Nyöŋ 32:3 - JAM DE NHIALIC 2011

³ Yɛn bï rin ke Bɛ̈nydït aa cɔɔl, pianykï luɔidït ë Nhialicda.

Nyöŋ 32:3 Iomraidhean Croise

1 Lëk 17:19

Ee këde piɔ̈ndu ku täŋdu yen alui yïn yɛn ee kakë, ku bä yɛn nyuöth dïtdiën tɔ̈u tueŋ.

1 Lëk 29:10

Ëtɛ̈ɛ̈n Debid ë Bɛ̈nydït bɛ̈n leec ke amatnɔm ë tɔ̈u thïn ëbɛ̈n, ku lueel an, “Thieithieei në Yïn Bɛ̈nydït, Nhialic de kuɛɛrëda Jakop, Yïn bï aa leec aɣet athɛɛr!

1 Lëk 29:11

Bɛ̈nydït, Yïn dït, ku yïn ril, ku yïn de dhuëëŋ, ku yïn de tiëm, ku yïn de diɛk. Në biäk ye ka tɔ̈u paannhial kedhie ku ka tɔ̈u piny kedhie kaku, ku ciɛɛŋ ee këdu Bɛ̈nydït, ku Yïn tɔ̈u nhial në käŋ nïïm kedhie.

1 Lëk 29:13

Ënɔɔnë Nhialicda, Yïn cuk leec, ku wok cï rinkuön ke dhuëëŋ piɔɔny.

Diɛt 150:2

Lɛckï në biäk de ka dït cï ke looi. Lɛckï dïtdɛn wär käŋ ëbɛ̈n.

Bɛ̈n 20:24

Yiëkkï ya yïïŋ ë tiɔp. Ku yak thökkun gam në yenɔm, ayï ɣɔ̈k ke ke ye miɔ̈c ye nyop ëbɛ̈n, miɔ̈c de mät. We cä gäm ɣään juëc bä wek Ɛn aa lam thïn. Ku Yɛn bï ya bɛ̈n ëtɛ̈ɛ̈n bä we bɛ̈n thieei.

Bɛ̈n 33:19

Go Bɛ̈nydït puk nɔm an, “Piathdï ëbɛ̈n abä tɔ tëk ë yïnɔm, ku rinkï abä ke lueel në yïnɔm, rin ɣeriic. Ee Yɛn Bɛ̈nydït, Yɛn ee kɔc cä lɔc nyuöth kok de Yapiɔ̈u, ayï dhuëëŋdï.

Bɛ̈n 6:3

Yɛn aye Nhialic Awärjäŋ. Yɛn acï tuöl ɣɔn tëde Abraɣam, ku Yithaak, ku Jakop. Ku akɛ̈n ke bɛ̈n nyuöth rinkiën ɣeriicë, rin ke Bɛ̈nydït.

Jeremia 10:6

Bɛ̈nydït, acïn raan cït Yïn, Yïn Dït, ku rinku adïtkï ku arilkï.

Jeremia 23:6

Të ye Yen, kɔc ke Juda abïï ke luök, ku kɔc ke Yithriɛl abïk rëër ë mät. Abïï aa cɔɔl an, ‘Bɛ̈nydït ee piathëpiɔ̈nda.’

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Jɔn 17:26

Ku acä ke tɔ ŋic rinku, ku abä ke tɔ ŋic, ke nhiëër ee yïn a nhiaar bï nu ë keyiic, ku nuö ë keyiic.”

Jɔn 17:6

Yɛn ë kɔc nyuöth rinku ëgɔk, kɔc wään cï gäm ɛn ë piny nɔm: aake ye kɔcku, ku yïn aa gëm ke yɛn, ku acïk jamdu muk,

Epethiei 1:19

ku lak riɛldɛn dït ŋic, dït dïït en aläl awär këriëëc, riɛldɛn dïït cï nyuöth wook wok kɔc cï gam, acït man ë luɔi de riɛldɛn dïït agök,

Nyöŋ 3:24

‘Yïn Awärjäŋ Bɛ̈nydït, aŋiɛc nɔn cï yïn yɛn nyuöth luɔi ë gɔl ë kakuön ke gäi röt ku ka bä keek lɔ looi. Acïn yanh nu nhial ayï pinynɔm, yanh duëër göök dït looi keek looi.

Nyöŋ 5:24

ku luelkï, an, ‘Bɛ̈nydït Nhialicda acï wo nyuöth dïtde, ku dhuëëŋde, të wën piŋ wok en ke jam ë macic! Ee köölë acuk tïŋ nɔn duëër ë raan ŋoot ke pïïr, cakaa nɔn cïï Nhialic jam kekë yen.

Nyuuth 15:3

Ku kitkï din ë Mothe lïm ë Nhialic, ku din ë Nyɔŋamääl, luelkï, an: “Yïn Bɛ̈nydït Nhialic Awärjäŋ, luɔidu adït ee kɔc tɔ gäi! Yïn Melik de Juöör kuɛɛrku apiɛthkï ku yek yith!