Nyöŋ 30:2 - JAM DE NHIALIC 2011

² Na lak röt lɔ pɔ̈k Bɛ̈nydït, ke week në mïthkun wedhie, ku riëëukï lööŋ ke Bɛ̈nydït në piɔ̈ɔ̈thkun ëbɛ̈n, lööŋ gäm ke week ee köölë

Nyöŋ 30:2 Iomraidhean Croise

1 Lëk 29:17

Ku aŋiɛc Nhialicdï nɔn Yïn kɔc them piɔ̈ɔ̈th, ku Yïn ee piɔ̈u miɛt wekë raan lɔ piɔ̈n wai. Në riëëu ku piɔ̈ndiën lɔ wai, yɛn cï ee kakë gäm yïn kedhie ë piɔ̈n mit, ku yɛn cï miɛtëpiɔ̈u de kɔckuön tɔ̈u ee tënë tïŋ, kɔc cï miɔ̈c gäm Yïn ke ke mit piɔ̈ɔ̈th.

1 Lëk 29:9

Kɔc acïk kaken bɛ̈n gäm Bɛ̈nydït ë piɔ̈n mit ëbɛ̈n, ku mitkï piɔ̈ɔ̈th arëët ë kajuëc cïk keek gam. Melik Debid aya acï piɔ̈u bɛ̈n miɛt arëët.

2 Lëk 30:9

Na wɛ̈lkï wepiɔ̈ɔ̈th Bɛ̈nydït, ke kɔc wään cï mïthëkɔckun peec ke ke mac abïk piɔ̈ɔ̈th kok në keek, ku lonykï keek bïk bɛ̈n ciëën baai. Ku Bɛ̈nydït Nhialicdun adik ku ade kokëpiɔ̈u, na lak röt pɔ̈k en, ka abï week gam.”

Neɣe 1:9

ku na dɔ̈kkï röt Ɛn, ku luɔikï lööŋ cä lɛ̈k week, të ciɛk ë we thiäi të lee piny thar guut, ke wek bä bɛ bɛ̈ɛ̈i të wään cä lɔc bä wek Ɛn aa lɔ̈ŋ thïn.’

Diɛt 119:2

Thieithieei në kɔc ë lööŋke tiiŋ yic. Ku rïïukï keek në piɔ̈ɔ̈thken yiic ëbɛ̈n.

Diɛt 119:80

Tɔ yɛn rïïu lööŋku apiɛth ku bïï yɛn päl ayär cï ya tiaam.

Diɛt 41:12

Yïn bï ya kuɔny, në biäk de rëërdiën piɛth, yïn bï ya tɔ tɔ̈u në Yïlɔ̈ɔ̈m aɣet athɛɛr.

Jeremia 29:13

Yïn bï ya kɔɔr, ku yïn bï Yɛn yök, në biäk bï yïn Yɛn kɔɔr ë piɔ̈ndu ëbɛ̈n.

Jeremia 3:10

Ku na ɣɔn në ee kake cök ke Juda nyankënë Yithriɛl cïn piɔ̈u adöt, aacï them bï rɔt looi ke cït kë puk rɔt Ɛn, ku aacïï tɔ̈u në yepiɔ̈u. Acä lueel, Yɛn Bɛ̈nydït.”

Jeremia 36:3

Tɛk däŋ të le kɔc ke Juda riääk kaar bä yiɛ̈n keek ëbɛ̈n piŋ, abïk röt puk ë kuɛɛrkɛn rac yiic. Ku ëtɛ̈ɛ̈n Abä ke päl karɛcken ku awɛ̈ɛ̈cken.”

Jeremia 4:14

Yïn Jeruthalem waakë rɛ̈ɛ̈c tɔ̈u në yïpiɔ̈u wei, ke yï bï kony. Bä jɔ ŋoot ke yï tak karɛc agut cï nɛn?

Dhiëëu 3:32

Aduëër wook tɔ jeth piɔ̈ɔ̈th, ku abï piɔ̈u kok, në biäk de nhiëërdɛn agɔk nhiɛɛr En wook.

Dhiëëu 3:40

Themku kuɛɛrkuɔ yiic ku pukku röt Bɛ̈nydït.

Edhekiɛl 6:9

të bïï kek lɔ rëër ë juöör yiic. Abïk a tak, ku ŋickï nɔn cän keek luöi këtuc ku cä ke yɔ̈ɔ̈r gup, në biäk cïn kek piɔ̈ɔ̈th gäm, acïk a nyääŋ piny, gamkï yiëth ku pälkï yɛn. Ku keek gupken abïk kërac tïŋ në biäk de karɛcken, ku ka yäär ke gup cïk looi.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Lebai 26:40

“Ku na lek karɛcken gam ku gɛmkï karɛc ke wärken, ku gɛmkï awɛ̈ɛ̈c cïk luöi Ɛn ku aterdɛn cïk looi në Yɛn.

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

2 Kor 3:16

Ku kööl bï kek kepiɔ̈ɔ̈th wɛ̈l Bɛ̈nydït tei, ka bï nyaai.

Epethiei 6:24

Ë dhuëëŋdepiɔ̈u tɔ̈u ke kɔc kedhie kɔc nhiaar Bɛ̈nydan Yecu Kërtho në piɔ̈n agɔk. Amiin.

Nyöŋ 13:3

duökï wël ee tiëtë gam taitai. Acïï Bɛ̈nydït Nhialicdun keek tɔ ee ka bïï ë week them, ago ë Bɛ̈nydït ŋic na nhiaarkï ë wepiɔ̈ɔ̈th ëbɛ̈n.

Nyöŋ 6:5

Nhiaar Bɛ̈nydït Nhialicdu në piɔ̈ndu ëbɛ̈n, ku në wëiku ëbɛ̈n ku në riɛldu ëbɛ̈n.

1 Jɔn 1:9

Ku na gamku awɛ̈ɛ̈ckuɔ, ke yen ee Raan adöt ku piɛthpiɔ̈u, ka bï wo päl karɛckuɔ, ku jɔ wo waak piɔ̈ɔ̈th në racdepiɔ̈u ëbɛ̈n.