëbɛ̈n, ku abïï yɔŋ.

Yith 1:2

Go Bɛ̈nydït lueel an, “Yïn piny ku paannhial piɛŋkï kë luɛɛl! Mïthkiën wään cä muk acïk A rɛɛc thok.

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Jeremia 16:13

Ku ëtɛ̈ɛ̈n, wek bä cuɔp wei ee pinyë lɛɛr week piny kënkï kɔn tïŋ ku kën ë kuarkun kɔn tïŋ. Ku wek bï yiëth kɔ̈k jɔ aa luööi ëtɛ̈ɛ̈n aköl ku wakɔ̈u, ku acïn kokëpiɔ̈u bä nyuöth week.’”

Jeremia 2:12

Ku Yɛn ë tënhial yɔ̈ɔ̈k bïï rɔt nieeŋ në riɔ̈ɔ̈cdït, ago kɔc tɔ gäi ku pɛ̈ukï,

Jeremia 22:29

Piny oou! Piny oou! Piŋ kë cïï Bɛ̈nydït lueel:

Jeremia 32:24

“Ku kɔc ke Babilon acïk pänydït tuɔɔk cil ku akɔɔrkï bïk peec, ku amɛkkï ënɔɔnë. Tɔŋ, ku cɔk, ku jɔk abï pänydït tɔ lööny ë kecin. Aduëërë tïŋ kek ka wään cï lueel ëbɛ̈n acïk aa yic.

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Jeremia 6:19

Ku yïn piny piëŋë! Ku në biäk luöi Yɛn täŋdɛn rac këtuc ëbɛ̈n, Yɛn bï riääk bɛ̈ɛ̈i në ee kɔckë gup, në biäk cï kek wëëtdï rɛɛc ku kënkï wëlkï riëëu.

Edhekiɛl 33:28

Yɛn bï piny tɔ cïnic raan ceŋ en, ku riɛl wään ye kek röt lɛɛcë abï thök. Kur ke piny de Yithriɛl abïk aa roor, ka cïn raan bï bɛ aa tëëk ëtɛ̈ɛ̈n ë keyiic.

Edhekiɛl 36:4

Ka ënɔɔnë piŋ kë luɛɛl Yɛn Bɛ̈nydït Awärjäŋ, lɛ̈kë ee kurkë ku kur kor, ku nyïïn ku wɛ̈k, ku ɣään cï nyääŋ piny ke ke cï riääk, ku pɛ̈ɛ̈nydït cï nyääŋ piny cï ke yak yiic, ku ye ke dɔl gup në juöör thiääk në week.

Lebai 18:28

Ku na lak piny lɔ riɔ̈ɔ̈k. Abï week ŋak wei, cït man ɣɔn kɔn en juöör wään tɔ̈u ë wenïïm tueŋ ŋak wei.

Maika 1:2

Go Maika lueel an, “Piɛŋkï wek juöör cieŋ pinynɔm ëbɛ̈n! Bɛ̈nydït Nhialic yen abï kërɛɛc cäk looi nyuɔɔth ëgɔk. Piɛŋkï! Abï jam ke nu luaŋdɛn ɣeric paannhial.

Maika 6:2

Piɛŋkï jam de Bɛ̈nydït wek kur, wek këërkëër de pinynɔm. Bɛ̈nydït ade nɔm wël kekë kɔcke, agɛɛny kɔc ke Yithriɛl.

Luk 21:24

Ku abï ke nɔ̈k ë abätäu, ku pec ke leerëke ë Juöör yiic ëbɛ̈n: ku Jeruthalem abï käcic ë Juöör, a thöökë run ke Juöör.

Nyöŋ 11:17

Na lak looi, Bɛ̈nydït abï piɔ̈u rac ke week. Abï deŋ tɔ kääc tënhial, ka pinydun abï ril wei aläl, ka acïn rɛɛp bï cil. Ku ëtɛ̈ɛ̈n, wek bï thou ëtɛ̈ɛ̈n, cakaa nɔn yen piny piɛth yen gäm week.

Nyöŋ 28:20

“Na lak kërac lɔ looi ku rɛɛckï Bɛ̈nydït, abï riääk bɛ̈ɛ̈i tëde week, ku anuɔɔn, ku nuan në këriëëc yak looi yic ëbɛ̈n, agut të bï Yen we dap riɔ̈ɔ̈k liŋliŋ.

Nyöŋ 28:22

Bɛ̈nydït abï we tuöc jɔɔk ee kɔc nɔɔl, ku bɔ̈ɔ̈t, ku atuöc, abï week tuöc cɔk, ku kupiɔ̈r tuc bï rɛɛpkun riɔ̈ɔ̈k. Yen ee riääkkë abï tɔ̈u ke week aɣët të bä wek thou.

Nyöŋ 28:45

“Kek ee riääkkë kedhie abïk bɛ̈n tëde week, ku abïk tɔ̈u në week agut të bïï ë week riɔ̈ɔ̈k, në biäk kën wek Bɛ̈nydït Nhialicdun riëëu, ku dɔ̈tkï lööŋkɛn cï gäm week kedhie.

Nyöŋ 28:61

Ku Yen aya abï jɔɔk kithiic ee kɔc thöl ëbɛ̈n tuööc, jɔɔk kën ë ke lueel në awerekë yic awerek de lööŋ ku wɛ̈ɛ̈t de Nhialic, ku wek bïï riɔ̈ɔ̈c.

Nyöŋ 29:28

Go Bɛ̈nydït gɔ̈th aläldïïtë, ku në agönhdɛndït, acï kek bɛ̈n cuän bei pinyden ku cuɛt keek piny lei, ku yen të rëër kek ka e köölë.

Nyöŋ 31:28

Kuötkï röördït ke dhiëënkun ku bänykun kedhie në yanɔm aguɔ ee wëlkë bɛ̈n lueel ke ke piŋ. Ku caal paannhial kekë piny bïk aa cäätɔ në këden.

Nyöŋ 32:1

Yïn piny wekë paannhial, piɛŋkï wëëtdï, piɛŋkï këdiën luɛɛl apiɛth.

Nyöŋ 7:4

Në luöi bïï duetken wɛ̈ɛ̈tkun pɔ̈k piɔ̈ɔ̈th wei tëde Bɛ̈nydït ku lamkï yiëth kɔ̈k. Të lee ë kënë rɔt looi Bɛ̈nydït abï gɔ̈th ke week ku riëër wenyïïn raantök.

Nyöŋ 8:19

Duökï nïïm kɔn määr në Bɛ̈nydït Nhialicdun. Ku duökï yiëth kɔ̈k kɔn lam ku duökï ke luui. Wek yɔ̈ɔ̈k ee köölë, të la wek yen lɔ looi, wek bä riɔ̈ɔ̈r nyïïn ë yic.

Nyöŋ 8:20

Na cäkkï Bɛ̈nydït lɔ riëëu, ke we bï riɔ̈ɔ̈r nyïïn cït juöör ɣɔn kɔn ë ke riɔ̈ɔ̈r nyïïn në wenïïm, në baŋ kɛ̈n wek röl de Bɛ̈nydït Nhialicdun piŋ.

Jocua 23:16

Të la wek löŋ de Bɛ̈nydït Nhialicdun dhoŋ kɔ̈u, löŋ cï thɔ̈n week, ku lak yiëth kɔ̈k lam, ku luöikï keek, Bɛ̈nydït abï gɔ̈th ke week arëët, ku riëëk week arëët në piny piɛth cï gäm week.”

Jocua 24:20

Të la wek Bɛ̈nydït puɔ̈l, ku lamkï yiëth, Bɛ̈nydït abï we luöi këtuc. Të la wek En wööc piɔ̈u, abï we riɔ̈ɔ̈k na cakaa nɔn piɛth En ke week.”