Nyöŋ 4:10 - JAM DE NHIALIC 2011

¹⁰ Abäk keek lɛ̈k kööl ë kääc wek ë Bɛ̈nydït Nhialicdun nɔm ë kuur ë Thinai nɔm, wään yɔ̈ɔ̈k En yɛn an, ‘Kut kɔc nïïm. Akaar bïk kë bä lɛ̈k keek piŋ, agokï piööc në riëëu bï kek Yɛn aa riëëu ë pïïrdenic, ku agokï mïthken aa wɛ̈ɛ̈t bïk yɛn aa riëëu.’

Nyöŋ 4:10 Iomraidhean Croise

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

Diɛt 145:4

Kë cï looi abïï aa leec ë rem tɔ̈u ënɔɔnë ayï rɛm bï lɔ̈ɔ̈k bɛ̈n, abïk kadït cï looi aa luɛɛl.

Bɛ̈n 19:1

Go kɔc ke Yithriɛl jäl Repidim, na kööl ye pɛɛi ye pɛ̈i diäk thok tök, pɛɛi ɣɔn jël kek paan ë Rip, ke ke jɔ ɣet ë jɔ̈ɔ̈r ë Thinai yic. Agokï lɔ piɔ̈ɔ̈t në jɔ̈ɔ̈r ë Thinai yic.

Bɛ̈n 19:11

Na rutui, ke ke jɔ röt guiɛɛr piny. Yɛn bï bɛ̈n piny ë kuur nɔm rutui, bä të bï kɔc A tïŋ kedhie.

Bɛ̈n 19:16

Na ɣɔn amiäk, në kööl ye akööl diäk, ke deŋ ë ye rel ku wil deŋ, ku tiëc gökdïït ë luät në kuur nɔm, ku piŋ röl de kaaŋ cï lɔ gaŋgaŋ. Go riɔ̈ɔ̈c kɔc nu në pɛɛny yiic lath kedhie.

Bɛ̈n 19:9

Go Bɛ̈nydït lɛ̈k Mothe an, “Yɛn bï bɛ̈n të nu wekë në gök dïït ë luätic, ke kɔc ke Yithriɛl ë ke bï Ya piŋ röl të jaam ɛn wo yïn, ke ke bï jɔ gam aɣet athɛɛr.” Go Mothe Bɛ̈nydït guiëër kë cïï kɔc puk nɔm.

Bɛ̈n 20:18

Na wën, aa piŋ kɔc rel ë deŋ, ku piŋkï kaaŋ akoth, ku tïŋkï wil ë deŋ, ku tïŋkï kuur ke tol, acïï riɔ̈ɔ̈c ke bɛ̈n lath, gokï kɔ̈ɔ̈c tëmec.

Bɛ̈n 20:20

Go Mothe puɔ̈k nɔm keek an, “Duökï riɔ̈c. Nhialic abɔ̈ tei bï we bɛ̈n them, ku riɔ̈ɔ̈c riääc wek ë yen acïï we bï tɔ loi kërac.”

Wɛ̈ɛ̈t 12:13

Kë ciëën bä lɛ̈k yïn në ee kakë cök kedhie yekï: Ye riɔ̈ɔ̈c në Nhialic, ku döt lööŋke, në baŋ ye kënë luɔɔi de raan ëbɛ̈n.

Yith 38:19

Ee kɔc pïïr kek aye yïn leec, cït man lɛɛc ɛn Yïn ënɔɔnë. Wärken ke mïth ku märken ke mïth, ayek mïthken lɛ̈k piɔ̈nduön adöt.

Luk 1:50

Kok de yenpiɔ̈u ee tɔ̈u kekë kɔc riëëu en, Remë ku remë aɣët wadäŋ.

Nyöŋ 11:19

Wɛ̈ɛ̈tkï mïthkun në keek. Yak jam në biäkden të täu wek baai, ayï të liɛɛu wek baai, ayï të läŋ wek, ayï të luööi wek.

Nyöŋ 12:1

Kakë ayek lööŋ bäk keek dhil döt apiɛth të cä wek lɔ piny cï Bɛ̈nydït Nhialic de kuarkun gäm week, bäk lɔ nööm në akööl bä wek rëër ëbɛ̈n ë piny nɔm.

Nyöŋ 14:23

Ku jakï lɔ të töŋ cïï Bɛ̈nydït Nhialicdun lɔc bï ë Yen aa lam thïn, në Yelɔ̈ɔ̈m ëtɛ̈ɛ̈n, jakï töŋ de thiëërdun cam, töŋ de thiëër de anyuɔl, ku mɔ̈u, ku miök de olip, ku kɛ̈i de weŋ kekë thök. Luɔikï ee kënë ke we bï riëëu de Bɛ̈nydït Nhialicdun ŋic ë aköölnyïïn ëbɛ̈n.

Nyöŋ 17:19

Abï awerek muk ë yelɔ̈ɔ̈m, ku abï ya kueenic në pïïrde yic ëbɛ̈n, ago riëëu de Bɛ̈nydït ŋic ku bïï këriëëc cï lueel ëbɛ̈n riëëu në piɔ̈n adöt.

Nyöŋ 4:9

Tiɛtkï röt apiɛth! Ku ŋiɛckï ë gɔk aguɔkï nïïm cuö mär në pïïrdunic ëbɛ̈n, ka cäk tïŋ në wenyïïn kedhie. Lɛ̈kkï keek mïthkun ku mïth ke mïthkun.

Nyöŋ 5:2

Në kuur de Thinai nɔm, Bɛ̈nydït Nhialicda acï mät looi.

Nyöŋ 5:29

Na yek kë cït ee kënë tak aya aköölnyïïn! Ku na yek ya riëëu guöp ku rïïukï lööŋkï kedhie, ago piath ke keek ayï kuatden aɣet athɛɛr.

Nyöŋ 6:2

Në pïïrdun yic ëbɛ̈n, week ku mïth ke mïthkun, wek bï Bɛ̈nydït Nhialicdun dhil riëëu guöp, ku riëëukï lööŋke kedhie, lööŋ gäm week, aguɔkï rëër në run juëc ë piny gäm week nɔm.

Nyöŋ 6:7

Wɛ̈ɛ̈tkï mïthkun në keek, yakï ke nyɔ̈ɔ̈kiic të rɛ̈ɛ̈r wek baai ayï të rɛ̈ɛ̈r wek tëmec ayï të cä wek lɔ̈ŋ ayï të luööi wek.

Ɣeberuu 12:25

Ënɔɔnë yak röt jɔ tiit ke we cïï bï jäi të jiëëm ë Nhialic week. Na kën kɔc wään piŋ rölde, ɣɔn jiëëm En keek ë Mothe thok ë piny nɔm eenë poth taitai! Yak tak duɛ̈ɛ̈rkï poth të rɛɛc wek Yecu raan jiëëm week paannhial!

Nyuuth 19:5

Ku bɔ̈ röl ë raan bei ë thöönydïtic, lueel, an, “Lɛckï Nhialicda, wek lïïmke kedhie, wek kɔc ee ye riëëu, kɔc kor ayï röördït!”

1 Tham 12:24

Riëëukï Bɛ̈nydït, ku luööikï apiɛth në piɔ̈ndun ëbɛ̈n. Takï wenïïm në kajuëc cï keek luöi week